Breaking News
  • ఆదిలాబాద్‌: నేటి నుంచి నాగోబా జాతర. ఇంద్రవెళ్లి మండలం కేస్లాపూర్‌లో ప్రారంభంకానున్న జాతర. జాతరకు రానున్న తెలంగాణ, మహారాష్ట్ర, ఒడిశా.. మధ్యప్రదేశ్‌ రాష్ట్రాల ఆదివాసీలు, గిరిజనులు.
  • అవినీతి సూచిలో భారత్‌కు 80వ స్థానం. ప్రభుత్వ కార్యాలయాల్లో అవినీతిపై వ్యాపారవర్గాలు నుంచి.. వివరాలు సేకరించిన ట్రాన్స్‌పరెన్సీ ఇంటర్నేషనల్‌ సంస్థ. అవినీతి కట్టడిలో తొలిస్థానంలో నిలిచిన డెన్మార్క్‌, న్యూజిలాండ్‌.
  • వలసల నియంత్రణకు ట్రంప్‌ సర్కార్‌ మరో కీలక చర్య. అమెరికా వచ్చే విదేశీ గర్భిణులపై ఆంక్షలు విధింపు. కాన్పు కోసమే అమెరికా వచ్చేవారికి పర్యాటక వీసా నిరాకరణ.
  • రోహింగ్యాల ఊచకోతపై అంతర్జాతీయ న్యాయస్థానం సంచలన తీర్పు. మయన్మార్‌లో రోహింగ్యాల నరమేధం జరిగింది. సైన్యం అండతో రోహింగ్యాలను ఊచకోత కోశారన్న న్యాయస్థానం. రోహింగ్యాలను రక్షించడానికి వెంటనే చర్యలు తీసుకోవాలని ఆదేశం.
  • కరోనా వైరస్‌కు కారణం పాములే. చైనా అధ్యయనంలో వెల్లడి. ఐదు నగరాలకు రాకపోకలన్నీ నిలిపివేసిన చైనా. వుహాన్‌, హుయాంగ్‌గాంగ్‌, ఎఝౌ, ఝిజియాంగ్‌.. ఖియాన్‌జింగ్‌ నగరాలపై రవాణా ఆంక్షలు విధింపు.

కోదాడలో ఎల్ఐసీ ఏజెంట్ల స్కామ్

CBI books 11 LIC staffers for Rs 3.14 crore policy fraud in Kodad, కోదాడలో ఎల్ఐసీ ఏజెంట్ల స్కామ్

సూర్యపేట జిల్లా కోదాడలో ఘరానా మోసం బయటపడింది. బతికున్న వారిని చనిపోయినట్లుగా చూపి, బీమా డబ్బును జేబులో వేసుకున్నారు ఎల్‌.ఐ.సీ సిబ్బంది. ఏజెంట్లతోపాటు అధికారులు కుమ్మక్కై.. ఈ కుంభకోణంలో మొత్తం రూ. 3.14 కోట్లు ఇన్సూరెన్స్ డబ్బును అక్రమంగా తమ ఖాతాల్లోకి జమ చేసుకున్నారు.

కోదాడ ఎల్‌.ఐ.సీ కార్యాలయంలో అసిస్టెంట్ అడ్మినిస్టేటివ్ ఆఫీసర్‌గా పనిచేసే బానోత్ బీకూ నాయక్, హయ్యర్ గ్రేడ్ అసిస్టెంట్ గులోతు హర్యా ప్రస్తుతం సస్పెన్షన్‌లో ఉన్నారు. మరో ఉద్యోగి రఘుచారి 8 మంది ఏజెంట్లతో కుమ్మక్కయ్యారు. నకిలీ మరణ దృవీకరణ పత్రాలు సృష్టించి వాటి ఆధారంగా ఎల్‌ఐసీకి చెందిన సోమ్మును డ్రా చేసుకున్నారు. పత్రాల్లో తెలిపిన నామినీల బ్యాంక్ ఖాతాల్లో కాకుండా సొంత ఖాతాల్లోకి డబ్బును మళ్లించుకున్నారు.

2006 నుంచి 2018 మధ్యకాలంలో దాదాపు 190 నకిలీ పాలసీలు సృష్టించి 3.14 కోట్ల రూపాయలను తమ జేబులో వేసుకున్నారు. ప్రధాన నిందితుడు అసిస్టెంట్ అడ్మినిస్టేటివ్ ఆఫీసర్ బీకూ నాయక్ తండ్రి బతికుండగానే చనిపోయినట్లు పత్రాలు సృష్టించి పాలసీని డ్రా చేసుకున్నాడు. లావాదేవీలపై అనుమానం వచ్చిన కోదాడ ఎల్‌ఐసీ చీఫ్ మేనేజర్ విచారణ జరిపించారు.

అంతర్గత విచారణలో వీరి భాగోతాలు వెలుగుచూశాయి. దీంతో ఈ కేసును పూర్తిస్థాయిలో విచారించాలని సీబీఐకి ఫిర్యాదు చేశారు. దీంతో బీకూ నాయక్, గుగులోత్ హర్యా, ఏజెంట్లపై ఐపీసీ 120 బీ, 409, 420, 465, 467, 468, 471, 477ఏ సెక్షన్ల కింద కేసు నమోదు చేసి దర్యాప్తు చేపట్టారు అధికారులు.