Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

స్పాట్ ఫిక్సింగ్ ఆరోపణలు.. భారత యువ క్రికెటర్లు అరెస్ట్!

Two Young Cricketers Involved In Spot Fixing Arrested, స్పాట్ ఫిక్సింగ్ ఆరోపణలు.. భారత యువ క్రికెటర్లు అరెస్ట్!
భారత క్రికెట్‌లో మరో స్పాట్ ఫిక్సింగ్ ఉదంతం ఇప్పుడు వెలుగులోకి వచ్చింది. తాజాగా కర్ణాటక ప్రీమియర్ లీగ్‌లో ఫిక్సింగ్ జరిగిందనే ఆరోపణలు సంచలనంగా మారాయి. ఈ నేపథ్యంలో యువ క్రికెటర్లు సీఎం గౌతమ్, అబ్రార్ కాజి‌లను బెంగుళూరు సీబీఐ అధికారులు అరెస్ట్ చేశారు. వీరిద్దరూ లీగ్‌లో బళ్ళారి టస్కర్స్, హుబ్లీ టైగర్స్ మధ్య జరిగిన ఫైనల్ మ్యాచ్‌లో స్పాట్ ఫిక్సింగ్‌కు పాల్పడ్డారని తెలుస్తోంది.
టస్కర్స్ టీమ్ తరపున ఆడిన ఈ ప్లేయర్స్ టార్గెట్ ఛేదించే క్రమంలో డిఫెన్సివ్ బ్యాటింగ్ ఆడేందుకు బుకీ‌ల దగ్గర నుంచి రూ.20 లక్షలు తీసుకున్నారని  సమాచారం. దీంతో టస్కర్స్ నిర్ణీత 20 ఓవర్లలో కేవలం 144 పరుగులు మాత్రమే చేసి.. 9 పరుగుల తేడాతో ఓటమి పాలయ్యింది. ఒక్క ఈ మ్యాచ్ మాత్రమే కాదు.. లీగ్‌ దశలో జరిగిన మరో మ్యాచ్‌లో కూడా వీరు ఇలాగే చేశారనడానికి రుజువులు లభించాయట.
‘కర్ణాటక ప్రీమియర్ లీగ్‌లో స్పాట్ ఫిక్సింగ్ జరిగిందని.. ప్రస్తుతం గౌతమ్, కాజిలను అరెస్ట్ చేశామని సీబీఐ జాయింట్ కమిషనర్ సందీప్ పాటిల్ వెల్లడించారు. లీగ్‌లో మరిన్ని మ్యాచ్‌ల్లో కూడా ఫిక్సింగ్ జరిగినట్లు తెలుస్తోంది. పూర్తి విచారణ జరుపుతున్నాం.. త్వరలోనే మరి కొంతమంది అరెస్ట్ అయ్యే అవకాశం ఉందని’ ఆయన అన్నారు. కాగా, ఈ కేసుపై మరిన్ని వివరాలు తెలియాల్సి ఉంది.