Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

చంద్రబాబు 420.. కొడాలి నాని సరికొత్త డెఫినేషన్

chandrababu four twenty, చంద్రబాబు 420.. కొడాలి నాని సరికొత్త డెఫినేషన్

టీడీపీ అధినేత చంద్రబాబు నాయుడును ఏపీ మంత్రి కొడాలి నాని 420గా సంబోధించారు. అయితే.. ఆ 420 ఐపీసీలోని సెక్షన్ ప్రకారం మోసగాడనే అర్థంలో కాదు. 420 అంటే ఏంటో నాని వివరించారు. అది కూడా ఏపీ అసెంబ్లీ సమావేశాల వేదికగా నాని తన సరికొత్త నిర్వచనాన్ని వివరించి.. సభలో నవ్వులు పూయించారు. విపక్షంలో ఆగ్రహానికి కారకులయ్యారు.

చంద్రబాబు రాజకీయ రంగంలోకి వచ్చి 4 దశాబ్దాలు దాటింది. అందుకే ఆయన్నందరు ఫోర్టీ ఇయర్స్ ఇండస్ట్రీ అంటూ వుంటారు. ఫోర్టీ ఇయర్స్ ఇండస్ట్రీని అత్యంత ఫన్నీగా వివరించిన కొడాలి నాని… దానికి చంద్రబాబు గతంలో ప్రవచించిన 2020 సిద్దాంతాన్ని, ఇప్పుడు చంద్రబాబు దగ్గరున్న ఎమ్మెల్యేల నెంబర్ అయిన 20ని కలపి తనదైన శైలిలో వివరించారు నాని. చంద్రబాబు 2000లో తాను ఉమ్మడి రాష్ట్ర సీఎంగా వున్నప్పుడు 2020 విజన్‌ గురించి తరచూ మాట్లాడేవారు. ఇప్పుడు కూడా తన 2020 విజన్ వల్లే హైదరాబాద్‌తో పాటు.. ఉమ్మడి ఏపీలోని పలు ప్రాంతాలు అభివృద్ధి చెందాయని చెబుతూ వుంటారు.

ఇక ఆర్నెల్ల క్రితం జరిగిన ఏపీ అసెంబ్లీ ఎన్నికల్లో తెలుగుదేశం పార్టీ 23 మంది ఎమ్మెల్యేలను గెలుచుకుంది. అందులో వల్లభనేని వంశీ, మద్దాలి గిరిధర్ రావు… అనధికారికంగా వైసీపీతో జతకట్టారు. దాంతో టీడీపీకి మిగిలింది చంద్రబాబు మినహాయించి… ఇరవై మంది. నాలుగు దశాబ్దాల అనుభవం కలిగిన (4) చంద్రబాబుకు ప్రస్తుతం ఇరవై (20) మంది ఎమ్మెల్యేలు మిగిలారంటూ కొడాలి నాని చంద్రబాబునుద్దేశించి 420 అని వ్యాఖ్యానించారు. విజన్ 2020 అన్న చంద్రబాబు ఇప్పుడు 420గా మిగిలారంటూ ఆయన ఇచ్చిన వివరణ శాసనసభలోని వైసీపీ వర్గాల్లో నవ్వులు పూయించగా.. టీడీపీ సభ్యుల్లో ఆగ్రహానికి దారి తీశాయి.

Related Tags