Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

పోలవరానికి మళ్లీ బ్రేకులు: ఏపీకి కేంద్రం నోటీసులు

Polavaram Project, పోలవరానికి మళ్లీ బ్రేకులు: ఏపీకి కేంద్రం నోటీసులు

ఏపీకి చెందిన ప్రతిష్టాత్మక ప్రాజెక్ట్ పోలవరానికి మళ్లీ బ్రేకులు పడ్డాయి. పోలవరం నిర్మాణంపై ఏపీ ప్రభుత్వానికి కేంద్రం షోకాజ్ నోటీసులు జారీ చేసింది. పోలవరానికి చెందిన పర్యావరణశాఖ నిబంధనలను ప్రస్తావిస్తూ కేంద్రం వివరణ కోరింది. ఈ ప్రాజెక్ట్ విషయంలో పర్యావరణ అనుమతులు ఎందుకు రద్దు చేయకూడదని కేంద్రం ప్రశ్నించింది. అలాగే పురుషోత్తపట్నం ప్రాజెక్ట్‌పైనా వివరణ కోరింది.

అయితే పోలవరం, అనుబంధ ప్రాజెక్ట్‌లపై చెన్నై పర్యావరణ శాఖ అధికారులతో తనిఖీలు చేయించింది. ఆ నివేదికను అధికారులు కేంద్రానికి అందజేశారు. పర్యావరణ అనుమతుల నిబంధనల్లో ఉల్లంఘనలు జరిగాయని ఆ నివేదికలో అధికారులు వెల్లడించారు. ఈ విషయంపై చెన్నై పర్యావరణ అధికారులు గత జూలైలో జాతీయ హరిత ట్రైబ్యునల్‌లో(ఎన్‌జీటీ)లో అఫిడవిట్ వేశారు. ఈ ఉల్లంఘనలపై ఏపీకి నోటీసులు జారీ అయ్యాయి. కాగా ఇటీవలే పోలవరానికి స్టాప్ వర్క్ ఆర్డర్‌ను రెండేళ్ల పాటు పొడిగించిన కేంద్రం.. మళ్లీ అనూహ్యంగా షోకాజ్ నోటీసులు జారీ చేసింది. మరి ఈ ప్రాజెక్ట్‌పై ఏపీ సర్కార్ వివరణను బట్టే పోలవరం ప్రాజెక్ట్ భవితవ్యం ఆధారపడింది.