Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

ఇస్రో వదిలినా.. నాసా వెంటాడుతోంది

NASA trying to speak Vikram, ఇస్రో వదిలినా.. నాసా వెంటాడుతోంది

భారత అంతరిక్ష పరిశోధన సంస్థ ప్రయోగించిన చంద్రయాన్ 2పై ఇస్రో శాస్త్రవేత్తలు ఆశలు దాదాపుగా ఆవిరి అయ్యాయి. ఇన్నిరోజులు విక్రమ్ ల్యాండర్‌తో సంబంధాలు పునరుద్ధరించుకోవడం కోసం ఎన్నో ప్రయత్నాలు చేశారు ఇస్రో శాస్త్రవేత్తలు. అయినా అక్కడి నుంచి ఎలాంటి సిగ్నల్స్ రాలేదు. ఇక మరికొన్ని గంటల్లో చంద్రుడిపై రాత్రి సమయం ప్రారంభం కానుంది. దీని వలన అక్కడ మైనస్ 200 ఉష్ణోగ్రతలు ఉండనుండగా.. విక్రమ్‌లోని పరికరాలు శాశ్వతంగా దెబ్బతినే అవకాశాలు ఎక్కువగా ఉన్నాయి. దీంతో గత కొన్నేళ్లుగా చంద్రయాన్ 2 కోసం కష్టపడ్డ ఇస్రో శాస్త్రవేత్తలు తమ ఆశలను వదులుకున్నారు. అయితే ఇస్రో వదులుకున్నా.. నాసా మాత్రం చంద్రయాన్ 2ను వెంటాడుతోంది. విక్రమ్‌ ల్యాండర్‌తో సంబంధాలను మెరుగుపరుచుకోవాలని నాసా శాస్త్రవేత్తలు ప్రయత్నిస్తున్నారు. మరికొంత సేపట్లో విక్రమ్ ల్యాండర్‌కు సిగ్నల్‌ను పంపాలని వారు భావిస్తున్నారు. ఒకవేళ అప్పుడైనా విక్రమ్ స్పందిస్తే.. ఇస్రో శాస్త్రవేత్తల ఆశలకు జీవం పోసినట్లు అవుతుంది.