Honda CD-110 Dream: మైలేజ్ ఇచ్చే వాహనాలకు భారీ డిమాండ్.. హోండా నుంచి మార్కెట్లోకి మరో బైక్
Honda CD-110 Dream: ప్రస్తుతం పెట్రోల్ ధరలు పెరిగిపోతుండటంతో మార్కెట్లో ఎక్కువ మైలేజ్ ఇచ్చే వాహనాలకు డిమాండ్ పెరిగిపోతోంది. ఈ నేపథ్యంలో మైలేజ్ అత్యధికంగా ఇచ్చే ...
Honda CD-110 Dream: ప్రస్తుతం పెట్రోల్ ధరలు పెరిగిపోతుండటంతో మార్కెట్లో ఎక్కువ మైలేజ్ ఇచ్చే వాహనాలకు డిమాండ్ పెరిగిపోతోంది. ఈ నేపథ్యంలో మైలేజ్ అత్యధికంగా ఇచ్చే బైక్ల వైపు ఎదురు చూస్తున్నారు. హోండా నుంచి కూడా మైలేజ్ అత్యధికంగా ఇచ్చే బైక్ల గురించి తెలుసుకుందాం.
హోండా తన చౌకైన అత్యధిక మైలేజ్ ఇచ్చే బైక్ హోండా సీడీ110 డ్రీ (Honda CD 110 Dream) బీఎస్ 6 మోడల్ను ఇప్పటికే మార్కెట్లో విడుదల చేసింది. హోండా సీడీ 110 డ్రీం బీఎస్ 6 రెండు వేరియంట్లలో విడుదల చేసింది. బీఎస్ 6 ఇంజన్తో పాటు బైక్తో పాటు మరెన్నో అప్డేట్ చేయబడింది. ఇది సరికొత్త రూపాన్ని ఇస్తుంది.
ఈ బీఎస్ 6 బైక్ స్టైలింగ్ను హోండా అప్డేట్ చేసింది. దాని బాడీ వర్క్లో స్వల్ప మార్కు ఉంది. ఇవి కాకుండా అప్డేట్ చేసిన బైక్ కొత్త గ్రాఫిక్స్, క్రోమ్ ఎగ్జాస్ట్ షీల్డ్, బాడీ కలర్ మిర్రర్స్, సిల్వర్ ఫినిష్ అల్లాయ్ వీల్స్తో వస్తుంది. తన సీటు కూడా 15 మి.మీ పొడవు ఉంటుందని కంపెనీ తెలిపింది.
మైలేజ్:
హోండా సీడీ 110 డ్రీమ్లో అతిపెద్ద మార్పు దాని ఇంజన్లో ఉంది. ఈ బైక్లో ఇప్పుడు బీఎస్ 6 కంప్లైంట్ 109.51 సీసీ, ఫ్యూయల్ ఇంజెక్ట్ ఇంజన్ ఉంది. ఈ ఇంజన్ 7500 ఆర్పీఎమ్ వద్ద 8.6 హెచ్పీ, 5500 ఆర్పీఎమ్ వద్ద 9.30 ఎన్ఎమ్ టార్క్ ఉత్పత్తి చేస్తుంది. ఇంజన్ 4 స్పీడ్ గేర్బాక్స్ కలిగి ఉంటుంది. హోండా యొక్క ఇతర బీఎస్6 ద్విచక్ర వాహనాల మాదిరిగానే, సీడీ 110 డ్రీమ్ కూడా సైలెంట్ స్టార్ట్ ఫీచర్ కలిగి ఉంటుంది. అయితే లీటర్ పెట్రోలుకు రూ.65 నుంచి 70కిలోమీటర్ల మైలేజ్ ఇస్తుంది.
ఫీచర్స్:
హోండా యొక్క చౌకైన బైక్లో ఇంజన్ స్టార్ట్, స్టాఫ్ స్విచ్, డీసీ హెడ్ ల్యాంప్, ఇంటిగ్రేటెడ్ హెడ్ల్యాంప్ బీమ్ అండ్ పాసింగ్ స్విచ్, ట్యూబ్లెస్ టైర్లు, లాంగ్ అండ్ కంఫర్ట్ సీట్, సీబీఎస్ విత్ సీలర్, సీల్ చైన్ వంటివి ఉన్నాయి.
ధర:
బీఎస్ 6 హోండా సీడీ 110 డ్రీమ్ బైక్ స్టాండర్డ్ మరియు డీలక్స్ అనే రెండు వేరియంట్లలో లభిస్తుంది. వాటి ధర వరుసగా రూ.64,505, రూ.65,505 ఈ ధరలు ఎక్స్-షోరూమ్.