EPFO: మీ పీఎఫ్ ఖాతాకు ఈ-నామినేషన్ ఎలా చేయాలి.? ప్రయోజనాలేంటి..!
మీకు పీఎఫ్ ఖాతా ఉందా.? దానికి ఈ-నామినేషన్ దాఖలు చేశారా.? ఇంకా చేయకపోతే.. ఈ విషయాలు మీకోసమే..
మీకు పీఎఫ్ ఖాతా ఉందా.? దానికి ఈ-నామినేషన్ దాఖలు చేశారా.? ఇంకా చేయకపోతే.. ఈ విషయాలు మీకోసమే.. ఈ-నామినేషన్ ద్వారా కలిగే ప్రయోజనాలేంటో ఇప్పుడు తెలుసుకుందాం..
పీఎఫ్ ఖాతాలకు సంబంధించిన రూల్స్ను ఈపీఎఫ్ఓ ఎప్పటికప్పుడు ఎంప్లాయిస్కు తెలియజేస్తుంటుంది. ఈ క్రమంలోనే పీఎఫ్ ఖాతాదారులు ఈ-నామినీ దాఖలు చేయాలని ఈ ఏడాది మార్చి నెలలో ప్రకటించింది ఈపీఎఫ్ఓ. ఒకవేళ పీఎఫ్ ఖాతాదారుడు మరణించినట్లయితే.. ఈ-నామినేషన్ ఉపయోగపడుతుందని పేర్కొంది. పీఎఫ్ ఖాతాలోని డబ్బు డ్రా చేయాలంటే అతడి కుటుంబసభ్యులలో ఎవరొకరి నామినీ తప్పనిసరి అని తెలిపింది. ఈ-నామినేషన్ దాఖలు చేయడానికి ఎలాంటి గడువు లేదని చెప్పింది.
ఈపీఎఫ్ ఖాతాదారుడు మరణిస్తే.. అతడి ఖాతాలోని డబ్బును నామీని క్లెయిమ్ చేసుకోవచ్చు. నామినీకి పీఎఫ్, పెన్షన్, బీమా అందుతాయి. కాగా, ఈ-నామినేషన్ దాఖలు చేసేందుకు మీరు మొదటిగా epfindia.gov.in వెబ్సైట్లోకి వెళ్లాలి. ఆ తర్వాత ఈ-నామినేషన్ క్లిక్ చేసి.. అక్కడ ఇచ్చిన సంబంధిత వివరాలను నమోదు చేయాలి. మీరు ఒకరు మాత్రమే కాదు.. ఇద్దరు లేదా ముగ్గురిని సైతం నామినీగా చేర్చవచ్చు.