కరోనా వైరస్.. రాష్ట్రాలనుంచి ఫీడ్ బ్యాక్ కోరిన కేంద్రం

కరోనా వైరస్ నేపథ్యంలో దేశంలో మళ్ళీ స్కూళ్లను ప్రారంభించే విషయమై విద్యార్థుల తలిదండ్రుల నుంచి ఫీడ్ బ్యాక్ కోరవలసిందిగా రాష్ట్రాలు, కేంద్ర పాలిత ప్రాంతాలకు కేంద్రం సూచించింది. ఈ మేరకు మానవ వనరుల శాఖ ఓ సర్క్యులర్ జారీ చేసింది. అసలు తిరిగి ఎప్పుడు బడులు, ఇతర విద్యాసంస్థలు ప్రారంభించాలి.. పేరెంట్స్ ఏమనుకుంటున్నారు.. వారి అభిప్రాయాలేమిటి తదితర వివరాలతో ఫీడ్ బ్యాక్ ని ఈ నెల 20 కల్లా పంపాలని కేంద్రం నుంచి ఆయా రాష్ట్రాలు, కేంద్రపాలిత ప్రాంతాల విద్యాశాఖ కార్యదర్శులకు సర్క్యులర్ అందింది. స్కూల్ ఎడ్యుకేషన్, లిటరసీ విభాగం జారీ చేసిన ఈ సర్క్యులర్  మేరకు విద్యాశాఖ కార్యదర్శులు ఫీడ్ బ్యాక్ రూపొందించారు. విద్యా సంస్థలను ఆగస్టు మాసంలో లేదా సెప్టెంబరులో లేక అక్టోబరులో తెరవాలా… తెరిస్తే కలిగే  పరిణామాలపై పేరెంట్స్ నుంచి వారి స్పందన ఎలా ఉంటుందో అన్న విషయాన్ని కేంద్రం తెలుసుకోగోరుతోంది. కాగా.. ఈ తేదీకి సంబంధించి డెడ్ లైన్ ని కేంద్రం పొడిగించే సూచనలు కూడా ఉన్నట్టు తెలుస్తోంది.