Breaking News
  • కర్నూలు: సీఎం జగన్‌, ఎంపీ టీజీ వెంకటేష్‌ మధ్య ఆకసక్తికర చర్చ. మాకు రావాల్సిన హైకోర్టు ఎంతవరకు వచ్చిందన్న టీజీ వెంకటేష్‌. కర్నూలులో హైకోర్టు ఏర్పాటుకు కేంద్రం అనుమతి కోరాం. నివేదిక కూడా పంపించామన్న సీఎం జగన్‌. త్వరలోనే సానుకూల ప్రకటన రావచ్చన్న టీజీ వెంకటేష్‌. హైకోర్టు ప్రకటనపై జగన్‌కు కృతజ్ఞతలు తెలిపిన టీజీ వెంకటేష్‌.
  • ప్రజలను కలిసేందుకు చంద్రబాబు వెళ్తుంటే పోలీసుల ఆంక్షలేంటి. చంద్రబాబు పర్యటనతో వైసీపీ ఉలిక్కి పడుతోంది-కూన రవికుమార్‌. మంత్రి బొత్స నోటిని అదుపులో పెట్టుకోవాలి-కూన రవికుమార్‌. విశాఖలో దళితుల భూములను బలవంతంగా లాక్కుంటున్నారు. జగన్‌ను విశాఖ ప్రజలు తరిమికొట్టాలి-టీడీపీ నేత కూన రవికుమార్‌.
  • గోపన్‌పల్లి అక్రమ భూమ్యుటేషన్లపై విచారణకు ఆదేశం. విచారణాధికారిగా రాజేంద్రనగర్‌ ఆర్డీవో చంద్రకళ నియామకం. సర్వే నెంబర్‌ 127, 128లో రేవంత్‌రెడ్డి, కొండల్‌రెడ్డి భూదందాపై.. విచారణ చేయనున్న రాజేంద్రనగర్‌ ఆర్డీవో చంద్రకళ. బాధితులను విచారణకు హాజరుకావాలని ఆదేశాలు. అక్రమ భూమ్యుటేషన్ల వ్యవహారంలో మరో ఇద్దరి పాత్ర. రిటైర్డ్ తహశీల్దార్లు సుబ్బారావు, రాజేశ్వర్‌రెడ్డి పాత్ర ఉన్నట్టు గుర్తింపు. ఇద్దరిపై చర్యలు తీసుకోవాలని ప్రభుత్వానికి లేఖ రాసిన కలెక్టర్‌.
  • ఢిల్లీ: పూసాలో భారతీయ వ్యవసాయ పరిశోధన మండలి వార్షిక సమావేశం. పాల్గొన్న కేంద్రమంత్రులు నరేంద్రసింగ్‌ తోమర్‌, పీయూష్‌గోయల్‌. తెలంగాణ నుంచి హాజరైన మంత్రి సింగిరెడ్డి నిరంజన్‌రెడ్డి. భారతీయ వ్యవసాయ పరిశోధనా మండలి 2019-20 వార్షిక నివేదిక విడుదల.
  • హైదరాబాద్‌: హిమాయత్‌నగర్‌లో సీపీఐ ఆధ్వర్యంలో ర్యాలీ. కేంద్ర ప్రభుత్వ నిర్ణయాలకు వ్యతిరేకంగా ర్యాలీ. అడ్డుకున్న పోలీసులు, సీపీఐ కార్యకర్తలు, పోలీసుల మధ్య తోపులాట. నారాయణ, చాడ వెంకట్‌రెడ్డిని అరెస్ట్‌. నారాయణగూడ పీఎస్‌కు తరలించిన పోలీసులు.

‘బుర్రకథ’ మూవీ రివ్యూ

Burrakatha Movie Review, ‘బుర్రకథ’ మూవీ రివ్యూ

నటీనటులు : ఆది సాయికుమార్,  మిస్తీ చక్రబోర్తి , నైరా షా, రాజేంద్రప్రసాద్ త‌దిత‌రులు.

దర్శకత్వం :  డైమండ్ రత్నబాబు

నిర్మాత : హెచ్‌ కె.శ్రీకాంత్ దీపాల

సంగీతం : సాయి కార్తీక్

సినిమాటోగ్రఫర్ : రామ్ ప్రసాద్

రచయిత డైమండ్ రత్నబాబు తొలిసారి మెగాఫోన్ పట్టి  దర్శకత్వం వహించిన చిత్రం “బుర్ర కథ”. ఆది సాయికుమార్ హీరోగా నటించగా..   మిస్తీ చక్రబోర్తి , నైరా షా హీరోయిన్స్ గా ఆడిపాడారు. డబుల్ ధమాక్ అనే ఓ విభిన్న కథాంశంతో  కామెడీ ఎంటర్ టైనర్‌గా తెరకెక్కిన ఈ సినిమా తాజాగా విడుదల అయింది. మరి ఈ మూవీ ఆడియెన్స్‌ను ఎంతమేర అలరించిందో సమీక్షలోకి వెళ్లి చూద్దాం!

