కరోనా కరోనా అని అరుస్తూ.. అత్యాచారయత్నం నుంచి తప్పించుకుని.. చివరకు..

కరోనా వైరస్.. ఇప్పుడు ప్రపంచాన్ని వణికిస్తున్న ఈ మహమ్మారి.. వందల మందిని పొట్టనపెట్టుకుంది. అయితే ఈ వ్యాధి సోకితే ఇక ప్రాణాలపై ఆశలు వదులుకోవాల్సిందే. చైనా విజృంభిస్తున్న ఈ వైరస్.. ఇతర దేశాల్ని కూడా భయబ్రాంతులకు గురిచేస్తోంది. కరోనా వైరస్ అని పేరు వింటే చాలు ప్రజలు హడలిపోతున్నారు. కానీ చైనాలోని ఓ మహిళకు ఈ కరోనా పేరు కలిసొచ్చింది. ఈ పేరు చెప్పి ఓ పెద్ద ఘటన నుంచే తప్పించుకుంది. వివారాల్లోకి వెళితే.. చైనాలోని ఓ మహిళ.. ఇటీవలే వుహాన్ పట్టణం నుంచి జింగ్‌షాన్‌కు వచ్చి నివాసం ఉంటుంది. అయితే ఈ క్రమంలో ఓ దొంగ ఆమె ఇంట్లోకి చొరబడ్డాడు. ఒంటరిగా ఉన్నది గమనించి.. ఆమెపై అత్యాచారానికి పాల్పడేందుకు ప్రయత్నించాడు. దీంతో వెంటనే అప్రమత్తమైన సదరు మహిళ.. తాము వుహాన్ నుంచి వచ్చామని.. తనకు కరోనా సొకిందంటూ అరిచింది. తనను తాను రక్షించుకునేందుకు వూహాన్ నుంచి ఇక్కడ వచ్చి ఒంటరిగా ఉంటున్నానని సదరు దొంగొడితో చెప్పడంతో వాడు ఒక్కసారిగా షాక్ తిన్నాడు. ఆ దొంగోడు నమ్మేలా పలుమార్లు దగ్గుతున్నట్లు యాక్టింగ్ చేయడంతో.. ఆ దొంగ నిజమనే నమ్మేశాడు. వెంటనే అక్కడి నుంచి పారిపోయాడు. అయితే పారిపోతూ ఇంట్లో ఉన్న 3800 యువాన్లను ఎత్తుకెళ్లాడు. ఈ ఘటనపై సదరు మహిళ పోలీసులకు ఫిర్యాదు చేసింది. దీంతో రంగంలోకి దిగిన పోలీసులు ఆ దొంగోడిని పట్టుకుని అరెస్ట్ చేశారు. మొత్తానికి కరోనా వైరస్.. ఇలా కూడా ఉపయోగపడుతుందని ఈ ఇంటలిజెంట్ వుమెన్ ద్వారా తెలుస్తోంది.