Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

హైదరాబాద్‌లో ఒంటెపాల క్రేజ్..‘ఆ‘ పవర్ కోసమే!

camel milk crazy in hyderabad, హైదరాబాద్‌లో ఒంటెపాల క్రేజ్..‘ఆ‘ పవర్ కోసమే!

హైదరాబాద్ నగరాన్ని ఒంటెపాల క్రేజ్ కమ్మేస్తోంది. ఒంటెపాలు తాగితే పుంసత్వం పెరుగుతుందన్న ప్రచారం జోరందుకోవడంతో లీటర్ పాల కోసం 500 రూపాయలు వెచ్చించేందుకు కూడా జనం వెనుకాడడం లేదు. పుంసత్వం పెరగడంతోపాటు బరువు తగ్గేందుకు కూడా ఒంటెపాలు పనికొస్తాయని చెబుతున్నారు. దాంతో ఒంటెపాల డిమాండ్ మరింతగా పెరుగుతోంది.

ఒంటెపాలకు డిమాండ్ బాగా పెరిగిపోవడంతో ఏకంగా జైపూర్‌ నుంచి దిగుమతి చేసుకుంటున్నారు. సిటీలో నెలకు దాదాపు 3వేల లీటర్లు వరకు ఒంటెపాలు అమ్ముడవుతున్నట్టు చెబుతున్నారు. లీటర్ బాటిల్ నుంచి చిన్న చిన్న బాటిల్స్‌లో 200 మిల్లీ లీటర్లు కూడా అమ్ముతున్నామని, మంచి రెస్పాన్స్‌ వస్తోందని చెబుతున్నారు. ఒంటెపాల వినియోగదారుల్లో అన్ని వర్గాల వారు ఉన్నారంటున్నారు. ముఖ్యంగా చిన్నపిల్లలు ఉన్నవాళ్లు, జిమ్‌లో వర్కవుట్‌ చేసేవాళ్లు ఎక్కువ ఆసక్తి చూపుతున్నారని చెబుతున్నారు.

చాలా రోజుల నుంచి ఒంటెపాలు తాగుతున్నవాళ్లు కూడా పాజిటివ్‌గా స్పందిస్తున్నారు. ఈ పాలు పిల్లలకు బలాన్ని ఇస్తాయని, అలాగే చురుకుదనాన్ని పెంచుతాయని అంటున్నారు. ధర కొంచెం ఎక్కువైనా, రుచి కొంచెం ఉప్పగా ఉన్నా కొంటున్నామని వినియోగదారులు చెబుతున్నారు.

అయితే డాక్టర్ల వెర్షన్‌ వేరే విధంగా ఉంది. కామెల్‌ మిల్క్‌ తాగటం వల్ల ప్రత్యేకంగా ఒనగూడే లాభనష్టాలు ఏమీ లేవంటున్నారు. పుంసత్వం పెరగటం, షుగర్‌ తగ్గటం అంతా భ్రమ అంటున్నారు
జనం మాత్రం రకరకాల నమ్మకాలతో ఒంటెపాలు కొంటున్నారు. డాక్టర్లు చెప్పేదానితో నిమిత్తం లేకుండా వేలంవెర్రిగా తాగుతున్నారు.