Breaking News
  • కొంతమంది కరోనాను ఓ మతానికి అంటగట్టేందుకు ప్రయత్నిస్తున్నారు. ఈ సమయంలో మనకు కావాల్సింది మతం కాదు.. మానవత్వం. కరోనాపై యుద్ధం చేస్తూనే.. రైతు సంక్షేమం కోసం కృషిచేస్తున్నాం. మనమంతా స్వీయ నియంత్రణ పాటించాలి-టీవీ9తో మంత్రి హరీష్‌రావు.
  • రాజస్థాన్‌లో మరో ఐదు కరోనా పాజిటివ్‌ కేసులు నమోదు. రాజస్థాన్‌లో ఇప్పటివరకు 348కి చేరిన కరోనా పాజిటివ్‌ కేసులు.
  • ఏపీలో కొత్తగా 15 కరోనా పాజిటివ్‌ కేసులు నమోదు. ఏపీలో ఇప్పటి వరకు 329కి చేరిన కరోనా పాజిటివ్‌ కేసులు. కర్నూలులో 74, నెల్లూరులో 49, గుంటూరులో 41 కేసులు నమోదు. కృష్ణాలో 35, కడపలో 28, ప్రకాశంలో 24, ప.గోలో 21 కేసులు నమోదు. చిత్తూరులో 20, విశాఖలో 20, తూ.గోలో 11, అనంతపురంలో 6 కేసులు. శ్రీకాకుళం, విజయనగరం జిల్లాలో నమోదుకాని ఒక్క పాజిటివ్‌ కేసు.
  • కృష్ణా: పామర్రులో అడిషనల్‌ ఎస్పీ మోకా సత్తిబాబు తనిఖీలు. లాక్‌డౌన్‌ నిబంధనలు పాటించని 17 దుకాణాలపై కేసు నమోదు. సరైన కారణాలు చెప్పకపోవడంతో రెండు కార్లు సీజ్‌ చేసిన పోలీసులు.
  • అమరావతి: ఉ.11:15కి కరోనాపై సీఎం జగన్‌ సమీక్ష. కోవిడ్‌-19 పరీక్షా పరికరాలను జగన్‌కు అందించనున్న మంత్రి మేకపాటి. ఏపీలో తయారైన తొలి కోవిడ్-19టెస్టింగ్ కిట్‌ను ప్రారంభించనున్న సీఎం. పరిశ్రమలశాఖ తరపున 10 వేల లీటర్ల శానిటైజర్లను.. సీఎం జగన్‌కు అందించనున్న మంత్రి మేకపాటి గౌతంరెడ్డి. మ.ఒంటి గంటకు నీతి ఆయోగ్‌ సీఈవో అమితాబ్‌ కాంత్‌ సహా.. పలువురు కేంద్ర ప్రభుత్వ కార్యదర్శులతో మేకపాటి వీడియో కాన్ఫరెన్స్‌. మ.2 గంటలకు కొత్త పారిశ్రామిక విధానంపై అధికారులతో మేకపాటి సమీక్ష. మ.3.30కి సిమెంట్‌ సేకరణ వెబ్‌సైట్‌ను ప్రారంభించనున్న సీఎం జగన్‌. మ.3.35కు కొత్త పారిశ్రామిక విధానంపై సీఎం జగన్‌ సమీక్ష.

ఉద్యోగులకు గుడ్ న్యూస్.. రూ.7 లక్షలలోపు ఆదాయం ఉంటే.?

Central Budget 2020, ఉద్యోగులకు గుడ్ న్యూస్.. రూ.7 లక్షలలోపు ఆదాయం ఉంటే.?

Good News To Employees: ప్రస్తుతం భారత్‌ను పట్టి పీడిస్తున్న సమస్య ఆర్ధిక మాంద్యం. దీని వల్ల చిన్న వ్యాపారాలు చేసుకునే వాళ్ళ దగ్గర నుంచి పెద్ద పెద్ద వ్యాపారస్తుల వరకు అందరూ కూడా తీవ్ర ఇబ్బందులు పడుతున్నారు. కొన్ని కంపెనీలు అయితే ఏకంగా మూతపడిపోయాయి. ఇక ఈ సమస్యకు మోదీ సర్కార్ విరుగుడు చర్యలు చేపట్టనున్నట్లు తెలుస్తోంది. ఈ క్రమంలోనే కేంద్ర ఆర్ధిక మంత్రి నిర్మలా సీతారామన్ ఫిబ్రవరి 1న ప్రవేశపెట్టే ఆర్ధిక బడ్జెట్‌లో ఉద్యోగులకు పలు వరాలను ప్రకటించనున్నట్లు తెలుస్తోంది.

ఈ నేపథ్యంలోనే రూ.7 లక్షల వరకూ ఆదాయపు పన్ను పరిమితిని 5 శాతానికే ప్రతిపాదించడానికి ఆర్ధిక మంత్రి నిర్మలా సీతారామన్ నిర్ణయం తీసుకున్నట్లు సమాచారం. ఇక గత ఏడాది ఫిబ్రవరిలో ప్రకటించిన మధ్యంతర బడ్జెట్‌లో రూ.5 లక్షల వరకు వార్షిక ఆదాయం ఉన్నవారికి పన్ను మినహాయింపు ఇచ్చిన సంగతి తెలిసిందే. అటు వార్షిక ఆదాయాల పన్నుల శ్లాబులలో కూడా పలు మార్పులు చేసేందుకు రంగం సిద్ధం చేసినట్లు తెలుస్తోంది.

రూ.5-7 లక్షల ఆదాయం ఉన్నవారికి 5 శాతం, ఇక రూ.7- 10 లక్షల దాకా 10 శాతం, 10-20 లక్షలు వార్షిక ఆదాయానికి 20 శాతం.. అలాగే రూ20లక్షల- 10 కోట్లు మధ్య ఆదాయం ఉంటే 30 శాతం పన్నును ప్రతిపాదించే అవకాశాలు ఉన్నాయని సమాచారం. ఒకవేళ ఇదే గనక జరిగితే వేతన జీవులకు పెద్ద ఊరట లభించే అవకాశం ఉంది.

Related Tags