వైఎస్ నాకు బెస్ట్ ఫ్రెండ్.. ఒకే గదిలో పడుకున్నాం.. నాది కడుపుమంటా..?

పరస్పర ఆరోపణలతో ఏపీ అసెంబ్లీ దద్దరిల్లుతోంది. విమర్శలు, పలు విమర్శలతో హాట్ హాట్‌గా నడుస్తోంది. కరకట్టపై వున్న నిర్మాణాల కూల్చివేతపై చర్చ జరుగుతుండగానే.. మాజీ సీఎం చంద్రబాబు వైఎస్‌ విగ్రహాల గురించి ప్రస్తావించగా.. సభలో తీవ్ర గందరగోళం నెలకొంది. సభను చంద్రబాబు తప్పుదోవపట్టిస్తున్నారని అధికార సభ్యులు ఆరోపించినప్పటికీ.. చంద్రబాబు ప్రసంగం కొనసాగించారు.

ఈ సందర్భంగా చంద్రబాబు కీలక వ్యాఖ్యలు చేశారు. ‘వైఎస్ రాజశేఖర్‌ రెడ్డి అంటే ఎందుకు నాకు కక్ష.. అధ్యక్షా.. ఆయన విగ్రహం పెడితే నాకు కడుపు మంటేంటి..? అని ప్రశ్నించారు. రాజశేఖర్‌ రెడ్డి, నేనూ బెస్ట్ ఫ్రెండ్స్ అని.. మేమిద్దరమూ ఒకే రూములో పడుకునేవాళ్లమని’ ఈ విషయం మీకు కూడా తెలుసని అన్నారు. అయినా.. మేము ఎంత క్లోజ్‌గా ఉండేవాళ్లమో.. 1977, 83 సంవత్సరంలో ఉన్న నేతలకు తెలుసని చెప్పారు. రాజకీయంగా కలిసి పోరాడాము.. తను కాంగ్రెస్‌లోనే ఉన్నారు.. నేను టీడీపీలోకి వచ్చాను అని పేర్కొన్నారు. రాజశేఖర్‌ రెడ్డి, నాకు మధ్య రాజకీయ వైరమే తప్ప.. వ్యక్తిగతంగా విరోధం లేదని స్పష్టం చేశారు. ఈ మాటలకు సీఎం జగన్ నవ్వులు చిందించారు.

వైఎస్ రాజశేఖర్ రెడ్డికీ, నాకూ మధ్య రాజకీయ విరోధం తప్ప, ఎలాంటి వ్యక్తిగత విరోధం లేదు. మేమిద్దరం మంచి స్నేహితులం. pic.twitter.com/7E1eXTiWYg

— N Chandrababu Naidu (@ncbn) July 18, 2019