Breaking News
  • విశాఖ: సింహాద్రి అప్పన్నస్వామికి స్వర్ణ తులసీ దళాలు సమర్పణ. రూ.25 లక్షలు విలువైన 50 స్వర్ణ తులసీ దళాలు సమర్పించిన బోకం శ్రీనివాసరావు దంపతులు. గతంలోనూ పలు కానుకలు సమర్పించిన శ్రీనివాసరావు.
  • అమరావతి: ఓఎన్‌జీసీ, గెయిల్‌ అధికారులతో మంత్రి పెద్దిరెడ్డి భేటీ. మత్స్యకారులకు చేయూతనివ్వాలని కోరిన పెద్దిరెడ్డి రామచంద్రారెడ్డి. కార్పొరేట్‌ రెస్పాన్స్‌బిలిటీ కింద 2శాతం చెల్లించాలని కోరిన మంత్రి. గతంలో రూ.150 కోట్లు ఇస్తామని ఓఎన్‌జీసీ, గెయిల్‌ అంగీకారం. బకాయిలు రూ.82.12 కోట్లు వెంటనే చెల్లించాలని కోరిన పెద్దిరెడ్డి. ఆయిల్ నిక్షేపాల వెలికితీత సమయంలో మత్స్య సంపదకు నష్టం కలుగకుండా జాగ్రత్తలు తీసుకోవాలని సూచన.
  • తిరుపతి: మీడియాతో మాజీ సీఎం కిరణ్‌ కుమార్‌రెడ్డి చిట్‌చాట్‌. పీసీసీ చీఫ్‌ పదవి మీడియా ఊహగానాలేనన్న కిరణ్‌కుమార్‌రెడ్డి. పీసీసీ చీఫ్‌ పదవిపై అంతగా ఆసక్తి లేదన్న మాజీ సీఎం. తాజా రాజకీయాల తీరుపై తీవ్ర అసంతృప్తి. తాను తిరుపతిలో తెలుగు మహాసభలను ఘనంగా నిర్వహించానన్న కిరణ్‌. చిత్తూరు జిల్లాలో తాను ప్రారంభించిన తాగు, సాగు నీరు ప్రాజెక్టు కొనసాగించకపోవడం పట్ల ఆవేదన. తిరుపతిలో అంతర్జాతీయ స్టేడియం నిర్మించకపోవడంపై అసంతృప్తి.
  • సైదాబాద్‌ పీఎస్‌లో అక్బరుద్దీన్‌పై కేసునమోదు. అక్బరుద్దీన్‌పై క్రిమినల్‌ కేసు నమోదు చేయాలని సైదాబాద్‌ పోలీసులను ఆదేశించిన నాంపల్లి కోర్టు. భారత దేశ సార్వభౌమత్వాన్ని సవాల్‌ చేసిన అక్బరుద్దీన్‌. న్యాయవాది కరుణసాగర్‌ ఫిర్యాదుతో కేసునమోదు.
  • గుంటూరు: దుర్గి మండలం ధర్మవరంలో జనసేన నేతల పర్యటన. బోనబోయిన శ్రీనివాస్‌యాదవ్‌ ఆధ్వర్యంలో కార్యకర్తలకు పరామర్శ. గ్రామంలో తిరునాళ్ల సందర్భంగా పోలీసులు, గ్రామస్తుల మధ్య ఘర్షణ. గురజాల డీఎస్పీ శ్రీహరిని కలిసిన జనసేన నేతలు. గొడవతో సంబంధం లేని వారిని కేసుల నుంచి తొలగించాలని విజ్ఞప్తి. గురజాల సబ్‌జైలులో ఉన్న ధర్మవరం జనసైనికులకు పరామర్శ.
  • తూ.గో: రాజమండ్రి దగ్గర పురాతన హెవలాక్‌ బ్రిడ్జిని పరిశీలించిన ఎంపీ మార్గాని భరత్‌, టూరిజం ఎండీ ప్రవీణ్‌కుమార్‌. హెవలాక్‌ బ్రిడ్జిని పర్యాటక కేంద్రంగా తీర్చుదిద్దనున్న ప్రభుత్వం. వాకింగ్‌, సైక్లింగ్‌ ట్రాక్‌, ఫుడ్‌బజార్‌, ఫ్యాషన్‌ బజార్లకు ఏర్పాటు. 40 అడుగుల మేర ట్రాక్‌ ఏర్పాటు చేయాలని కోరిన ఎంపీ. త్వరలో పనులు ప్రారంభిస్తామన్న ఎండీ ప్రవీణ్‌కుమార్‌.

