Breaking News
  • క్వారంటైన్‌ కేంద్రాలుగా స్టార్‌ హోటళ్లు. భువనేశ్వర్‌ మున్సిపల్‌ కార్పొరేషన్‌ పరిధిలోని 12 హోటళ్లలో.. క్వారంటైన్‌కు అవసరమైన ఏర్పాట్లు చేసిన ఒడిశా ప్రభుత్వం. ముందుజాగ్రత్తగా సెల్ఫ్‌ క్వారంటైన్‌ గదిలో ఉండాలనుకునేవారు.. డబ్బులు చెల్లించి ప్రైవేట్‌ హోటళ్లలో ఉండొచ్చన్న ప్రభుత్వం. రోజుకు రూ.2,500 చొప్పున వసూలు చేయనున్నట్టు ప్రభుత్వం ప్రకటన.
  • కొత్త ఔషధాన్ని అభివృద్ధి చేసిన అమెరికా శాస్త్రవేత్తలు. మానవ కణాల్లోకి కరోనా వైరస్‌ ప్రవేశించకుండా అడ్డుకునే.. కొత్త ఔషధాన్ని సిద్ధంచేసిన ఎంఐటీ శాస్త్రవేత్తలు. కరోనా ఇన్‌ఫెక్షన్‌ను త్వరగా నయం చేస్తుందని ప్రకటన.
  • ఆర్బీఐ డిప్యూటీ గవర్నర్‌ బి.పి.కనుంగో పదవీకాలం పొడిగింపు. రేపటితో ముగియనున్న బి.పి.కనుంగో పదవీకాలం. కనుంగో పదవీకాలం మరో ఏడాది పాటు పొడిగిస్తూ ఆర్బీఐ ప్రకటన.
  • కోత కాదు వాయిదా. ఏపీపై కరోనా తీవ్ర ప్రభావం. ప్రజాప్రతినిధుల జీతాలు వాయిదా. సీఎం నుంచి స్థానిక సంస్థల సభ్యుల వరకు.. 100 శాతం జీతాన్ని వాయిదా వేసిన ఏపీ ప్రభుత్వం. ఐఏఎస్‌, ఐపీఎస్‌, ఐఎఫ్‌ఎస్‌ అధికారుల జీతాల్లో 60 శాతం వాయిదా. నాలుగో తరగతి ఉద్యోగుల జీతంలో 10 శాతం వాయిదా. మిగతా ఉద్యోగుల జీతంలో 50 శాతం వాయిదా. వాయిదా వేసిన జీతాలు మళ్లీ చెల్లించనున్న ఏపీ ప్రభుత్వం.
  • ఏపీలో విజృంభిస్తోన్న కరోనా వైరస్‌. ప.గో జిల్లాలో 14 పాజిటివ్‌ కేసులు నమోదు. నిన్నటి వరకు ఒక్క కేసూ లేని జిల్లాలో ఒకేసారి బయటపడ్డ 14 కేసులు. బాధితులంతా ఢిల్లీ ప్రార్థనలకు వెళ్లొచ్చినట్టు గుర్తింపు. ఏపీలో మొత్తం 58కి చేరిన కరోనా కేసులు.

జగన్ రెచ్చగొట్టారు..మంత్రులు బెదిరించారు.. అందుకే కియా!

chandrababu allegations against jagan, జగన్ రెచ్చగొట్టారు..మంత్రులు బెదిరించారు.. అందుకే కియా!

ఏపీ నుంచి కియా కార్ల కంపెనీ తరలిపోవడం ఖాయమన్నారు టీడీపీ అధినేత చంద్రబాబు. గతంలో భూములిస్తున్న రైతులను జగన్ బెదిరించారని, అధికారం చేపట్టిన తర్వాత కియా వల్ల 20వేల కోట్ల భారమంటూ ప్రకటనలు చేశారని అందుకే కియా కార్ల కంపెనీ తమిళనాడు బాట పట్టి వుంటుందని చంద్రబాబు అభిప్రాయపడ్డారు. కియా పరిశ్రమ యాజమాన్యం తమిళనాడు ప్రభుత్వంతో చర్చలు జరిపినట్లు రాయిటర్స్ కథనం ఇచ్చిందని, దాన్ని తమిళనాడు అధికారులు ధ్రువీకరించారని చంద్రబాబు అంటున్నారు.

కియా తరలించాలనుకోవడం దారుణమని చంద్రబాబు అభిప్రాయపడ్డారు. ఈ పరిశ్రమతో వేలమందికి ఉద్యోగాలు వచ్చాయని చెప్పారాయన. కియా కోసం అనేక రాష్ట్రాలు పోటీ పడగా.. తాము శ్రమించి వారిని ఏపీకి రప్పించామని అన్నారు చంద్రబాబు. గతంలో ఏపీకి వోక్స్ వ్యాగన్ పరిశ్రమ వస్తే మంత్రి బొత్స సత్యనారాయణ అవినీతి తో వెళ్ళిపోయిందని, ఆ కేసు ఇప్పటికీ ఆయనపై కొనసాగుతోందని చంద్రబాబు వివరించారు.

ఏపీలో వైసీపీ ప్రభుత్వం అధికారంలోకి వచ్చిన తర్వాత సమస్యలు ప్రారంభం అయ్యాయని, కియాతో 20 వేల కోట్ల రూపాయలు భారమన్న మంత్రులు ఒప్పందాన్ని సమీక్షిస్తామని ప్రకటించారని చంద్రబాబు గుర్తు చేశారు. గతంలో విపక్ష నేతగా జగన్ అనంతపురం వెళ్లి రైతులను రెచ్చగొట్టాడని, భూములు ఇవ్వవద్దని భయపెట్టారని చంద్రబాబు ఆరోపించారు. కియా కంపెనీ సీఈఓను ఓ వైసీపీ ఎంపి బెదిరించారని ఆరోపించిన చంద్రబాబు తాము చెప్పినట్లు వినాలని, తమ వారికి ఉద్యోగాలు ఇవ్వాలని వైసీపీ నేతలు కియా ప్రతినిధులను బెదిరించారని చంద్రబాబు అంటున్నారు.

వైసీపీ నేతల వేధింపులు తట్టుకోలేక పక్క రాష్ట్రాలకు వెళ్ళాలని కియా డిసైడ్ అయ్యిందని అంటున్న చంద్రబాబు 75 శాతం ఉద్యోగాలు స్థానికులకే ఇవ్వాలని ప్రభుత్వం నిర్ణయించడంతోనే ఇబ్బందులు తలెత్తాయని చెబుతున్నారు. కియా యాజమాన్యాన్ని బెదిరించింది వాస్తవం కాదా అని చంద్రబాబు మంత్రి బుగ్గనను ప్రశ్నించారు.

Related Tags