Flipkart: ఫ్లిప్‌కార్ట్‌లో వాటాను కొనుగోలు చేసిన టెన్సెంట్.. 1.84 శాతానికి తగ్గిన బిన్నీ బన్సాల్‌ వాటా..

చైనీస్ టెక్నాలజీ కంపెనీ టెన్సెంట్.. ఫ్లిప్‌కార్ట్ సహ వ్యవస్థాపకుడు బిన్నీ బన్సాల్ నుంచి ఈ -కామర్స్ ప్లాట్‌ఫామ్‌లో వాటాను కొనుగోలు చేసింది. యూరోపియన్ అనుబంధ సంస్థ టెన్సెంట్‌తో ఈ డీల్ $264 మిలియన్లకు (సుమారు రూ. 2,060 కోట్లు) జరిగింది. టెన్సెంట్ క్లౌడ్ యూరప్ బివితో ఒప్పందం తర్వాత , ఫ్లిప్‌కార్ట్‌లో బన్సల్ వాటా దాదాపు 1.84 శాతానికి తగ్గింది. ఈ ఒప్పందం 26 అక్టోబర్ 2021న పూర్తయింది. ఇప్పుడు ఫ్లిప్‌కార్ట్‌లో టెన్సెంట్ అనుబంధ సంస్థ వాటా 0.72 శాతానికి పెరిగింది, అంటే దాదాపు $264 మిలియన్లు. జూలై 2021 నాటికి, ఈ ఇ-కామర్స్ కంపెనీ విలువ $37.6 బిలియన్లుగా ఉంది. ఇప్పుడు ఫ్లిప్‌కార్ట్ నుంచి AC, వాషింగ్ మెషీన్ వంటి గృహోపకరణాలను కొనుగోలు చేయడమే కాకుండా, మీరు వాటి సర్వీసింగ్, రిపేరింగ్‌లను కూడా పొందవచ్చు.

Flipkart మీకు గృహోపకరణాలను విక్రయిస్తుంది. వాటిని కూడా రిపేర్ చేస్తుంది. Flipkart ఈ సేవను AC సర్వీసింగ్‌తో ప్రారంభించింది. ప్రస్తుతం ఈ సేవ బెంగళూరు, కోల్‌కతా వంటి కొన్ని నగరాల్లో అందిస్తున్నారు. భవిష్యత్తులో ఇతర నగరాలకు విస్తరించనున్నారు. కంపెనీ తన అనుబంధ సంస్థ Jeeves ద్వారా ఈ సేవను అందిస్తోంది. ఫ్లిప్‌కార్ట్.. 2014లో అమ్మకాల తర్వాత సేవల సంస్థ జీవ్‌ను కొనుగోలు చేసింది. ఇప్పటి వరకు జీవ్‌ల ద్వారా గృహోపకరణాల ఇన్‌స్టాలేషన్ సేవలను అందిస్తోంది. Flipkart ఈ సేవ కోసం మీరు ఆన్‌లైన్‌లో బుక్ చేసుకోవాలి.