కథలోకి వెళ్తే :

అభిరామ్ (ఆది) రెండు మెద‌ళ్ల‌తో పుడతాడు. అతను పెరిగే క్రమంలో అతని శరీరంలో ఇద్దరు వ్యక్తులు ఉన్నారని తెలుస్తుంది. అలా ‘అభిరామ్’ కాస్త అభి.. రామ్‌గా చివరికి ఇద్దరు వ్యక్తులుగా ఎప్పటికప్పుడు మారిపోతుంటాడు. అయితే చిన్నప్పటి నుండీ ఆ ఇద్దరూ ఆలోచనలు వేరు, గోల్స్ వేరు, మైండ్ సెట్స్ వేరు.. దాంతో ఇద్దరికి మధ్య వార్ జరుగుతుంటుంది. ఆ తరువాత వారి జీవితంలో జరిగిన కొన్ని నాటకీయ పరిణామాల అనంతరం ఇద్దరూ వేరుగా కాకుండా ఒకేలా ఆలోచిస్తారు. అలా వారిద్దరూ ఆలోచించడానికి ఎవరు కారణం అయ్యారు  ? ఇంతకీ అభి మరియు రామ్ చివరికి వారి గోల్స్‌ను రీచ్ అయ్యారా ? ఈ క్రమంలో వారికి ఎలాంటి సమస్యలు వచ్చాయి? వాటి నుంచి వారు ఎలా బయటపడ్డారు లాంటి విషయాలు తెలియాలంటే సిల్వర్ స్క్రీన్‌పై మూవీ చూడాల్సిందే.

ప్లస్ పాయింట్స్ :

రెండు మెదళ్లు అనే కాన్సెప్ట్ మంచి రక్తి కట్టించేదే. రచయిత కమ్ దర్శకుడు డైమండ్ రత్నబాబు మంచి పాయింట్‌‌నే తన తొలి సినిమాకు ఎన్నకున్నాడు. ఆది కూడా ఆయా పాత్రల్లో ఎప్పటికప్పుడు వైవిధ్యం చూపిస్తూ ఆకట్టుకున్నాడు. ఈ మూవీ అతనిలోని ప్రతిభను చూపించడానికి బాగా ఉపయోగపడింది. ఇక  హీరోయిన్ మిస్తీ చక్రబోర్తి తన స్క్రీన్ ప్రెజెన్స్ తో పాటుగా తన నటనతోనూ మెప్పించింది. మరో హీరోయిన్ నైరా షాకు ఉన్నది కొన్ని సీన్లే అయినా గ్లామర్ తో ఆకట్టుకుంది. సినిమాలో హీరో తండ్రిగా నటించిన రాజేంద్రప్రసాద్ తన మార్క్ యాక్టింగ్‌తో ఆకట్టుకున్నారు. ఇక కీలక పాత్రల్లో నటించిన పోసాని, చంద్ర, పృథ్వి తమ కామెడీ టైమింగ్ తో  కొన్ని చోట్ల నవ్వించే ప్రయత్నం చేశారు.

మైనస్ పాయింట్స్ :

దర్శకుడు మంచి స్టోరీ లైన్ ను తీసుకున్నా..స్క్రీన్ ప్లే విషయంలో మాత్రం మెప్పించలేకపోయాడు.సెకండాఫ్ నిడివి ఎక్కువగా అనిపిస్తుంది. కొన్ని సీన్లు చాలా సాగదీతగా ఉన్నాయి. మొత్తానికి దర్శకుడు తాను అనుకున్న కంటెంట్ ను స్క్రీన్ మీద కరెక్ట్ గా ఎలివేట్ చేయలేకపోయారు. కంటెంట్ పరంగా మంచి భావోద్వేగాన్ని పండించే సన్నివేశాలు రాసుకునే అవకాశం ఉన్నా, దర్శకుడు మాత్రం కథకు అవసరం లేని కామెడీ సీక్వెన్స్ తో.. అసందర్భంగా వచ్చే రొమాంటిక్ సాంగ్స్ తో  నడిపించడంతో పూర్తిస్థాయిలో మూవీ ఆడియెన్స్‌ను ఆకట్టుకోలేకపోయింది.

 

 

Related Tags