Breaking News
  • దేశంలో కరోన బాధితుల సంఖ్య 4789కి చేరినట్లు ప్రకటించిన కేంద్ర ఆరోగ్య శాఖ. 4312 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 352మంది బాధితులు. కోవిడ్-19వైరస్ సోకి ఇప్పటివరకు 124 మంది మృతి. సాయంత్రం 6.00 గంటల వరకు వివరాలు వెల్లడించిన కేంద్ర ఆరోగ్య శాఖ. గడచిన 24 గంటల్లో 508 పాజిటివ్ కేసులు నమోదు కాగా 13మంది మృతి.
  • శరవేగంగా రూపుదిద్దుకున్న గచ్చిబౌలి ఐసోలేషన్‌ సెంటర్‌. అత్యాధునిక ఐసోలేషన్‌ సెంటర్‌గా గచ్చిబౌలి స్పోర్ట్స్‌ విలేజ్‌. అంతర్జాతీయ స్థాయిలో కరోనా ఐసోలేషన్‌ సెంటర్‌ ఏర్పాటు. ఫైవ్‌స్టార్‌ హోటల్‌ను తలపించేలా ఉన్న సదుపాయాలు. మొత్తం 14 అంతస్తుల భవనంలో గ్రౌండ్‌ ఫ్లోర్‌లో వెంటిలేటర్‌ సదుపాయం. ఇప్పటికే మూడు అంతస్తుల్లో 1,500 బెడ్స్‌ సిద్ధం. ఒక్కో ఫ్లోర్‌కు 36 గదులు, ప్రతి గదిలో 2 బెడ్స్‌. మరో 11 ఫ్లోర్లు శరవేంగా సిద్ధం చేస్తున్న వైద్య ఆరోగ్యశాఖ. రోజుకు 24 గంటలు 1,200 మంది వైద్య సిబ్బంది విధులు. ఉస్మానియా ఆస్పత్రికి అనుసంధానంగా పని చేయనున్న గచ్చిబౌలి ఐసోలేషన్‌ సెంటర్‌.
  • ఆంధ్రప్రదేశ్‌లో కరోనా పాజిటివ్ కేసులు పెరుగుతుండటంతో అధికార యంత్రాంగం మరింత అప్రమత్తం అయ్యింది.. విదేశాలతో పాటు ఇతర ప్రాంతాల నుంచి వచ్చిన వారిపై ప్రత్యేక దృష్టి సారించారు. అనుమానితులందరినీ ఇప్పటికే క్వారంటైన్, ఐషోలేషన్ కేంద్రాలకు తరలించిన అధికారులు.. ఇంటింటి సర్వేను కూడా మరోసారి వేగవంతం చేశారు.
  • భారత్‌ దగ్గర సరిపడ హైడ్రాక్సీ క్లోరోక్విన్‌ ఉంది. లాక్‌డౌన్‌ పొడిగింపుపై కేంద్రం ఎలాంటి నిర్ణయం తీసుకోలేదు-లవ్‌ అగర్వాల్‌.
  • లాక్‌డౌన్‌ను పొడిగించే ఆలోచనలో కేంద్ర ప్రభుత్వం. లాక్‌డౌన్‌ పొడిగించాలని కేంద్రంపై వివిధ రాష్ట్రాల ఒత్తిడి. లాక్‌డౌన్‌ పొడిగించాలని ఇప్పటికే ప్రధాని మోదీని కోరిన తెలంగాణ సీఎం కేసీఆర్‌. కేసీఆర్‌ బాటలో మధ్యప్రదేశ్‌ సీఎం శివరాజ్‌సింగ్‌ చౌహాన్‌.. మహారాష్ట్ర సీఎం ఉద్దవ్‌ఠాక్రే. లాక్‌డౌన్‌ను పొడిగించాలిన కేంద్రాన్ని కోరిన యూపీ సర్కార్‌.

కూతురి పెళ్లికి దాచిన డబ్బు..అగ్గి మింగేసింది

Fire Accident At Prakasam District, కూతురి పెళ్లికి దాచిన డబ్బు..అగ్గి మింగేసింది

విధి మనుషులతో ఆటలాడుతోంది. పేదవారితో మరింత కర్కశంగా వ్యవహరిస్తుంది. అటువంటి ఘటనే ప్రకాశం జిల్లాలో చోటుచేసుకుంది. అప్పు తీసుకొచ్చి కూతురు పెళ్లి కోసం దాచుకున్న సోమ్ము అగ్ని ప్రమాదంలో తగలిబడిపోయింది. తమ గారాల పట్టికి చేయించుకున్న బంగారం మంటల వేడికి కరిగిపోయింది. పూరింట్లో గుట్టుగా బ్రతుకుతున్న ఓ పేద కుటుంబంలో అగ్ని ప్రమాదం చీకట్లు నింపింది.  దర్శి మండలం అనపర్తివారి పాలెంలో ఈ సంఘటన జరిగింది. ప్రమాదంలో ఓ పూరిల్లు దగ్దమైంది.

అనపర్తివారిపాలెం నివాసులైన అనపర్తి బాలకోటయ్య, కృపమ్మలు దంపతులు. ఈ రోజు ఉదయం వారిద్దరూ గేదెల మేత కోసం పొలం వెళ్లారు. వీరి కూతురు ఇందిరమ్మ ఇంట్లో కట్టెల పొయ్యి మీద రోజూ లానే వంట ప్రారంభించింది. కొంతసేపటి తరువాత పొయ్యి నుంచి ఒక్కసారిగా మంటలు ఎగిసి పడగా.. ఇందిరమ్మ భయపడి బయటకు పరిగెత్తింది. ఇరుగుపొరుగు వారిని పిలిచేలోపే మంటలు ఇంటిని అంటుకొని పైకి ఎగిశాయి. చుట్టుపక్కల వారు మంటలు ఆర్పే ప్రయత్నం చేసినా ఫలితం దక్కలేదు.  ఫైరింజన్ వచ్చి మంటలను ఆర్పింది. ఆలోపే నష్టం జరిగిపోయింది.  తన కుమార్తె పెళ్లి ఖర్చుల కోసమని నాలుగు లక్షలు అప్పుతెచ్చి కొంత బంగారం చేయించారు ఆ దంపతులు. మిగిలిన నగదు ఇంట్లో దాచి ఉంచారు. అగ్నిప్రమాదం వల్ల ఇంట్లో ఉన్న బంగారం మంటల వేడికి కరిగిపోగా, నగదు కాలిపోయింది. కోటయ్య కుటుంబం దిక్కుతోచని స్థితిలో ఎవరైనా తమనకు సాయం చెయ్యాలని వేడుకుంటుంది.

Related Tags