Breaking News
  • ఢిల్లీ భారత్ లో విజృంభిస్తున్న కరోనా వైరస్.. దేశవ్యాప్తంగా కరోనా పాజిటివ్ కేసులు : 2,07615. దేశ వ్యాప్తంగా యాక్టీవ్ కేసులు: 100303. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5,815. కేంద్ర ఆరోగ్య మంత్రిత్వ శాఖ.
  • విశాఖ: డాక్టర్ సుధాకర్ పై సీబీఐ కేసు. 353, 427, 506 సెక్షన్ల కింద కేసు నమోదు చేసిన సీబీఐ. ప్రభుత్వ ఉద్యోగి విధులకు ఆటంకం కలిగించడం అతనిపై దాడి చేయడం, సెల్ ఫోన్ పగుల గొట్టడం, బెదిరింపులకు దిగినట్టు డాక్టర్ సుధాకర్ పై అభియోగాలు.
  • తెలుగు రాష్ట్రాల విద్యుత్ ఉద్యోగుల విభజనపై సుప్రీం కోర్టులో విచారణ ఏపీ నుంచి తెలంగాణ కి రిలీవ్ అయిన ఉద్యోగులు దాఖలు చేసిన పిటిషన్ పై విచారణ జరిపిన ధర్మాసనం. మేము ఆంధ్రప్రదేశ్ రాష్ట్రానికి సంబంధించిన ఉద్యోగులం. కాబట్టి మేము ఆంధ్రప్రదేశ్ లోని పని చేయాలని కోరుకుంటున్నామని తెలిపిన ఉద్యోగులు.
  • వైద్య కళాశాలలను భయపెడుతున్న కరోనా. హైదరాబాద్ లో మూడు వైద్య కళాశాలల్లో బయటపడిన కరోనా పాజిటివ్ కేసులు. కరోనా పాజిటివ్స్ లో ఎక్కువ మంది హాస్టల్ విద్యార్థులు . అత్యవసర చర్యలు చేపట్టిన వైద్య కళాశాలలు.
  • టీవీ9 తో తెలంగాణ బోర్డ్ ఆఫ్ ఇంటర్మీడియట్ సెక్రటరీ 200 సయ్యద్ ఉమర్ జలీల్ లాక్‌డౌన్‌ నిబంధనల మధ్య జరిగిన ఇంటర్మీడియట్ ద్వితీయ సంవత్సర పరీక్షలు విజయవంతంగా ముగిశాయి. పరీక్షలు ఎలాంటి ఆటంకం లేకుండా జరిగాయి.
  • తీరం దాటుతున్న నిసర్గ తుఫాను. అలీబాగ్‌కు సమీపంలో తీరాన్ని తాకిన నిసర్గ. తీరాన్ని దాటేందుకు మరో గంట సమయం. ముంబై విమానాశ్రయంలో విమానాల రాకపోకలపై నిషేధం. సాయంత్రం గం. 7.00వరకు నిషేధించిన అధికార యంత్రాంగం.

ఇంకో ఐదేళ్లు కావాలా?.. యాదాద్రి పనులపై సీఎం కేసీఆర్ ఫైర్

KCR reviews Sri Lakshmi Narasimha Swamy temple development works, ఇంకో ఐదేళ్లు కావాలా?.. యాదాద్రి పనులపై సీఎం కేసీఆర్ ఫైర్

యాదాద్రి ఆలయం పునర్ నిర్మాణ పనులను పరిశీలించిన తెలంగాణ ముఖ్యమంత్రి కేసీఆర్… అధికారుల తీరుపై తీవ్ర అసంతృప్తి వ్యక్తం చేశారు. ఆలయ నిర్మాణం పనులు, యాదాద్రి అభివృద్ధి పనుల్లో జాప్యం జరగడంపై ఆయన అధికారులపై ఆగ్రహం వ్యక్తం చేశారు. పనులు పూర్తి చేయడానికి మరో ఐదేళ్లు కావాలా ? అంటూ వారిపై అసహనం వ్యక్తం చేశారు. సాధ్యమైనంత తొందరగా పనులను పూర్తి చేయాలని ఆయన ఉన్నతాధికారులను ఆదేశించారు. శనివారం యాదాద్రి ఆలయ నిర్మాణం పనులతో పాటు పట్టణంలోని అభివృద్ధి పనులను స్వయంగా పర్యవేక్షించిన సీఎం కేసీఆర్… పనుల్లో వేగం పెంచాలని అధికారులను ఆదేశించారు.

ఆలయ అభివృద్ధికి రూ.473 కోట్లతో ప్రతిపాదనలు పంపామని యాదాద్రి అధికారులు సీఎం దృష్టికి తీసుకొచ్చారు. దీనిపై సీఎం స్పందిస్తూ.. ఆర్థిక శాఖ కార్యదర్శితో మాట్లాడి త్వరలో నిధులు మంజూరు చేయిస్తానని హామీ ఇచ్చారు. ఆలయ నిర్మాణ పనుల కోసం తక్షణమే రూ.50 కోట్లు మంజూరు చేస్తున్నట్లు అక్కడికక్కడే ప్రకటించారు.  మరోవైపు.. యాడాకు మరో ఉన్నతాధికారిని నియమించాలని సీఎం కేసీఆర్‌ భావిస్తున్నట్లు సమాచారం. ప్రస్తుతం ఆర్‌ అండ్‌ బీ పనులకు సంబంధించి ఎస్‌ఈ స్థాయి వ్యక్తి పర్యవేక్షిస్తున్నారు. అధికారుల కోరిక మేరకు త్వరలోనే సీఈ స్థాయి వ్యక్తిని ఉన్నతాధికారిగా నియమించనున్నట్లు తెలుస్తోంది.

 

 

Related Tags