పాక్‌లో మరో దారుణం.. టీనేజ్‌ క్రిస్టియన్‌ అమ్మాయిపై దాడి.. ఆపై..
పాకిస్థాన్‌లో మైనార్టీలపై దాడులు ఆగడం లేదు. ఓ రోజు హిందువులపై జరిగితే.. మరోరోజు సిక్కులపై.. ఆ తర్వాత క్రైస్తవులపై.. ఇలా నిత్యం అక్కడ ఉన్న మైనార్టీలపై పాకిస్థాన్‌లో ఉన్న మెజార్టీ ముస్లింలు నిత్యం దాడులకు పాల్పడుతున్నారు. అంతేకాదు.. మైనార్టీ మైనర్ అమ్మాయిలను కిడ్నాప్‌ చేసి.. ఆపై మతం మార్చి వివాహాలు చేసుకోవడం సర్వసాధారణమైపోయింది. ప్రతి ఏటా దాదాపు వెయ్యి మంది హిందూ మైనార్టీ యువతులను బలవంతంగా కిడ్నాప్‌ చేసి.. మతం మార్చి వివాహాలు చేసుకుంటున్నారు. తాజాగా.. కసూర్ […]
పాకిస్థాన్‌లో మైనార్టీలపై దాడులు ఆగడం లేదు. ఓ రోజు హిందువులపై జరిగితే.. మరోరోజు సిక్కులపై.. ఆ తర్వాత క్రైస్తవులపై.. ఇలా నిత్యం అక్కడ ఉన్న మైనార్టీలపై పాకిస్థాన్‌లో ఉన్న మెజార్టీ ముస్లింలు నిత్యం దాడులకు పాల్పడుతున్నారు. అంతేకాదు.. మైనార్టీ మైనర్ అమ్మాయిలను కిడ్నాప్‌ చేసి.. ఆపై మతం మార్చి వివాహాలు చేసుకోవడం సర్వసాధారణమైపోయింది. ప్రతి ఏటా దాదాపు వెయ్యి మంది హిందూ మైనార్టీ యువతులను బలవంతంగా కిడ్నాప్‌ చేసి.. మతం మార్చి వివాహాలు చేసుకుంటున్నారు. తాజాగా.. కసూర్ ప్రాంతంలోని ఓ యుక్త వయస్సులో ఉన్న క్రైస్తవ అమ్మాయిపై స్థానిక గుండాలు దాడికి దిగారు. మీరు తక్కువ జాతికి చెందిన వారు.. ఇక్కడ ఉండేందుకు వీలులేదంటూ బెదిరింపులకు దిగుతున్నారని.. బాధితురాలి కుటుంబ సభ్యులు తెలిపారు. అయితే అక్కడ ఉన్న ఓ న్యాయవాది, మానవ హక్కుల కార్యకర్త వీరి పట్ల బాసటగా నిలవడంతో.. కనీసం ఈ విషయం ప్రపంచానికి తెలిసిందని అక్కడి స్థానికులు వాపోతున్నారు. యువతిపైన దాడికి దిగిన సమయంలో.. ఇంట్లో అంతా మహిళలే ఉన్నారని.. అయితే ఇంటికి సంబంధించిన పురుషులు వచ్చాక.. స్థానిక పోలీస్ స్టేషన్‌కు వెళ్లి పిర్యాదు చేసినప్పటికీ.. అక్కడ ఎవరూ తమను పట్టించుకోవడం లేదని.. తమ ఇంటి మగ వారిని కొట్టి.. అక్రమ కేసులు పెట్టారని వాపోతున్నారు. పంజాబ్‌, సింధ్ ప్రావిన్స్‌లలో ఉండే.. మైనార్టీలపై ఈ రకమైన దాడులు నిత్యం జరుగుతున్నప్పటికీ.. అక్కడి ప్రభుత్వం చూసి చూడనట్లు వ్యవహరిస్తోంది.
