Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

పోలవరానికి నిధులిస్తాం.. బట్ కండీషన్స్ అప్లై

funds will be given to polavaram but..?, పోలవరానికి నిధులిస్తాం.. బట్ కండీషన్స్ అప్లై

ఏపీ రాష్ట్రానికి జీవనాధార ప్రాజెక్టు అయిన పోలవరంపై కేంద్రం దోబూచులాడుతున్న సంగతి మరోసారి తేటతెల్లమైంది. ప్రాజెక్టుకు నిధులిస్తాం కానీ కండీషన్స్ అప్లై అంటోంది మోదీ ప్రభుత్వం. తాజాగా ఇదే వైఖరిని పార్లమెంటు వేదికగా సెలవిచ్చారు కేంద్ర మంత్రి గజేంద్ర షెకావత్.

పోలవరం ప్రాజెక్టు పనులకు సంబంధించి పెండింగ్‌లో వున్న నిధులను వెంటనే విడుదల చేయాలని వైసీపీ ఎంపీ విజయసాయిరెడ్డి కేంద్ర జల శక్తి మంత్రి గజేంద్ర షెకావత్‌కు లోక్‌సభ ప్రశ్నోత్తరాల సమయంలో విఙ్ఞప్తి చేశారు. ఈ మేరకు పెండింగ్‌లో ఉన్న 3 వేల 223 కోట్ల రూపాయలను విడుదల చేయవలసిందిగా అభ్యర్థిస్తూ.. రాష్ట్ర ప్రభుత్వం ఇదివరకే చేసిన విజ్ఞప్తితోపాటు ఈ ప్రాజెక్ట్‌కు సంబంధించి సవరించిన నిర్మాణ వ్యయం అంచనాలను ఆమోదించే అంశాలను కేంద్ర ప్రభుత్వం పరిశీలిస్తోందా? అని సోమవారం ప్రశ్నోత్తరాల సమయంలో విజయసాయి రెడ్డి.. కేంద్ర జల శక్తి మంత్రి గజేంద్ర షెకావత్‌ను ప్రశ్నించారు.

విజయసాయిరెడ్డి ప్రశ్నపై స్పందించిన మంత్రి తన జవాబులో పోలవరం ప్రాజెక్ట్‌ను జాతీయ ప్రాజెక్ట్‌గా ప్రకటించడానికి ముందు చేసిన 5 వేల కోట్ల రూపాయల ఖర్చుకు సంబంధించి కేంద్ర ఆర్థిక శాఖ ఆడిట్‌ జరుపుతోంది. ఇప్పటి వరకు 3 వేల కోట్ల మేరకు ఆడిట్‌ పూర్తయినందున అందులో కొంత మొత్తం విడుదల చేసే అంశాన్ని ఆర్థిక శాఖ పరిశీలిస్తున్నట్లు చెప్పారు.

అయితే, జాతీయ ప్రాజెక్టు అనగానే ఎలాంటి ఆడిట్ లేకుండా నిధుల విడుదల వుండదని క్లారిటీ ఇచ్చిన గజేంద్ర షెకావత్.. పోలవరం ప్రాజెక్టుకు నిధులిస్తామని, కాకపోతే ఆడిటింగ్ సహా ఫార్మాలిటీస్ పూర్తి అయితేనే నిధుల విడుదల వుంటుందని తేల్చి చెప్పారు షెకావత్.