Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

త్వరలోనే డ్వాక్రా మహిళలకు స్మార్ట్‌ఫోన్లు- చంద్రబాబు

, త్వరలోనే డ్వాక్రా మహిళలకు స్మార్ట్‌ఫోన్లు- చంద్రబాబు

అమరావతి: రాష్ట్ర ప్రభుత్వం ఆధ్వర్యంలో అంతర్జాతీయ మహిళా దినోత్సవ కార్యక్రమాన్ని అమరావతిలోని ప్రజావేదికలో ఏపీ ప్రభుత్వం ఘనంగా నిర్వహించింది. జ్యోతి ప్రజ్వలన చేసిన అనంతరం సీఎం చంద్రబాబు మాట్లాడుతూ.. ప్రపంచవ్యాప్తంగా ఉన్న మహిళలందరికీ అంతర్జాతీయ మహిళా దినోత్సవ శుభాకాంక్షలు తెలిపారు. మహిళల ఆత్మగౌరవం కోసమే డ్వాక్రా సంఘాలను తీసుకొచ్చామని సిఎం అన్నారు. అన్ని కార్యక్రమాల్లో డ్వాక్రా మహిళల పాత్ర కీలకమని ప్రశంసించారు. ఈ సందర్భంగా త్వరలోనే డ్వాక్రా సంఘాల సభ్యులకు స్మార్ట్‌ఫోన్లు ఇవ్వనున్నట్టు సీఎం మరోసారి స్పష్టంచేశారు.

భారతదేశానికి కుటుంబ వ్యవస్థ ఓ గొప్ప వరమన్నారు. చాలామంది మహిళల్లో సమర్థ నాయకత్వం ఉందని కొనియాడారు. మానవ సంబంధాలు ముఖ్యమని, కుటుంబ వ్యవస్థ విచ్ఛిన్నం కాకుండా చూసుకోవాలని సూచించారు. 98 లక్షల మంది పేద మహిళలు డ్వాక్రా సంఘాల్లో సభ్యులుగా ఉన్నారని, 35,600 గ్రామ సమాఖ్యలు ఉన్నాయని తెలిపారు. డ్వాక్రా వంటి శక్తిమంతమైన సంఘాలు ఎక్కడా లేవని చెప్పారు. త్వరలోనే మహిళా డ్రైవర్లు వస్తారని.. అది ఎంతో దూరం లేదన్నారు. భవిష్యత్తులో డ్వాక్రా సంఘాల ద్వారా అనేక కార్యక్రమాలు చేయిస్తామని చెప్పారు. డ్వాక్రా మహిళలకు పసుపు- కుంకుమ కార్యక్రమంతో రాష్ట్ర ప్రభుత్వం అండగా నిలుస్తోందని, కోటి మంది ఆడ బిడ్డలకు ‘పసుపు-కుంకుమ’ ఇస్తున్నట్టు తెలిపారు. పూర్తిగా వడ్డీలేని రుణాలను వారికి ఇస్తున్నామని ఈ సందర్భంగా సీఎం వివరించారు.