గుడ్ న్యూస్.. ఇక ఆ దేశంలో కూడా UPI సేవలు షురూ! ఇండియన్ టెక్నాలజీకి సలాం కొడుతున్న విదేశాలు..
భారత డిజిటల్ చెల్లింపు వ్యవస్థ UPI మలేషియాలో ప్రారంభమై ప్రపంచ మైలురాయిని సాధించింది. ఇది UPIని స్వీకరించిన తొమ్పిదో దేశం. NIPL, Razorpay Curlec భాగస్వామ్యంతో, భారతీయ పర్యాటకులు ఇప్పుడు తమ UPI యాప్లతో మలేషియాలో సులభంగా చెల్లించవచ్చు, నగదు అవసరాన్ని తగ్గిస్తుంది.
Updated on: Nov 05, 2025 | 6:10 AM
భారతదేశ డిజిటల్ చెల్లింపు వ్యవస్థ యూనిఫైడ్ పేమెంట్స్ ఇంటర్ఫేస్ (UPI) మరో ప్రధాన ప్రపంచ మైలురాయిని సాధించింది. ఈ విజయవంతమైన మేక్ ఇన్ ఇండియా సాంకేతికత ఇప్పుడు ఆగ్నేయాసియాకు చేరుకుంది. నేషనల్ పేమెంట్స్ కార్పొరేషన్ ఆఫ్ ఇండియా (NPCI) అంతర్జాతీయ విభాగం అయిన NIPL మలేషియాలో అధికారికంగా తన సేవలను ప్రారంభించింది. ఈ ముఖ్యమైన ప్రారంభంతో UPIని స్వీకరించిన ప్రపంచంలో తొమ్మిదవ దేశంగా మలేషియా అవతరించింది. ఇప్పటికే యూపీఐ ఫ్రాన్స్, యునైటెడ్ అరబ్ ఎమిరేట్స్ (UAE), మారిషస్, శ్రీలంక, సింగపూర్, భూటాన్, నేపాల్, ఖతర్లో పనిచేస్తుంది. ఇప్పుడు మలేషియా తొమ్మిదో దేశంగా ఈ లిస్ట్లో చేరింది.
ఈ చర్య ముఖ్యంగా మలేషియాను సందర్శించే లక్షలాది మంది భారతీయ పర్యాటకులకు గణనీయమైన ఉపశమనం, సౌకర్యాన్ని తెస్తుంది. మలేషియాలో కొనుగోళ్లు చేయడానికి లేదా సేవలను పొందడానికి వారు ఇకపై నగదు లేదా విదేశీ కరెన్సీపై మాత్రమే ఆధారపడవలసిన అవసరం లేదు. మలేషియాలో యూపీఐ ఏర్పాటు కోసం NPCI ఇంటర్నేషనల్ పేమెంట్స్ లిమిటెడ్ (NIPL) ప్రముఖ మలేషియా చెల్లింపు గేట్వే అయిన Razorpay Curlecతో భాగస్వామ్యం కుదుర్చుకుంది. ఈ భాగస్వామ్యం మొత్తం వ్యవస్థకు వెన్నెముకగా నిలుస్తుంది.
ఈ కొత్త ఫీచర్ ద్వారా మలేషియాకు ప్రయాణించే భారతీయ పౌరులు ఇప్పుడు తమకు ఇష్టమైన UPI యాప్లను (Google Pay, PhonePe, Paytm మొదలైనవి) నేరుగా ఉపయోగించి స్థానిక వ్యాపారులకు చెల్లించగలరు. ఈ ఫీచర్ Razorpay ప్లాట్ఫామ్ ద్వారా పని చేస్తుంది. పర్యాటకులకు ఇది ఎంతగానో ఉపయోగపడనుంది. వారు ఇకపై తమ పర్యటనకు ముందు పెద్ద మొత్తంలో విదేశీ కరెన్సీ (మలేషియా రింగిట్) కొనుగోలు చేయవలసిన అవసరం లేదు లేదా ప్రతిచోటా భారీ అంతర్జాతీయ క్రెడిట్/డెబిట్ కార్డ్ ఛార్జీల గురించి ఆందోళన చెందాల్సిన అవసరం లేదు. భారతదేశంలోని టీ దుకాణంలో QR కోడ్ను స్కాన్ చేసినంత సులభం చెల్లింపు ప్రక్రియ ఉంటుంది.
వ్యాపారాలకు ప్రయోజనం
ఈ కొత్త వ్యవస్థ భారతీయ పర్యాటకులకు ప్రయోజనకరంగా ఉండటమే కాకుండా, మలేషియా ఆర్థిక వ్యవస్థ, స్థానిక వ్యాపారాలకు రెట్టింపు ప్రయోజనాలను అందిస్తుంది. మలేషియా భారతీయ పర్యాటకులకు ఇష్టమైన గమ్యస్థానం, ప్రతి సంవత్సరం పెద్ద సంఖ్యలో భారతీయులు ఆ దేశాన్ని సందర్శిస్తారు. ఇప్పటివరకు పరిమిత చెల్లింపు ఎంపికలు తరచుగా పర్యాటకులు స్వేచ్ఛగా షాపింగ్ చేయకుండా నిరోధించాయి. కానీ UPIతో మలేషియా వ్యాపారులు భారతీయ కస్టమర్ల నుండి చెల్లింపులను అంగీకరించడం చాలా సులభం అవుతుంది. ఇది వారి కస్టమర్ బేస్ను బలోపేతం చేయడమే కాకుండా భారతదేశం నుండి వచ్చే పర్యాటకుల ఖర్చును కూడా పెంచుతుందని భావిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
