Breaking News
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.
  • వెంటిలేటర్ మీద మాజీ రాష్ట్రపతి ప్రణబ్ ముఖర్జీ. బ్రెయిన్లో బ్లడ్ క్లాట్ కోసం చేసిన సర్జరీ విజయవంతం.
  • బెజవాడలో మరో గ్యాంగ్ వార్ ఘటన: మున్నా , రాహుల్ అనే వ్యక్తుల మధ్య ఘర్షణ. గత నెల 31 వ తేదీన కేదారేశ్వరావు పేటలో కత్తులు , కర్రలతో దాడి చేసుకున్న ఇరు వర్గాలు. దాడిలో పాల్గొన్న 11 మంది నిందితులు అరెస్ట్ చేసిన పోలీసులు. ఆలస్యంగా వెలుగులోకి వచ్చిన ఘటన.
  • విజయవాడ : మూడో రోజు కొనసాగనున్న అగ్నిప్రమాద ఘటనపై దర్యాప్తు. ఇప్పటికే ఎగ్రిమెంట్ పత్రాలను స్వాధీనం చేసుకున్న పోలీసులు. కొనసాగుతున్న అరెస్టుల పర్వం. సిబ్బంది నిర్లక్ష్యం, భద్రతా ప్రమాణాలు పాటించనకపోవడమే అగ్నిప్రమాదానికి కారణమంటున్న పోలీసులు. అగ్నిప్రమాదంతో కృష్ణా జిల్లా యంత్రాంగం అలెర్ట్. కృష్ణా జిల్లాలోని ప్రైవేటు ఆస్పత్రుల వ్యవహారంపై దృష్టి. కృష్ణా జిల్లాలో ప్రభుత్వ, చిన్నా, చితకా ఆస్పత్రులు, డెంటల్‌ క్లినిక్‌లు, డయాగ్నోస్టిక్‌ కేంద్రాల 1,018 వరకు ఉన్నట్లు గుర్తింపు. వాటిలో భద్రతా ప్రమాణాలు పాటిస్తున్న 88 ప్రభుత్వ ఆస్పత్రులు, 90 ఇతర ఆస్పత్రులు. 840 ఆస్పత్రులకు అగ్నిమాపక శాఖ అనుమతులేనట్లు గుర్తింపు. చాలా ఆస్పత్రుల్లో కనిపించని అగ్నిప్రమాద నియంత్రణ ఏర్పాట్లు.
  • అమరావతి: రాష్ట్రంలో ఇసుక తవ్వకాలు, ఎగుమతి, రవాణా, డోర్ డెలివరీకు సంబంధించి ధరలను నిర్ణయించిన ప్రభుత్వం. కూలీల ద్వారా ఇసుక తవ్వకాలకు టన్నుకు రూ. 90. స్టాక్ యార్డు లో ఇసుక పొక్లెయిన్ ద్వారా లోడ్ చేసేందుకు టన్నుకు రూ. 25. ఇసుక రీచ్ లు, పట్టా ల్యాండ్ నుంచి స్టాక్ పాయింట్ కు ఇసుక రవాణా కు టన్నుకు రూ. 4.90. గోదావరి జిల్లాల నుంచి విశాఖకు ఇసుక రవాణాకు టన్నుకు రూ. 3.30. ఇసుక డోర్ డెలివరీకి కిలోమీటర్ వారీగా ధరలు నిర్దారణ. ప్రభుత్వం నిర్ణయించిన ధరల ప్రకారం కాంట్రాక్టర్లు ముందుకు రాకుంటే ఈ-టెండర్లకు వెళ్లేలా ఆదేశాలు. ఈ మేరకు ఉత్తర్వులు జారీ చేసిన గనుల శాఖ ముఖ్య కార్యదర్శి గోపాలకృష్ణ ద్వివేది.
  • తూ. గో.జిల్లా, రాజమండ్రి: ఖైదీ ఆత్మహత్య.. రాజమండ్రి సెంట్రల్ జైల్ లో ఆదివారం రాత్రి ఉరేసుకుని కరోనా ఖైదీ ఆత్మహత్య . ఆలస్యంగా వెలుగులోకి వచ్చిన ఘటన. జైలులో ఇటీవల చేసిన వైద్య పరీక్షల్లో మృతుడికి కరోనా పాజిటివ్‌ అని చెబుతున్న అధికారులు. రాజమహేంద్రవరం ప్రభుత్వాసుపత్రిలో మృతదేహం . కుటుంబసభ్యులు ఆసుపత్రి రావడం ఆలస్యంతో మృతదేహానికి నేడు పంచనామా . ఖైదీ స్వగ్రామం పశ్చిమ గోదావరి జిల్లా చింతలపూడి మండలం యర్రంపల్లి. మృతుడి భార్య, తండ్రి తదితరులు హైదరాబాదులో నివాసం. భార్యాభర్తల మధ్య తలెత్తిన మనస్పర్థల కారణంగానే ఉరేసుకుని ఉండవచ్చునని పోలీసులు, జైలు అధికారులు భావిస్తున్నారు. ఆసుపత్రి సమాచారంతో ఒకటో పట్టణ పోలీసులు కేసు నమోదు.
  • ఏపీ ప్రజలకు శుభవార్త: తగ్గుముఖం పట్టనున్న కరోనా. ఇప్పటికే 15 శాతం పైగా హెర్డ్ ఇమ్యూనిటీ గుర్తింపు. ఈ నెల 21 నుంచి కర్నూలు తూర్పుగోదావరి జిల్లాలలో, వచ్చే నెల 4 నుంచి గుంటూరు కృష్ణ అనంతపురం చిత్తూరు నెల్లూరు జిల్లాలలో భారీగా తగ్గుముఖం పట్టనున్న కరోనా. మరణాల సంఖ్యలో కూడా భారీ తేడా కనిపించబోతుంది. శనివారం నుంచి భారీగా మొదలుకానున్న సిరోసర్విలేన్స్. Covid 19 ఏపీ కమాండ్ కంట్రోల్ రూమ్ స్పెషలాఫీసర్ డాక్టర్ సి ప్రభాకర్ రెడ్డి.

