Breaking News
  • విజయనగరం: కొత్తవలస మండలం అప్పనపాలెంలో రోడ్డుప్రమాదం. ఆటోను ఢీకొన్న కారు, నలుగురికి తీవ్రగాయాలు, ఆస్పత్రికి తరలింపు.
  • అమరావతి: రేపు టీడీఎల్పీ సమావేశం. మంగళగిరి టీడీపీ కార్యాయలంలో ఉ.10:30కి సమావేశం. అసెంబ్లీలో అనుసరించాల్సిన వ్యూహంపై చర్చ. మధ్యాహ్నం నుంచి ముఖ్యనేతలతో చంద్రబాబు సమావేశం.
  • ఢిల్లీ: నిర్భయ కేసు. న్యాయవాది ఏపీ సింగ్‌కు బార్‌ కౌన్సిల్‌ నోటీసులు. రెండు వారాల్లోగా సమాధానం చెప్పాలని ఆదేశం. న్యాయవాది ఏపీ సింగ్‌పై విచారణకు ఆదేశించిన ఢిల్లీ హైకోర్టు. నిర్భయ దోషుల తరఫున వాదిస్తున్న ఏపీ సింగ్.
  • నల్గొండ: మున్సిపల్‌ ఎన్నికల్లో టీఆర్‌ఎస్‌కు ఓట్లు అడిగే హక్కులేదు-ఉత్తమ్‌. 40 లక్షల మంది ఎస్సీలకు కేబినెట్‌లో మంత్రి పదవి లేదు. మున్సిపల్‌ ఎన్నికల్లో టీఆర్‌ఎస్‌, కేసీఆర్‌కు షాక్‌ తప్పదు-ఉత్తమ్‌కుమార్‌.
  • ఓయూ అసిస్టెంట్‌ ప్రొ.కాశిం ఇంటిపై పోలీసుల దాడిని ఖండించిన సీపీఐ. కాశిం ఇంటిపై పోలీసుల దాడి అప్రజాస్వామికం-చాడ వెంకట్‌రెడ్డి. రాష్ట్రంలో పాలన ఎమర్జెన్సీని తలపిస్తోంది. కాశిం ఇంట్లో సోదాలను వెంటనే నిలిపివేయాలి-చాడ వెంకట్‌రెడ్డి.

ఆర్మీసీ కార్మికులకు సీఎం కేసీఆర్ సూపర్ ఆఫర్

CM KCR Press Meet about Cabinet Decisions and TSRTC, ఆర్మీసీ కార్మికులకు సీఎం కేసీఆర్ సూపర్ ఆఫర్

ఆర్టీసీ కార్మికులకు సీఎం కేసీఆర్ చివరి అవకాశం ఇచ్చారు. ఈ నెల 5వ తారీకు లోగా విధుల్లో చేరాలన్నారు. అలా చేసి మీ ఉద్యోగాలు కాపాడుకోండి అంటూ పిలుపునిచ్చారు. అలా చేరితేనే కార్మికులకు భవిష్యత్ ఉంటుందన్నారు. ఆర్టీసీ కార్మిక సంఘాల డిమాండ్లపై కమిటీ వేసి చర్చలు జరుపుతున్నామని, కార్మికులు సమ్మెకు వెళ్లడం చట్ట వ్యతిరేకమన్నారు. ఆర్టీసీ సమ్మె చట్ట విరుద్దమని కోర్టుకు నివేదిక ఇచ్చామని, చట్ట వ్యతిరేకంగా సమ్మె చేస్తే కార్మికులు, యజమాన్యానికి సాధారణంగానే సంబంధాలు తెగిపోతాయన్నారు. ఇప్పటికైనా కార్మిక సంఘాల నేతల మాటలు నమ్మకండంటూ హితవు పలికారు. మీ భవిష్యత్‌కు సర్కార్ భరోసా ఇస్తుందన్నారు.

చిన్న ఉద్యోగుల పట్ల ప్రభుత్వానికి సానుభూతి ఉందన్న సీఎం.. వారికి జీతాలు కూడా పెంచామన్నారు. ఆర్టీసీ కార్మికుల పట్ల కఠినంగా వ్యవహరించాల్సిన అవసరం ప్రభుత్వానికి లేదన్నారు. ఇకపై కార్మిక సంఘాల నేతలు బ్లాక్ మెయిల్ చేసే అవకాశం లేకుండా ఉండేందుకే ఈ నిర్ణయాలు తీసుకున్నామన్నారు. అంతేకాదు ఎట్టిపరిస్థితుల్లోనూ ఆర్టీసీని ప్రభుత్వంలో విలీనం చేసే ప్రసక్తేలేదన్నారు సీఎం కేసీఆర్.