Breaking News
  • నల్గొండ: ధర్మారెడ్డిపల్లి కాల్వను పూర్తిచేసి రైతులకు నీరు ఇవ్వాలి. రైతుల ఆత్మహత్యలలో దేశంలో తెలంగాణ మూడో స్థానంలో ఉంది. మిగులు బడ్జెట్‌ ఉన్న తెలంగాణను అప్పుల తెలంగాణగా మార్చారు. అన్ని ప్రాంతాలను సమానంగా చూస్తేనే సీఎం అని అనిపించుకుంటారు. రైతు బంధు నిధులను వెంటనే విడుదల చేయాలి-కోమటిరెడ్డి వెంకట్‌రెడ్డి.
  • కరీంనగర్‌: అల్గునూర్‌ బ్రిడ్జి పైనుంచి పడ్డ కారు. కారులో ప్రయాణిస్తున్న భర్త మృతి, భార్యకు గాయాలు. కాపాడేందుకు వెళ్లిన కానిస్టేబుల్‌ చంద్రశేఖర్‌కు గాయాలు. మృతుడు కరీంనగర్‌కు చెందిన శ్రీనివాస్‌గా గుర్తింపు. కొమురవెళ్లి జాతరకు వెళ్తుండగా ఘటన.
  • సిద్దిపేట: జగదేవపూర్‌లో ఉద్రిక్తత. చైర్మన్‌ పదవి కోసం రెండువర్గాలుగా చీలిన టీఆర్‌ఎస్. ఇంద్రసేనారెడ్డి, శ్రీనివాస్‌రెడ్డి వర్గాల మధ్య ఘర్షణ. శ్రీనివాస్‌రెడ్డి వర్గానికి చెందిన వ్యక్తి ఆత్మహత్యాయత్నం. అడ్డుకున్న పోలీసులు.
  • చెన్నై: విల్లుపురం జిల్లా సెంజిలో అగ్రవర్ణాల దాష్టీకం. పొలాల్లో మల విసర్జన చేశాడని యువకుడిని కొట్టిన అగ్రవర్ణాల పెద్దలు. యువకుడికి తీవ్రగాయాలు, పోలీసులకు సమాచారం ఇచ్చిన స్థానికులు. గాయాలతో ఉన్న యువకుడిని ఇంటికి పంపిన పోలీసులు. ఇంటికి వెళ్లిన కొద్దిసేపటికే యువకుడు మృతి. కుటుంబ సభ్యులు, దళిత సంఘాల ఆందోళన. దాడి చేసినవారిని కఠినంగా శిక్షించాలని డిమాండ్‌.
  • బాబు మాజీ పీఎస్‌ శ్రీనివాస్‌ ఇంట్లో ఐటీ దాడులపై రాజకీయ రచ్చ. వైసీపీ, టీడీపీ పరస్పర విమర్శలు. ట్విట్టర్‌లో చంద్రబాబుపై విజయసాయి ధ్వజం. కౌంటర్‌ ఎటాక్‌ చేసిన టీడీపీ నేతలు. శ్రీనివాస్‌ కమిట్‌మెంట్‌ను మెచ్చుకోవాలి. యజమాని ప్రతి లావాదేవీని డైరీలో రాసుకున్నాడు. దోచుకున్నవి, దొంగ లెక్కలను పర్‌ఫెక్ట్‌గా రికార్డ్‌ చేశాడు-విజయసాయి. దోపిడీదారులు నిప్పుకణికల్లా బిల్డప్‌ ఇస్తుంటారు-విజయసాయి. టీడీపీపై దుష్ప్రచారం చేస్తే చట్టపర చర్యలు-యనమల. ఐటీ దాడులను భూతద్దంలో చూపించారు-యనమల. రూ.2 వేల కోట్ల నగద అని ప్రచారం చేశారు. చంద్రబాబుకు వైసీపీ నేతలు క్షమాపణ చెప్పాలి-యనమల. శ్రీనివాస్‌ ఇంట్లో వేల కోట్లు ఉన్నాయని తప్పుడు ప్రచారం చేశారు-బుచ్చయ్య. వైవీ సుబ్బారెడ్డి మైనింగ్‌లపై విచారణ చేయాలి-బుచ్చయ్య.

Chiru 152 News: చిరు మూవీలో ఆ నటుడు.. ఉత్తుత్తి ప్రచారమేనన్న టీమ్..!

Chiranjeevi movie news, Chiru 152 News: చిరు మూవీలో ఆ నటుడు.. ఉత్తుత్తి ప్రచారమేనన్న టీమ్..!

కొరటాల శివ దర్శకత్వంలో మెగాస్టార్ చిరంజీవి 152వ చిత్రంలో నటిస్తోన్న విషయం తెలిసిందే. మ్యాట్నీ ఎంటర్‌టైన్‌మెంట్స్, కొణిదెల ప్రొడక్షన్స్ సంయుక్తంగా నిర్మిస్తున్న ఈ చిత్రానికి ఆచార్య అనే టైటిల్‌ను ఫిలింనగర్‌లో రిజిస్టర్ చేయించారు. ఇక ఈ చిత్రంలో రామ్ చరణ్ కూడా నటిస్తున్నారు. చిరంజీవి ఫ్యాష్‌ బ్యాక్ ఎపిసోడ్‌లో చరణ్ కనిపిస్తున్నారని తెలుస్తోంది. ఇందుకోసం దాదాపుగా 40 రోజులను చెర్రీ కేటాయించినట్లు టాక్. ఇదిలా ఉంటే ఈ మూవీలో ఓ కీలక పాత్రలో విలక్షణ నటుడు మోహన్ బాబు కనిపించబోతున్నట్లు ఆ మధ్య వార్తలు వచ్చిన విషయం తెలిసిందే.

చిరుకు విలన్‌గా మోహన్ బాబు కనిపించబోతున్నాడని.. ఆయన పాత్ర ఈ సినిమాకు మరో ప్లస్ అవ్వనుందని ఆ మధ్యన పుకార్లు వినిపించాయి. అందునా 90ల్లో పలు చిత్రాల్లో చిరుకు విలన్‌గా కనిపించారు మోహన్ బాబు. దీంతో దాదాపు 30సంవత్సరాల తరువాత ఈ జోడీని మళ్లీ చూసే అవకాశం వస్తుందని ఫ్యాన్స్ కూడా సంతోషపడ్డారు. కానీ మూవీ యూనిట్ సమాచారం ప్రకారం ఈ చిత్రంలో మోహన్ బాబు లేరట. అంతేకాదు అసలు ఈ మూవీ కోసం చిరు టీమ్.. విలక్షణ నటుడిని కలవలేదని సమాచారం. ఈ చిత్రంలో మోహన్ బాబు ఇమేజ్‌కు తగ్గ పాత్ర లేకపోవడంతో, ఆయన్ను కలవలేదని టాక్. కాగా ఈ మూవీలో చిరంజీవి సరసన త్రిష మరోసారి నటిస్తోంది. మణిశర్మ సంగీతం అందిస్తోన్న ఈ మూవీపై టాలీవుడ్‌లో భారీ అంచనాలు ఉన్నాయి.