Breaking News
  • ఢిల్లీ: భారత్ లో విజృంభిస్తున్న కరోనా వైరస్. 2 లక్షల 36 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 236657. దేశ వ్యాప్తంగా యాక్టీవ్ కేసులు: 115942. కరోనా నుంచి డిశ్చార్జ్ అయిన బాధితులు: 114073. దేశం మొత్తం కరోనా తో మృతుల సంఖ్య : 6642. కేంద్ర ఆరోగ్య మంత్రిత్వ శాఖ.
  • విజయవాడ: ఒన్ టౌన్ మోడల్ గెస్ట్ హౌస్ వద్ద తనిఖీలు . ద్విచక్రవాహనంలో తరలిస్తున్న 31లక్షల 50 వేలు పట్టుకున్న పోలీసులు. పోలీసులను చూసి వెనక్కి వెళ్లేందుకు యత్నించిన ద్విచక్రవాహన దారుడు. ఓ లారీ ట్రాన్స్ పోర్టకు చెందిన వ్యక్తి డబ్బులుగా చెప్తుతున్న ద్విచక్రవాహన చోదకుడు. ఇన్ కాం టాక్స్, జిఎస్టీ అధికారులకు సమాచారం ఇచ్చిన ఒన్ టౌన్ పోలీసులు. కేసు నమోదు చేసి ధర్యాప్తు చేస్తున్న పోలీసులు.
  • అమర్‌నాథ్ యాత్రకు పచ్చజెండా. జులై 21 నుంచి ఆగస్టు 3 వరకు యాత్ర. 15 రోజులు మాత్రమే యాత్రా సమయం. 55ఏళ్లు పైబడినవారికి యాత్రకు అనుమతి లేదు. కోవిడ్-19 జాగ్రత్తలతో యాత్రకు ఏర్పాట్లు. కోవిడ్-19 నెగెటివ్ సర్టిఫికెట్లు ఉన్నవారికి మాత్రమే అనుమతి. బాల్తాల్ మార్గంలో మాత్రమే యాత్రకు అనుమతి. పహల్‌గాం వైపు నుంచి ఉన్న యాత్రామార్గం మూసివేత.
  • తెలంగాణ లో జిమ్ అసోసియేషన్ ప్రెసిడెంట్ సంతోష్. తెలంగాణ లో జిమ్ ల నిర్వహణకు అనుమతివ్వండి. కోవిడ్ నిబంధనలకు లోబడి జిమ్ లను నిర్వహిస్తాం. ప్రభుత్వానికి తెలంగాణ జిమ్ ఓనర్స్ అసోసియేషన్ ప్రెస్ మీట్ . జిమ్ లను నమ్ముకుని ఎన్నో కుటుంబాలు ఆదారపడి ఉన్నాయి. జిమ్ ల తెరిచేందుకు కేంద్ర, రాష్ట్ర ప్రభుత్వాలు ఆదేశాలివ్వాలి. తెలంగాణ వ్యాప్తంగా 5 వేల జిమ్ ల్లో 50 వేల మంది ఆధారపడిన ఇండస్ట్రీ.
  • కర్నూలు: భూమా అఖిలప్రియ ఏ వి సుబ్బారెడ్డి మధ్య విభేదాలు వారి వ్యక్తిగతం. తెలుగుదేశం పార్టీకి ఎలాంటి సంబంధం లేదు... టిడిపి జిల్లా అధ్యక్షుడు సోమిశెట్టి వెంకటేశ్వర్లు.
  • విశాఖ: దివ్య కేసులో కొనసాగుతున్న పోలీస్ దర్యాప్తు. రావులపాలెం నుంచి దివ్య పిన్ని కృష్ణవేణిని పిలిపించిన పోళిసులు. దివ్య కేసులో మరికొంతమంది పాత్రపై ఆరా తీస్తున్న పోలీసులు. ఇప్పటికే వసంతతో పాటు నలుగురిని అదుపులోకి తీసుకుని విచారిస్తున్న పోలీసులు. దివ్య ఘటనపై విచారణ జరుపుతున్నాం. తొలుత అనుమానాస్పద మృతికేసు నమోదు చేశాం.. పలుకోణాల్లో విచారిస్తున్నాం: డీసీపీ రంగారెడ్డి.

‘ మా నోళ్లు నొక్కలేరు … ‘ 180 మంది సెలబ్రిటీల ‘ ఒక్క నోరు ‘ !

The FIR was lodged on October 3 under sections of sedition, ‘ మా నోళ్లు నొక్కలేరు … ‘ 180 మంది సెలబ్రిటీల ‘ ఒక్క నోరు ‘ !

