Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

మోదీతో వైరమే కొంప ముంచింది..చంద్రబాబు కొత్త స్టాండ్ ?

chandrababu regrets for his stand, మోదీతో వైరమే కొంప ముంచింది..చంద్రబాబు కొత్త స్టాండ్ ?

చంద్రబాబునాయుడులో నిర్వేదం ఆవహించిందా ? విశాఖలో పార్టీ సమీక్ష సమావేశంలో ఆయన చేసిన మాటలు నిర్వేదానికి సాక్ష్యంగా నిలుస్తున్నాయి. కేంద్ర ప్రభుత్వంతోను, అక్కడ అధికారంలో వున్నబిజెపి అధినేతలతోను విభేదించడం.. వారిపై రాజకీయ పోరాటం చేయడమే తెలుగుదేశం పార్టీ ఓటమికి కారణమైందని చంద్రబాబు వ్యాఖ్యానించారు. ఒకరకంగా చెప్పాలంటే కేంద్రంతోను, మోదీతోను నాడు జరిపిన పోరాటం పట్ల చంద్రబాబు గిల్టీ ఫీలవుతున్నట్లు మాట్లాడారు చంద్రబాబు.

2014 ఎన్నికల్లో బిజెపితో చెలిమి చేసిన చంద్రబాబు అప్పట్లో ఊపుమీదున్న వైసీపీపై కొద్దో గొప్పో ఆధిక్యంతో అధికారం పొందారు. నాలుగేళ్ళపాటు చంద్రబాబు, మోదీ కలిసే కొనసాగారు. అందులో భాగంగా విభజిత ఆంధ్రప్రదేశ్ కు కొత్త రాజధానిగా అమరావతిని ఎంపిక చేయడం.. రాజధాని భూమి పూజ కార్యక్రమాన్ని అట్టహాసంగా చేపట్టడం జరిగాయి. భూమి పూజ కార్యక్రమానికి విశిష్ట అతిథిగా వచ్చిన ప్రధాని నరేంద్ర మోదీ.. పవిత్ర గంగాజలాన్ని, పవిత్ర మట్టిని తీసుకువచ్చారు. ఆ సందర్భంలో బిజెపియేతర పక్షాలన్నీ రాజధాని నిర్మాణానికి ప్రధాని ఇచ్చింది పిడికెడు మట్టి, చెంబుడు నీళ్ళు అని ఎద్దేవా చేసినా.. చంద్రబాబు మోదీకి మద్దతుగానే నిలిచారు.

కానీ కాలక్రమేణా ఎన్నికలు దగ్గరవుతుండడంతో యాంటి ఎస్టాబ్లిష్ మెంట్ ఫ్యాక్టర్ని తగ్గించుకునే వ్యూహంతో చంద్రబాబు బిజెపికి దూరం జరగడం మొదలుపెట్టారు. కేంద్రం చెప్పిందొకటి.. చేసిందొకటి అంటూ ఏపీకి మోదీ తీవ్ర అన్యాయం చేశారని కామెంట్ చేయడం ప్రారంభించారు. తమ ఎంపీలతో ఢిల్లీపై యుద్దం ప్రకటించారు. బాబు వైఖరి పట్ల మోదీతోపాటు బిజెపి అధినాయకత్వం ఆగ్రహం చెందినా.. హుందాగానే వున్నారు. అదే సమయంలో చంద్రబాబు బిజెపితోను, మోదీతోను అమీతుమీ తేల్చుకునేందుకు శక్తి మేరకు ప్రయత్నాలు చేశారు. చిరకాల ప్రత్యర్థి అయిన కాంగ్రెస్ పార్టీతో జతకట్టేంత తీవ్ర నిర్ణయానికి చంద్రబాబు వెనుకాడలేదు. అదే సమయంలో బిజెపీయేతర వర్గాలు కూడగట్టడం కోసం దేశం మొత్తం కాలికి బలపం కట్టుకుని మరీ తిరిగారు. మోదీ బద్ద శత్రువులైన మమతాబెనర్జీ, స్టాలిన్, వామపక్షాల నేతలను ఒక్కతాటిపైకి తేవడం ద్వారా ఓట్ల పోలరైజేషన్కు ప్రయత్నించారు.

ఇంతా చేస్తే.. మోదీ హవాను కాస్తైనా తగ్గించలేకపోయారు చంద్రబాబు. కారణాలేవైనా కావచ్చు గాక.. లోక్ సభ ఎన్నికల్లో మోదీ, అమిత్ షాల వ్యూహమే గెలిచింది. 2014 కన్నా  ఎక్కువ స్థానాలలో బిజెపి విజయఢంకా మోగించింది. ఎన్నికల్లో గెలుపోటములు మామూలే. కానీ.. ఇపుడున్న ట్రెండ్ లో ఒక్క ఓటమే పార్టీ పరిస్థితిని పూర్తిగా మార్చేస్తుంది. ఓడిన పార్టీ వచ్చే అయిదేళ్లు పార్టీని, క్యాడర్ ను కాపాడుకోవడానికి నానా తంటాలు పడాల్సిన పరిస్థితి. ఇపుడు ఏపీలో తెలుగుదేశం పార్టీ పరిస్థితి సరిగ్గా అలాగే వుంది. క్యాడర్ వైసీపీ, బిజెపిల వైపు వెళుతుంటే అధినేత స్వయంగా బుజ్జగించి ఆపాల్సిన పరిస్థితి కొనసాగుతోంది.

సరిగ్గా ఇలాంటి సమయంలోనే చంద్రబాబు విశాఖ జిల్లా సమీక్షలో కీలకమైన కామెంట్ చేయడం విశేషం. మోదీతోను, కేంద్రంతోను పోరాటం చేయడం ప్రతికూల ఫలితాలకు కారణమైందని చంద్రబాబు వ్యాఖ్యానించారు. ఒకరకంగా చెప్పాలంటే ఆయన గత సార్వత్రిక ఎన్నికలకు ముందు తీసుకున్న స్టాండ్ పట్ల రిగ్రెట్ అయ్యారు. చంద్రబాబు వైఖరి దేనికి సంకేతం అని పరిశీలకులు విశ్లేషణలో పడ్డారు. మరోసారి బిజెపితో చెలిచి చేసేందుకు చంద్రబాబు సిద్దమవుతున్నారా ? ఒకవేళ బాబు అందుకు సిద్దపడ్డా.. మోదీ అందుకు సుముఖత చూపుతారా ? ఇలాంటి విశ్లేషణలకు ఇపుడు వెబ్ సైట్లు వేదికలవుతున్నాయి. అందుకే కదా.. రాజకీయాల్లో శాశ్వత శత్రువులు, శాశ్వత మిత్రులు వుండరని అంటారేమో.