చంద్రబాబుకు బిజెపి భయం..ఇంతకీ ఆ పత్రిక ఏమంటోందంటే?

chandrababu sending signals to bjp, చంద్రబాబుకు బిజెపి భయం..ఇంతకీ ఆ పత్రిక ఏమంటోందంటే?

టిడిపి చీఫ్ చంద్రబాబుకు బిజెపి అంటే భయం పట్టుకుందా? అందుకే ఆర్నెల్ల క్రితం బిజెపి మీద రెచ్చిపోయిన చంద్రబాబు ఇపుడు ఎన్ని రాజకీయ పరిణామాలు జరిగినా నోరు మెదపడం లేదా? పైగా కమలనాథులను ప్రసన్నం చేసుకునేందుకు యత్నిస్తున్నారా? ఓ ఆంగ్ల పత్రిక మాత్రం అంతేనంటోంది. అనడం కాదు ఏకంగా ఓ పెద్ద కథనాన్నే రాసేసింది. ఇందుకు ఎన్నో ఉదాహరణలను తమ కథనాలను ప్రస్తావించింది. ఈ కథనమిపుడు సోషల్ వెబ్‌సైట్లలో చక్కర్లు కొడుతోంది.

ఇటీవల కాలంలో చంద్రబాబు మాట తీరు మారింది. మొన్నటి ఎన్నికల ప్రచారంలో బిజెపిపైనా, కమలం పార్టీ నేతలపైనా నిప్పులు చెరిగిన చంద్రబాబు ఇప్పుడు బిజెపి నేతలను ప్రసన్నం చేసుకునేందుకు ట్రై చేస్తున్నారు. సార్వత్రిక ఎన్నికల సమయంలో మమతాబెనర్జీ, అరవింద్ కేజ్రీవాల్ వంటి నేతలతో భేటీ అయ్యి, బిజెపి అవకాశాలకు గండి కొట్టాలనుకున్న చంద్రబాబు ఇప్పుడు బిజెపికి ఫ్రెండ్షిప్ సిగ్నల్స్ పంపుతున్నారు. ఇందుకోసం టిడిపి ఎంపీలు రాయబారులుగా మారారు…. ఇదంతా ఓ ఇంగ్లీషు పత్రిక కథనం.

chandrababu sending signals to bjp, చంద్రబాబుకు బిజెపి భయం..ఇంతకీ ఆ పత్రిక ఏమంటోందంటే?

