Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

‘స్పందన’పై మెజార్టీ ప్రజలు సంతృప్తి : సీఎం జగన్

Andhra CM conducts review meeting over Spandana program, ‘స్పందన’పై మెజార్టీ ప్రజలు సంతృప్తి : సీఎం జగన్

ప్రజా సమస్యల సత్వర పరిష్కారం దిశగా అమలు చేస్తున్న స్పందన కార్యక్రమం, వస్తున్న ఫలితాలపై సీఎం జగన్‌ సమీక్షించారు. సమస్యల పరిష్కారంపై బాధితులకు ఫోన్లు చేసి అభిప్రాయాలు స్వీకరించామని అధికారులకు తెలిపారు. సమస్యలు బాగా పరిష్కరించారని 59 శాతం మంది సంతృప్తి వ్యక్తం చేశారన్నారు. మరింత మెరుగ్గా పరిష్కరించవచ్చని 41 శాతం మంది చెప్పినట్లు పేర్కొన్నారు. జిల్లాల నుంచి ఎంపిక చేసుకున్న కొంత మంది అధికారులను పిలిపిస్తామని… వినతుల్లో భాగంగా వారు ఇచ్చిన సమాధానాలను వారికే చూపిస్తామని తెలిపారు. ఏ తరహా సమాధానాలు ఇచ్చారో చూపించి వర్క్‌షాపు నిర్వహిస్తామని ప్రకటించారు. వినతులు ఇచ్చే ప్రజల పట్ల కొందరు సిబ్బంది సవ్యంగా ప్రవర్తించడం లేదన్న ఫిర్యాదులూ వస్తున్నాయని.. అలాంటి కేసులు 2 శాతం నుంచి 5 శాతం వరకూ ఉన్నాయని చెప్పుకొచ్చారు. ఈ విషయాన్ని సీరియస్‌గా తీసుకుంటున్నామన్న వాస్తవాన్ని క్షేత్రస్థాయి అధికారులకు తెలియజేయాలని ఆదేశించారు.

ప్రజలు ఓట్లు వేస్తేనే మనం ఈ స్థాయికి వచ్చామని అధికారులతో ముఖ్యమంత్రి జగన్ అన్నారు. మనం సేవకులమే కాని, పాలకులం కాదని వ్యాఖ్యానించారు. వినతులు, సమస్యలు నివేదించే వారి పట్ల చిరునవ్వుతో ఆహ్వానించాలని సూచించారు. స్పందన స్ఫూర్తి తగ్గకుండా చూడాలని కలెక్టర్లను ఆదేశించిన సీఎం.. గొప్ప ఆశయంతో ఈ కార్యక్రమాన్ని ప్రారంభించామన్న విషయాన్ని మరిచిపోవద్దనన్నారు.