గుడ్‌న్యూస్: భారీగా పడిపోయిన బంగారం ధరలు..!

గత రెండు నెలలుగా.. హెచ్చతగ్గులకు లోనవుతూ వస్తోన్న బంగారం.. మంగళవారం అక్టోబర్ 1వ తేదీ రోజు భారీగా తగ్గింది. దాదాపు ఒకటే రోజు వెయ్యికి పైగా దిగొచ్చింది. నిన్న మొన్నటివరకూ.. వందల రూపంలో.. తగ్గుతూ వున్నా.. మళ్లీ దానికి రెండింతలు పెరుగుతూ వచ్చింది. అయితే.. మంగళవారం ఒక్క రోజే 1000 రూపాయలు తగ్గడంపై.. బంగారం ప్రియులు హర్షం వ్యక్తం చేస్తున్నారు. దీంతో.. బంగారం కొనేందుకు ఆసక్తి చూపుతున్నారు.

ప్రస్తుతం హైదరాబాద్ మార్కెట్‌లో 24 క్యారెట్ల స్వచ్ఛమైన బంగారం.. 10 గ్రాముల ధర రూ.38,280లుగా ఉంది. అలాగే 22 క్యారెట్ల బంగారు ఆభరణాలు, 10 గ్రాముల ధర రూ.35,280లుగా ఉంది. అలాగే.. దేశ రాజధాని ఢిల్లీలో.. 24 క్యారెట్స్, 10 గ్రాములు రూ.38,240లు కాగా.. దేశ ఆర్థిక రాజధాని ముంబాయిలో 10 గ్రాములు రూ.38,205లుగా ఉంది. ఇక చెన్నైలో.. కాస్త ఎక్కువగా రూ.38,350లుగా ఉంది. అలాగే.. కిలో వెండి హైదరాబాద్‌లో రూ.48,500లుగా ఉంది.

గత కొన్ని రోజులుగా.. పసిడి ధరలు తగ్గుతూ, పెరుగుతూ వస్తోన్నాయి. ఒకానొక టైంలో ఆల్‌టైం హై రికార్డుగా 40వేల బెంజ్ మార్క్‌ దాటిన బంగారం.. సడన్‌గా తగ్గుతూ వస్తోంది. మార్కెట్లో రూపాయి విలువ బాగా బలపడుతుండటంతో.. ఇలా పసిడి ధరలు తగ్గుతోన్నాయి. అలాగే.. ఇది పెళ్లిళ్ల సీజన్ కూడా కాకపోవడంతో.. డిమాండ్ లేక ధరలు ఇలా తగ్గుముఖం పడుతున్నాయని మార్కెట్ విశ్లేషకులు అంచనా వేస్తున్నారు. అయితే.. దీనికి విరుద్ధంగా చమురు ధరలు (పెట్రోలు, డీజిల్) పెరుగుతోన్నాయి.