ఎస్పీబీ ఆరోగ్యంపై తాజా హెల్త్ బులిటెన్
ప్రముఖ గాయకుడు ఎస్పీబీ ఆరోగ్యంపై తాజాగా హెల్త్ బులిటెన్ విడుదలైంది. ఎస్పీ బాలసుబ్రహ్మణ్యం ఆరోగ్యపరిస్థితిపై చెన్నై ఎంజీఎం ఆస్పత్రి వైద్యులు హెల్త్ బులెటిన్ విడుదల చేశారు. ఎస్పీ బాలు ఆరోగ్య పరిస్థితి విషమంగా
ప్రముఖ గాయకుడు ఎస్పీబీ ఆరోగ్యంపై తాజాగా హెల్త్ బులిటెన్ విడుదలైంది. ఎస్పీ బాలసుబ్రహ్మణ్యం ఆరోగ్యపరిస్థితిపై చెన్నై ఎంజీఎం ఆస్పత్రి వైద్యులు హెల్త్ బులెటిన్ విడుదల చేశారు. ఎస్పీ బాలు ఆరోగ్య పరిస్థితి విషమంగా ఉన్నట్టు వైద్యులు ప్రకటనలో పేర్కొన్నారు. హెల్త్ బులిటెన్ విడుదల చేయడంతో వెంటనే బాలు కుటుంబ సభ్యులు ఎంజీఎం ఆసుపత్రికి చేరుకుంటున్నారు.
కరోనాతో బాధపడుతూ ఎస్పీ బాలు ఆగస్టు 5న ఎంజీఎం హెల్త్ కేర్ లో చేరారు. గత 24 గంటల్లో బాలు ఆరోగ్యం తీవ్రంగా క్షీణించింది. బాలుకు ఎక్మో, వెంటిలేటర్ పై చికిత్సనందిస్తున్నట్టు వెల్లడించారు. ఎస్పీ బాలు 40 రోజులుగా ఎంజీఎం ఆస్పత్రిలో చికిత్స పొందుతున్నారు. ఈ నెల 19 నుంచి బాలు ఆరోగ్యంపై ఆస్పత్రి వర్గాలు హెల్త్ బులెటిన్ విడుదల చేయలేదు. అయితే బాలు ఆరోగ్య పరిస్థితిపై ఎప్పటికప్పుడు ఆయన కుమారుడు ఎస్పీ చరణ్ అప్ డేట్స్ అందిస్తున్నారు.
బాలు ఆరోగ్య పరిస్థితి విషమిస్తుందన్న వార్తలతో అభిమానులు ఆందోళన చెందుతున్నారు. బాలు త్వరగా కోలుకుని క్షేమంగా తిరిగిరావాలని అభిమానులు ఆకాంక్షిస్తున్నారు.