చంద్రబాబు ఆరోపణ తప్పని తేల్చిన కేబినెట్

Cabinet proved Chandrababu false: తెలుగుదేశం పార్టీ అధినేత, మాజీ ముఖ్యమంత్రి చంద్రబాబు నాయుడు చేసిన ఆరోపణలు తప్పని నిరూపించింది ఏపీ కేబినెట్. గురువారం జరిగిన సుదీర్ఘ భేటీలో తీసుకున్న ఓ నిర్ణయం చంద్రబాబుతో సహా తెలుగుదేశం పార్టీ నేతలు చేస్తున్న ప్రచారం తప్పని తేల్చింది. విశాఖ నుంచి సాఫ్ట్ వేర్ సంస్థలు తరలి వెళ్ళిపోతున్నాయంటూ టీడీపీ నేతలు చెబుతున్న దాంట్లో వాస్తవం లేదని స్పష్టమైంది.

విశాఖపట్నంలో అదానీ డేటా సెంటర్ ఏర్పాటుకు కేంద్ర అంగీకారం తెలిపిన నేపథ్యంలో 150 ఎకరాలలో డేటా సెంటర్ ఏర్పాటుకు కేబినెట్ ఆమోదం తెలిపింది. గత ప్రభుత్వ హయాంలో అదానీ డేటా సెంటర్‌కు 500 ఎకరాలు కేటాయించగా.. జగన్ ముఖ్యమంత్రి అయిన తర్వాత అదానీ డేటా సెంటర్ విశాఖ నుంచి తరలి వెళ్ళిపోయిందని చంద్రబాబు ఇటీవల ఆరోపించారు. అయితే.. తాజాగా 150 ఎకరాలలో డేటా సెంటర్ ఏర్పాటుకు అదానీ గ్రూపు సంసిద్ధత వ్యక్తం చేయగా.. గురువారం నాడు కేబినెట్ దానిని ఆమోదించిందని రాష్ట్ర వ్యవసాయ శాఖా మంత్రి కన్నబాబు తెలిపారు.

ఇదిలీ వుండగా.. వైద్య ఆరోగ్య శాఖలోని టీచింగ్ సిబ్బందికి యూజీసీ స్కేల్ ప్రకారం వేతనాలు చెల్లించాలని కేబినెట్ నిర్ణయం తీసుకుంది. దీని వల్ల రాష్ట్ర ఖజానాకు ఏటా నాలుగు వందల కోట్ల రూపాయల అదనపు భారం పడుతున్నా.. దాదాపు 3500 మందికి ప్రయోజనం కలుగుతుందని కేబినెట్ నిర్ణయాలను వెల్లడించిన కన్నబాబు వివరించారు. వివిధ సంక్షేమ పథకాల్లో లబ్ది పొందని అర్హులకు సంక్షేమ పథకాలను వర్తింప చేసేందుకు అవసరమైన చర్యలు తీసుకోవాలని తీర్మానించినట్లు ఆయన వెల్లడించారు. ఈ ప్రక్రియ నవంబర్ ఆరో తేదీ నుంచే ప్రారంభిస్తామన్నారు. వైఎస్సార్ ఆరోగ్య శ్రీ పథకాన్ని నవంబర్ పదో తేదీ నుంచి మరో ఆరు జిల్లాల్లో అందుబాటులోకి తేనున్నట్లు కన్నబాబు తెలిపారు.

ALSO READ: భూసర్వేపై జగన్ కేబినెట్ సంచలన నిర్ణయం

ALSO READ: బందరు పోర్టుపై కేబినెట్ కీలక నిర్ణయం

ALSO READ: టీడీపీ నేతలకు ‘సుప్రీం’ నోటీసులు

ALSO READ: వండర్ కలెక్టర్ టీచరైన వేళ!

ALSO READ: పాకిస్తాన్ మరో దుష్ట పన్నాగం.. ఇండియా తీవ్ర అభ్యంతరం