ఈ కథనం చదివితే ఇదంతా నిజమే కదా అనిపించక మానదు. ఎందుకంటే ఇవన్నీ ఇటీవల కాలంలో జరిగిన పరిణామాలే కాబట్టి. నవంబర్ 23న చంద్రబాబు బిజెపికి సానుకూలంగా కామెంట్లు చేశారు. ఆ తర్వాత అమరావతిని జాతీయ మ్యాప్‌లో గుర్తించినందుకు కృతఙ్ఞతలు చెప్పే సాకుతో టిడిపి ఎంపీలు పలువురు మోదీని, అమిత్‌షాను కలిశారు. ఈక్రమంలోనే చంద్రబాబు బిజెపి తమకు శాశ్వత శతృవు కాదంటూ నర్మగర్భ వ్యాఖ్యలు కూడా చేశారు. ఇదంతా నేరుగా కనిపించిన సంకేతాలు, పరిణామాలు.

ఇవి కాకుండా దేశంలో జరిగిన పలు కీలక పరిణామాలపై కూడా చంద్రబాబుు నోరు మెదపలేదు. గతంలో ఏ చిన్న అవకాశం వచ్చినా మోదీని తెగ విమర్శించేసిన చంద్రబాబు దాదాపు నెల రోజుల పాటు మహారాష్ట్ర పొలిటికల్ డ్రామా కొనసాగినా నోరు మెదపలేదు. ఎవరి పక్షమూ తీసుకోలేదు. ఒక దశలో శివసేన.. చంద్రబాబును సంప్రదించేందుకు ట్రై చేసినా ఆయన బిజెపి ఆగ్రనేతలకు ఆగ్రహం తెప్పింస్తుందన్న కారణంతో స్పందించలేదని తెలుస్తోంది. మొత్తానికి బిజెపి నాయకత్వానికి కోపం తెప్పించే పనులేవీ చంద్రబాబు ఇటీవల చేయడం లేదట. మరి దానికి కారణమేంటని ఆ ఆంగ్ల పత్రిక పేర్కొందో తెలుసా?

చంద్రబాబుపై గతంలో నమోదైన కేసులిపుడిపుడే మళ్ళీ వెలుగులోకి వస్తున్నాయి. దాదాపు 13 ఏళ్ళ క్రితం నందమూరి లక్ష్మీ పార్వతి దాఖలు చేసిన అక్రమాస్తుల కేసు ఇటీవలే మళ్ళీ రీ ఓపెన్ అయ్యింది. తెలంగాణ రాష్ట్రంలో 2015లో నమోదైన ఓటుకు నోటు కేసు దర్యాప్తు కూడా ఇటీవల వేగవంతమైంది. దానికి తోడు మరిన్ని ఆరోపణలతో బాబుపై కేంద్రానికి పలువురు ఏపీ నేతలు ఫిర్యాదు చేస్తున్నారు. ఈ అన్నింటినీ జత చేసి, కేంద్రం ఏ సిబిఐ దర్యాప్తుకో, ఏ ఈడీ విచారణకో ఆదేశిస్తే తన పరిస్థితి ఏంటని చంద్రబాబు మధనపడుతున్నారని.. అందుకే బిజెపి నేతలకు దగ్గరయ్యే ఏ అవకాశాన్ని వదలడం లేదని ఆ కథనం సారాంశం. కథనంలో నిజముందో లేదా కానీ, కథనంలో పేర్కొన్న అంశాలు మాత్రం నిజమే కదా అంటున్నారు తెలుగు రాష్ట్రాల రాజకీయ పరిశీలకులు. ఏం జరుగుతుందో వేచి చూడాల్సిందేనంటున్నారు వారంతా.

Related Tags