Coal Crisis: దేశంలో పెరుగుతోన్న విద్యుత్‌ డిమాండ్‌.. పలు థర్మల్‌ పవర్‌ ప్లాంట్లలో బొగ్గు కొరత..

వేసవిలో పెరుగుతున్న వేడి కారణంగా విద్యుత్ డిమాండ్ నిరంతరం పెరుగుతోంది. దీంతో బొగ్గు సంక్షోభం తలెత్తింది. బొగ్గు సంక్షోభ వార్తలపై క్లారిటీ ఇస్తూ దేశంలో తగినంత బొగ్గు ఉందని బొగ్గు మంత్రి ట్వీట్ ద్వారా తెలిపారు. ప్రస్తుతం ఒక నెల అవసరాలకు సరిపడా బొగ్గు ఉంది. బొగ్గు గనుల నుంచి దూరంగా ఉన్న థర్మల్ పవర్ ప్లాంట్లలో బొగ్గు నిల్వల సంక్షోభం కనిపిస్తోంది. ఈ పవర్ ప్లాంట్లలో గత గురువారం వరకు సాధారణం కంటే 26 శాతం మాత్రమే బొగ్గు నిల్వలు ఉన్నాయి. అటువంటి ప్లాంట్లకు బొగ్గు సరఫరాను పెంచాల్సిన అవసరం ఉంది. నాన్-పిట్ హెడ్ థర్మల్ పవర్ స్టేషన్లు బొగ్గు గనులకు దూరంగా ఉన్నాయి. సెంట్రల్ ఎలక్ట్రిసిటీ అథారిటీ తాజా సమాచారం ప్రకారం సోమవారం (ఏప్రిల్ 18) నుంచి గురువారం (ఏప్రిల్ 21) వరకు మొత్తం 163 GW ఉత్పత్తి సామర్థ్యం కలిగిన 155 నాన్-పిట్ హెడ్ థర్మల్ పవర్ ప్లాంట్లలో బొగ్గు నిల్వలు సాధారణ స్థాయి కంటే తక్కువగా ఉన్నాయి.

బొగ్గు గనుల సమీపంలో ఉన్న థర్మల్ పవర్ స్టేషన్లు సాధారణంగా బొగ్గు కొరత సమస్యను ఎదుర్కోవు. గురువారం, ఏప్రిల్ 21, 2022 నాటికి, బొగ్గు గనులకు దూరంగా ఉన్న పవర్ ప్లాంట్‌లు సాధారణ స్థాయి 57,033 వేల టన్నులకు గాను 14,610 వేల టన్నుల బొగ్గు నిల్వలను కలిగి ఉన్నాయి. ఇటీవలి కాలంలో గనులకు దూరంగా ఉన్న ప్లాంట్లలో బొగ్గు నిల్వల పరిస్థితి మరీ దారుణంగా మారింది. మార్చి 21, 2022 నాటికి, అటువంటి 155 పవర్ ప్లాంట్‌లతో కూడిన బొగ్గు నిల్వలు సాధారణ స్థాయి 57,616 వేల టన్నుల్లో 31% అంటే 17,752 వేల టన్నులు. నేషనల్ గ్రిడ్ ఆపరేటర్ పవర్ సిస్టమ్ ఆపరేషన్ కార్పొరేషన్ డేటా ప్రకారం, ఏప్రిల్ 22, 2022న పీక్ పవర్ డిమాండ్ ఉంది. పీక్ డే సప్లయ్ 197 GW కాగా, పీక్ పీక్ పవర్ డెఫిసిట్ 6 GWగా ఉంది. ఏప్రిల్ 22, 2021న గరిష్ట విద్యుత్ డిమాండ్ 167 GWగా ఉంది.

Read Also.. Cryptocurrency Prices: నేల చూపులు చూస్తున్న గ్లోబల్ క్రిప్టో మార్కెట్లు.. బిట్‌కాయిన్ ధరలు ఇలా..