“నాది కూడా కృష్ణా జిల్లానే, నా మేనత్తను ఈ జిల్లా వారికే ఇచ్చాం”

ఆంధ్రప్రదేశ్‌ చరిత్రలో ఇవాళ చారిత్రాత్మకమైన రోజని సీఎం జగన్‌ వ్యాఖ్యానించారు. 3 రాజధానుల బిల్లుపై ఆయన శాసనసభలో ప్రసంగించారు. చంద్రబాబు నాయుడు సభలో అబద్దాలు చెబుతూ సమయాన్ని వృథా చేస్తున్నారని ఆరోపించారు. వెలగపూడిలో ఉన్నది టెంపరరీ బిల్డింగ్స్ అన్న సీఎం, ఆల్రెడీ మద్రాస్‌ని పోగొట్టుకున్నాం, కర్నూలును కూడా వదులుకున్నామని వ్యాఖ్యానించారు. ఈ సందర్భంగా శివరామకృష్ణన్ రాజధాని గురించి మాట్లాడిన క్లిప్పింగులను సభలో ప్లే చేయించారు జగన్.

సీఎం జగన్ మాట్లాడిన స్పీచ్‌లోని ముఖ్యాంశాలు :

• ఈ సభలో తీసుకునే నిర్ణయం కోసం ప్రజలు ఎదురుచూస్తున్నారు
• నన్ను మాట్లాడనీయకుండా చేస్తున్న టీడీపీ నేతల తీరును ప్రజలు గమనిస్తున్నారు
• తెలుగువారంతా ఒకటి కావాలి అని ఆరోజు శ్రీబాగ్‌ ఒప్పందం చేసుకున్నారు
• శివరామకృష్ణన్ నివేదికలోనే నూతన రాజధాని నిర్మాణాన్ని వ్యతిరేకించారు
• కమిటీ రిపోర్టులను బాబు గడ్డిపరికలా కొట్టిపారేశారు
• మొదటి తెలంగాణ ఉద్యమం అభివృది రాహిత్యం వల్ల వస్తే.. రెండవ సారి అభివృద్ధి ఒక్కచోట కేంద్రీకృతం కావడం వల్ల వచ్చిందని శ్రీకృష్ణ కమిటీ చెప్పింది
• నొటిఫికేషన్ కన్నా ముందే టీడీపీ నేతలు భూములు కొన్నారు
• బాబు ఏకపక్షంగా చేయాలనుకుంది చేసుకుంటూ వెళ్లిపోయారు
• అమరావతి అనేది విజయవాడలో లేదు, గుంటూరులో లేదు
• తన బినామీలకు బాబు భూములు దోచిపెట్టారు
• భూములు కొన్నవాళ్లలో బాబు సొంత కంపెనీ హెరిటేజ్‌ కూడా ఉంది
• విజయవాడ, గుంటూరు మధ్య భ్రమరావతి చూపించారు
• నిర్మాణాలకు అనువుగా లేని గ్రామాల్లో కూడా భూములు కొనుగోలు చేశారు
• నైన్ ఇన్ వన్ అంటూ కొత్త సినిమా చూపించారు
• స్టేట్‌ను బాబు రియల్ ఎస్టేట్ వెంచర్‌గా మార్చుకున్నారు
• రాజధాని కోసం నారాయణ కమిటీ అని సొంత కమిటీ వేసుకున్నారు
• అమరావతి భూములకు లక్ష కోట్ల రూపాయల వెల కట్టారు
• కనీసం రోడ్డు కూడా లేని గ్రామాల్లో కూడా భూములు కొనుగోలు చేశారు
• చంద్రబాబు ఓటుకు నోటు కేసులో పారిపోయి వచ్చారు
• టీడీపీ నేతలకు రైతులపై ప్రేమ లేదు
• చంద్రబాబు చూపించిన గ్రాఫిక్స్ అమరావతి కట్టాలంటే ఇంకా లక్షన్నర కోట్లు ఖర్చు పెట్టాలి
• మాది కూడా కృష్ణా జిల్లానే, మా మేనత్తను ఈ జిల్లా వారికే ఇచ్చాం
• మా కుటుంబానికి చెందిన రాజ్, యువరాజ్ థియేటర్లు..40 ఏళ్ల నుంచి ఇక్కడే ఉన్నాయ్
• కృష్ణా, గుంటూరు జిల్లాల్లో 33 మంది ఎమ్మెల్యేలు ఉంటే 29 మంది మావాళ్లే..
• ఈ జిల్లాలో నివశిస్తోన్న ప్రతివారు నావారే
• టీడీపీ ఎమ్మెల్యేల్లో కొందరు మాకు మద్దతిచ్చేవారు ఉన్నారు
• ప్రజలను మోసం చెయ్యలేను, అభివృద్ది చేసి చూపిస్తా
• అన్ని జిల్లాలు, కులాలు, మతాలు ప్రాంతాలు చల్లగా ఉండాలి
• కమ్మ, కాపు, రెడ్డి, ఎస్సీ, ఎస్టీ, బీసీలు..అందరూ ఓట్లు వేస్తేనే 151 సీట్లు గెలిచాం
• నేను గొప్ప సహచరులుగా భావించే కొడాలి నాని, తలశిల రఘురాం కమ్మారు కాదా?
• నేను ఏ కులానికి వ్యతిరేకం కాదు, నాకు అలాంటి వ్యత్యాసాలు లేవు