ఆరోగ్యాంధ్రప్రదేశ్‌కు ఆరు సూత్రాలు.. సీఎం జగన్ పిలుపు

CM Jagan review meeting with higher officials on Health, ఆరోగ్యాంధ్రప్రదేశ్‌కు ఆరు సూత్రాలు.. సీఎం జగన్ పిలుపు

ఆరోగ్యం, కుటుంబ సంక్షేమంపై ముఖ్యమంత్రి వైయస్‌.జగన్‌ సమీక్ష నిర్వహించారు. కంటివెలుగు, ఆరోగ్యశ్రీ ఆస్పత్రిలో అభివృద్ధి కార్యక్రమాలు, మాతా శిశుమరణాల నివారణ, రోగులకు ఇచ్చే పెన్షన్ సహా పలు అంశాలపై సీఎం సుదీర్ఘంగా చర్చించారు. ఈ సందర్భంగా ఆరోగ్యాంధ్రప్రదేశ్‌కు ఆరు సూత్రాలతో ముందుకు సాగాలని పిలపునిచ్చారు. శుక్రవారం ఏపీ సచివాలయంలో జరిగిన ఈ సమీక్షలో ఆయన పలు విషయాలపై అధికారులను అడిగి తెలుసుకున్నారు. రాష్ట్రంలో వైద్యారోగ్య శాఖలో పోస్టుల భర్తీ, ప్రపంచ ఆరోగ్యసంస్థ ప్రమాణాల ప్రకారం మందుల తయారీ, హాస్పిటల్స్‌లో తగిన మందులను ఉంచడంపై అధికారులను వివరాలు అడిగి తెలుసుకున్నారు.

రాష్ట్రంలో ప్రతి పౌరుని ఆరోగ్యానికి పెద్ద పీట వేస్తున్నందున ఆ దిశగా అధికారులు చర్యలు తీసుకోవాలన్నారు. రాష్ట్రంలో కొత్తగా 108, 104 వాహనాలు కొనుగోలుపై కూడా ఆయన చర్చించారు. నవంబర్‌ 1 నుంచి హైదరాబాద్, చెన్నై, బెంగుళూరుల్లోని 150 సూపర్ స్పెషాలిటీ హాస్పిటల్స్‌లో ఆరోగ్యశ్రీ సేవలు అందించాలని ఆదేశించారు. డిసెంబర్‌ 1నుంచి శస్త్రచికిత్సలు చేయించుకున్న వారికి కోలుకునేంతవరకూ ఆర్థిక సహాయం అందించాలని ప్రభుత్వం భావిస్తున్నందున ఆ దిశగా పెండింగ్ పనులు వేగవంతం చేయాలని ఆదేశించారు. దీనిద్వారా ఆపరేషన్ చేయించుకున్న రోగికి నెలకు రూ.5వేలు లేదా రోజుకు రూ.225 ఇవ్వాలని నిర్ణయించింది. అదే విధంగా తీవ్రమైన కిడ్నీ వ్యాధులతో బాధపడుతున్న వారికే కాకుండా తలసేమియా, హీమోఫీలియా, సికిల్‌సెల్‌ ఎనీమియా వ్యాధులతో బాధపడుతున్న వారికి కూడా రూ.10వేలు ఆర్దిక సాయాన్ని చేయాలని సీఎం జగన్ ఆదేశించారు. తీవ్ర పక్షవాతంతో వీల్‌ఛైర్‌కు పరిమితమైనవారికీ, రెండు కాళ్లు లేక చేతులు లేనివారు, లేక పనిచేయని స్థితిలో ఉన్నవారికీ, కండరాల క్షీణతతో పనిచేయని పరిస్థితిలో ఉన్నవారికి రూ.5వేల పెన్షన్‌ వర్తించేలా చర్యలు చేపట్టాలని సీఎం ఆదేశించారు. ఇది జనవరి 1 నుంచి ఇది అమలయ్యేలా చూడాలన్నారు.

వీటన్నిటితో పాటు సాధారణంగా ప్రజలను ఇబ్బందిపెడతున్న డెంగూ, సీజనల్‌ వ్యాధులను ఆరోగ్యశ్రీ పైలట్ ప్రాజెక్టులో స్ధానం కల్పించాలని సీఎం పేర్కొన్నారు. ఇది కూడా జనవరి 1 నుంచి అమలు జరగాలని ఆదేశించారు. డిసెంబర్‌ 21న ఆరోగ్యకార్డుల జారీ చేయాలని, ఆస్పత్రుల్లో పనిచేసే శానిటేషన్‌ వర్కర్లకు రూ.రూ.16వేలు పెంచేలా వెంటనే జీవో జారీచేయాలని అధికారులను సీఎం జగన్ ఆదేశాలు జారీ చేశారు. రోడ్డు ప్రమాదంలో గాయపడ్డవారు ఆస్పత్రికి వస్తే… డబ్బుకోసం వేచిచూడాల్సిన అవసరంలేదనే రీతిలో తగిన చర్యలు తీసుకోవాలని సీఎం అధికారులకు తెలిపారు. దీనికోసం ప్రభుత్వం నుంచే కొంతమొత్తాన్ని కేటాయించేలా చర్యలు తీసుకోవాలన్నారు. దీనికోసం విధివిధానాలు ఖరారుచేయాలన్నారు. ఇక వైద్యఆరోగ్యశాఖలో ఖాళీలభర్తీ ప్రక్రియ జనవరిలో మొదలుపెట్టాలన్న సీఎం.