Bank Deposits: బ్యాంకు ఖాతాదారులకు శుభవార్త..మీ సొమ్ముకు మరింత భద్రత.. ఎలాగంటే..

Bank Deposits: డిపాజిట్ ఇన్సూరెన్స్ అండ్ క్రెడిట్ గ్యారంటీ కార్పొరేషన్ యాక్ట్ (డిఐసిజిసి) సవరణ బిల్లుకు కేంద్ర మంత్రివర్గం ఆమోదం తెలిపింది. ఈ బిల్లు ఆమోదం పొందిన తరువాత, బ్యాంకు మూసివేత లేదా మునిగిపోయిన సందర్భంలో, రూ .5 లక్షల వరకు వినియోగదారుల మొత్తం సురక్షితంగా ఉంటుంది. డిపాజిటర్లు 90 రోజుల్లోపు ఈ మొత్తాన్ని పొందుతారు. ప్రస్తుతం, వినియోగదారులు బ్యాంకులో లక్ష రూపాయల వరకు జమ చేసిన మొత్తం మాత్రమే సురక్షితంగా ఉంటూ వస్తోంది.

2020 లోనే డిపాజిట్ బీమా పరిమితిని 5 రెట్లు పెంచాలని ప్రభుత్వం ప్రకటించినప్పటికీ, ఇప్పుడు దానికి మంత్రివర్గం ఆమోదం లభించింది. దీనికి పార్లమెంటు అనుమతి ఇంకా రాలేదు. పార్లమెంటు వర్షాకాల సమావేశంలోనే ఈ బిల్లును ప్రవేశపెడతామని ఆర్థిక మంత్రి నిర్మల సీతారామన్ అన్నారు.

పిఎంసి బ్యాంక్ మునిగిపోయిన తరువాత..

2020లో పంజాబ్ అండ్ మహారాష్ట్ర కో-ఆపరేటివ్ (పిఎంసి) బ్యాంక్ మునిగిపోయిన తరువాత డిపాజిట్ బీమాను పెంచాలని నిర్ణయించినట్లు ప్రభుత్వం ప్రకటించింది. కేంద్ర బడ్జెట్‌లో కూడా, ఆర్థిక మంత్రి నిర్మలా సీతారామన్ 1961 డిపాజిట్ ఇన్సూరెన్స్ అండ్ క్రెడిట్ గ్యారెంటీ కార్పొరేషన్ (డిఐసిజిసి) చట్టం సవరణలను ప్రకటించినప్పటికీ, కరోనా యొక్క రెండవ తరంగం కారణంగా బడ్జెట్ సెషన్ వాయిదా పడింది.

పిఎంసి, లక్ష్మి విలాస్, యెస్ బ్యాంక్ వినియోగదారులకు ప్రయోజనాలు

1993 నుండి 27 సంవత్సరాల తరువాత ప్రభుత్వం మొదటిసారిగా డిపాజిట్ బీమాను మార్చింది. తాజా నిర్ణయం 2020 ఫిబ్రవరి 4 నుండి అమల్లోకి వస్తుంది. అంటే పిఎంసి, లక్ష్మి విలాస్ బ్యాంక్, యెస్ బ్యాంక్ కస్టమర్లకు కూడా ప్రయోజనం లభిస్తుంది. డిఐసిజిసి చట్టం 1961 లోని సెక్షన్ 16 (1) ప్రకారం, ఒక బ్యాంక్ మునిగిపోతే లేదా దివాలా తీసినట్లయితే, డిఐసిజిసి ప్రతి డిపాజిటర్‌కు  చెల్లించాల్సిన బాధ్యత ఉంటుంది, ఎందుకంటే డిపాజిటర్లు జమ చేసిన మొత్తాన్ని రూ .1 లక్ష వరకు భీమా కవర్ ద్వారా పొందుతారు. ఇప్పుడు దీనిని సవరిస్తున్నారు. దీంతో ఈ పరిమితిని ప్రభుత్వం 5 లక్షలకు పెరుగుతోంది.

బ్యాంకులో ఒకటి కంటే ఎక్కువ ఖాతాలు ఉంటె..

బ్యాంకులోఒకటి కంటే ఎక్కువ ఖాతాలు ఉంటె.. అతని అన్ని ఖాతాలలోని డిపాజిట్ మొత్తం..వాటి వడ్డీ రెండిటినీ జోడించి 5 లక్షల రూపాయలవరకూ మాత్రమే సురక్షితంగా పరిగణిస్తారు. అదేవిధంగా.. ఒకే బ్యాంక్నులోని వేర్వేరు శాఖల్లో ఎకౌంట్స్ ఉంటె కనుక ఆ కస్టమర్‌కు ఏ శాఖలోని ఖాతా నుంచి రక్షణ కావాలంటే ఆ శాఖ నుంచి పొందవచ్చు.

బ్యాంక్‌లోని అన్ని డిపాజిట్‌లు డిఐసిజిసి ద్వారా కవర్ చేస్తారు..

బ్యాంక్ కు సంబంధించిన అన్ని డిపాజిట్‌లు డిఐసిజిసి కింద కవర్ అవుతాయి. ఇందులో పొదుపులు, ఫిక్స్‌డ్ డిపాజిట్‌లతో సహా కరెంట్ ఖాతాలు కూడా ఉంటాయి. ఏదైనా బ్యాంకులో ఖాతా ప్రారంభించిన సమయంలో, డిఐసిజిసి వారికి ముద్రిత ఫారమ్ ఇస్తుంది. కరపత్రంలో డిపాజిటర్లకు అందుబాటులో ఉన్న బీమా వివరాలు ఉంటాయి. ఈ వివరాల గురించి తెలుసుకోవటానికి, డిపాజిటర్ బ్యాంక్ బ్రాంచ్ ఆఫీసర్‌ను సంప్రదించవచ్చు.

బ్యాంకులపై భారం పెరుగుతుంది..

ఇన్సూరెన్స్ కవర్ పెరగడంతో, బ్యాంక్ కస్టమర్లు లాభపడతారు. అయితే మరోవైపు, 100 రూపాయలకు వసూలు చేసే ప్రీమియం కూడా 10 పైసల నుండి 12 పైసలకు పెరిగుతుంది. డిపాజిట్ ఇన్సూరెన్స్ అండ్ క్రెడిట్ గ్యారంటీ కార్పొరేషన్ (డిఐసిజిసి) అనేది రిజర్వ్ బ్యాంక్ యాజమాన్యంలోని సంస్థ, ఇది బ్యాంక్ డిపాజిట్లపై బీమా సౌకర్యాన్ని అందిస్తుంది.

ఈ సవరణ వల్ల ప్రభుత్వం ఎలా ప్రయోజనం పొందుతుంది?

హామీ మొత్తాన్ని పెంచినప్పుడు, ప్రజలు హామీ మొత్తానికి సమానమైన బ్యాంకుల్లో డబ్బు జమ చేయడం గురించి ఆందోళన చెందరు, ఇది బ్యాంకింగ్ వ్యవస్థపై ప్రజల నమ్మకాన్ని కూడా పెంచుతుంది. తత్ఫలితంగా, పొదుపులు పెంచడం వల్ల బ్యాంకులు ఎక్కువ రుణాలు ఇస్తాయి.

Also Read: Post Office Best Sceme: ప్రతి నెలా రూ.1000 డిపాజిట్ చేయండి.. ఆ తర్వాత రూ. 3 లక్షలు తీసుకోండి..

Maruti Suzuki: మారుతి సుజుకీ జూన్‌ త్రైమాసిక ఫలితాలు.. అంచనాలను అందుకోలేకపోయిన సంస్థ..!