Breaking News
  • సామాజిక దూరాన్ని పాటించాలని ఎంత చెబుతున్నా షాపుల దగ్గర మాత్రం ఆ ఆదేశాలను ఎవరూ పాటించడం లేదు. షాపుల దగ్గర సోషల్‌ డిస్టెన్సింగ్‌ కనిపించడం లేదు. ధరల పట్టికలను పెట్టడం లేదు. విజయవాడలాంటి పెద్ద పెద్ద నగరాలలో కూడా ఇదే పరిస్థితి. అసలే విజయవాడలో నాలుగు పాజిటివ్‌ కేసులు వచ్చాయి. అయినా అక్కడ నిబంధనలను బేఖాతరు చేస్తున్నారు జనం.. పక్కపక్కనే నిలబడి సరకులు కొనుక్కుంటున్నారు.
  • ఢిల్లీకి వెళ్లి వచ్చినవారిపై ప్రత్యేక నిఘా పెట్టింది తెలంగాణ ప్రభుత్వం. కాంటాక్టు కేసులు పెరగడంతో ఎవరెవరు ఢిల్లీకి వెళ్లి వచ్చారన్నది ఆరా తీస్తున్నారు అధికారులు. జిల్లాల వారిగా ప్రత్యేక బృందాలు ఆ పనిలోనే ఉన్నాయి. ఇప్పటికే చాలా మందిని గుర్తించారు. వారందరిని క్వారంటైన్‌కు తరలించారు.
  • విజయవాడలోనే నాలుగు కరోనా పాజిటివ్‌ కేసులు రావడంతో మరింత అప్రమత్తమయ్యారు కృష్ణా జిల్లా అధికారులు. సిటీలో ఎక్కడికక్కడ ఆంక్షలు విధించారు. ఇక విజయవాడ నగరంలోని కృష్ణలంక ప్రాంతంలో బంద్‌ పాటించాలని జిల్లా కలెక్టర్‌ ఇంతియాజ్‌ పిలుపునిచ్చారు.
  • ఎన్ని హెచ్చరికలు చేసినా.. ఎంత చితక బాదినా.. ఒళ్లు హూనం చేసినా.. వాళ్లు మాత్రం మారడం లేదు. మరికొందరికి ముప్పు కొని తెచ్చే విధంగా వ్యవహరిస్తున్నారు. బరి తెగించిన బద్మాష్‌గాళ్లు పోలీసులకే సవాల్‌ విసురుతున్నారు. ఏ పాపం ఎరుగని అమాయకులకి.. కరోనా మాయ రోగాన్ని అంటగట్టే ప్రయత్నం చేస్తున్నారు.
  • నిరాడంబరంగా భద్రాద్రి శ్రీరామనవమి వేడుకలు. వేడుక‌లకు భక్తులకు అనుమతి లేదు.ప్రత్యక్ష ప్రసారం ద్వారా వేడుకలను టీవీల్లో వీక్షించాలని విజ్ఞప్తి. బహిరంగ ప్రదేశాల్లో వేడుకలు నిర్వహించవద్దు. శ్రీరామనవమి వేడుకలపై ఉత్తర్వులు జారీచేసిన దేవాదాయ శాఖ.

సర్కార్‌పై సమరానికి బాబు సంచలన నిర్ణయం

chandrababu sensational decision, సర్కార్‌పై సమరానికి బాబు సంచలన నిర్ణయం

జగన్ ప్రభుత్వ విధానాలను ఎండగట్టేందుకు టీడీపీ అధినేత చంద్రబాబు సంచలన నిర్ణయం తీసుకున్నారు. పార్టీ నేతలు వారిస్తున్నా వినకుండా తన నిర్ణయానికి అనుగుణంగా కార్యాచరణ నిర్ణయించారు. నిర్ణయం తీసుకున్న వెంటనే దాన్ని మీడియాకు వెల్లడించారు.

తెలుగుదేశంపార్టీ విస్తృత సమావేశం మంగళవారం విజయవాడలో జరిగింది. సుదీర్ఘంగా సాగిన సమావేశంలో ప్రభుత్వ వైఫల్యాలను ప్రజల్లోకి తీసుకువెళ్ళేందుకు ఎలాంటి కార్యాచరణ అవసరమన్న అంశంపై చంద్రబాబు పార్టీ నేతల అభిప్రాయాలను తెలుసుకున్నారు. ఏపీవ్యాప్తంగా 45 రోజుల పాటు బస్సుయాత్ర చేయాలని భావిస్తున్నట్లు చంద్రబాబు వెల్లడించగా.. పలువురు పార్టీ నేతలు వద్దని వారించినట్లు సమాచారం.

అయితే, చంద్రబాబు తన ప్రతిపాదనపై గట్టిగా నిలబడినట్లు తెలుస్తోంది. ప్రభుత్వ వైఫల్యాలపై బస్సు యాత్ర ద్వారా ప్రజల మధ్యకు వెళితే మంచి ఫలితాలు వస్తాయని చంద్రబాబు పార్టీ వర్గాలు కన్విన్స్ చేసినట్లు తెలుస్తోంది. 13 జిల్లాల పరిధిలోని 100 పైగా నియోజకవర్గాలు కవర్ అయ్యేలా బస్సు యాత్రను ప్లాన్ చేసినట్లు తెలుస్తోంది. ప్రభుత్వ తప్పిదాలపై జన చైతన్య యాత్ర చేయడమే సరైన వ్యూహంగా చంద్రబాబు ప్రతిపాదించగా.. ఈలోగా స్థానిక ఎన్నికలు వస్తే ఎలా అని పలువురు నేతలు వారించినట్లు తెలుస్తోంది.

స్థానిక సంస్థల ఎన్నికలకు ముందే యాత్ర చేస్తేనే సరైన ఫలితాలు వస్తాయని చంద్రబాబు వారికి చెప్పినట్లు సమాచారం. నియోజకవర్గాలు వదిలి ఎక్కువ రోజులు సమయం ఎలా కేటాయించగలమని మరి కొందరు నేతలు చంద్రబాబును అడిగినట్లు తెలుస్తోంది. సుదీర్ఘ చర్చ తర్వాత బస్సు యాత్రకే చంద్రబాబు మొగ్గు చూపారని, ఈ నెల 17 నుంచి టీడీపీ జన చైతన్య యాత్ర ప్రారంభించి… 45 రోజులు పాటు కొనసాగించాలని నిర్ణయించారని పార్టీవర్గాలు తెలిపాయి. టీడీపీ నేతలు కూడా ఎక్కడికక్కడ స్థానికంగా యాత్రలు చేయాలని నిర్ణయించారు.

Related Tags