దేశంలో జరుగుతున్న మూక దాడులగురించి ప్రశ్నిస్తూ ప్రధాని మోదీకి లేఖ రాసిన 49 మంది సెలబ్రిటీలపై బీహార్ లో రాజద్రోహం కేసు నమోదైన సంగతి తెలిసిందే. అయితే వీరికి మద్దతుగా బాలీవుడ్ సీనియర్ నటుడు నసీరుద్దీన్ షా , హిస్టారియన్ రొమిలా థాపర్ సహా 180 మంది ప్రముఖులు సోమవారం ఓ లేఖను విడుదల చేశారు. 49 మంది రాసిన లేఖ రాజద్రోహం ఎలా అవుతుందని వీరు ప్రశ్నించారు. దేశంలో పెరిగిపోతున్న సామూహిక మూక దాడుల వల్ల దేశ ప్రతిష్ట దిగజారిపోతోందని, వీటిని అరికట్టేందుకు వెంటనే చర్యలు తీసుకోవాలని మణిరత్నం, ఆదూర్ గోపాలకృష్ణన్, రామచంద్ర గుహ, అనురాగ్ కశ్యప్, శ్యామ్ బెనెగల్ వంటి పలువురు ప్రముఖులు నేరుగా మోదీకి గత జులైలో లేఖ రాశారు. అయితే వీరిపై బీహార్ పోలీసులు పలు సెక్షన్ల కింద కేసులు నమోదు చేశారు. రాజద్రోహం, పబ్లిక్ న్యూసెన్స్, మత పరమైనభావనలను రెచ్ఛగొడుతున్నారని ఆరోపిస్తూ ఈ సెక్షన్లు నమోదయ్యాయి. కానీ.. బీహార్ పోలీసుల చర్యను ఖండిస్తూ తాజాగా నసీరుద్దీన్ షాతో బాటు అశోక్ వాజ్ పేయి, జెర్సీ పింట్. టీఎం. కృష్ణ తదితరులు లేఖను విడుదల చేశారు. ఈ విధమైన వేధింపులను ఖండిస్తున్నామని, మా సహచరులు రాసిన లేఖలోని ప్రతి ఒక్క అక్షరాన్ని సమర్థిస్తున్నామని వీరన్నారు. ప్రజలను, ప్రముఖులను బాధ పెట్టేందుకు కోర్టులను దుర్వినియోగపరుస్తున్నారని దుయ్యబట్టారు. అయితే బీహార్ పోలీసులు మాత్రం 49 మంది సెలబ్రిటీలపై ఎఫ్ ఐ ఆర్ దాఖలు చేయడాన్ని తేలిగ్గా పరిగణిస్తున్నారు. తాము ఇంకా కోర్టులో ఈ కేసు తాలూకు ఫైల్ దాఖలు చేయలేదని అంటున్నారు.

అటు-ప్రభుత్వం కూడా ఈ కేసులో తమ ప్రమేయం లేదని చేతులు దులుపుకుంది. ‘ దీనికి బీజేపీతో గానీ, ప్రభుత్వంతో గానీ సంబంధం లేదు. మోదీ సర్కార్ ప్రతిష్టను దిగజార్చడానికే ఈ ప్రయత్నం ‘ అని సమాచార, ప్రసార శాఖ మంత్రి ప్రకాష్ జవదేకర్ వ్యాఖ్యానించారు. ప్రజల భావ ప్రకటనా స్వేచ్చను అణగదొక్కడానికి ప్రభుత్వం చూస్తోందన్న అభిప్రాయాన్ని కలిగించేందుకు కొన్ని స్వార్థ పరశక్తులు ఇలాంటి ప్రచారానికి పూనుకొన్నాయని ఆయన అన్నారు.
అటు-తమిళ సీనియర్ నటుడు కమల్ హాసన్ కూడా మోదీ ప్రభుత్వ చర్యను ఖండించిన సంగతి విదితమే. ఇంతమంది ప్రముఖులు దేశంలో జరుగుతున్న దారుణ సంఘటనలపై గళమెత్తితే.. దాన్ని రాజద్రోహం అంటూ ప్రముఖులపై కేసులు పెట్టడమేమిటని అనేకమంది సాధారణ ప్రజలు కూడా ప్రశ్నిస్తున్నారు. పైగా మంత్రి ప్రకాష్ జవదేకర్.. ‘ కొన్ని స్వార్థపర శక్తులు, తుక్ డే, తుక్ డే గ్యాంగ్ ‘ అంటూ అభివర్ణించడం విడ్డూరం.. ఇలాంటి పదప్రయోగాలను భాషా కోవిదులు సైతం హర్షించడం లేదు. ప్రధానికి లేఖ రాసిన వారిలో ఎంతోమంది ప్రముఖ రచయితలు కూడా ఉన్నారు. కేవలం దేశానికి అప్రదిష్టగా మారిన సామూహిక మూకదాడులను అరికట్టడానికి గట్టి చర్యలు తీసుకోవాలని కోరడం తప్పా అని వీరు ప్రశ్నిస్తున్నారు.

 

Related Tags