Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • హైదరాబాద్‌లో లాలాపేట పరిధిలో సాధారణ ఇంటికి రూ.25 లక్షల కరెంట్ బిల్లు. మార్చి 6 నుంచి జులై 6 వరకు బిల్లు తీశారు. ఈ నాలుగు నెలల్లో 34,5007 యూనిట్లు విద్యుత్ వాడినట్లు చూపించి.. ఏకంగా రూ. 25,11,467 బిల్లు వేశారు.
  • అమరావతి: మాజీ మంత్రి అచ్చెన్నాయుడుకు బెయిల్ ఇవ్వాలంటూ హైకోర్టు లో పిటిషన్. పిటిషన్ దాఖలు చేసిన అచ్చెన్నాయుడు తరపు న్యాయవాదులు. ఈఎస్ఐ స్కామ్ లో అరెస్టు అయిన అచ్చెన్నాయుడు . ప్రస్తుతం విజయవాడలో జైల్లో ఉన్న అచ్చెన్నాయుడు. వెంటనే బెయిల్ ఇవ్వాలని పిటిషన్ లో కోరిన న్యాయవాది. ఇప్పటికే ఏసీబీ కస్టడీ కూడా ముగిసిందని పిటిషన్ లో పేర్కొన్న న్యాయవాది. ఏసీబీ కోర్టు బెయిల్ పిటీషన్ ను సస్పెండ్ చేయడంతో హైకోర్టు ను ఆశ్రయుంచిన అచ్చెన్నాయుడు తరపు న్యాయవాదులు.
  • హైదరాబాద్ కమిషనరేట్ సైదాబాద్ పోలీస్ స్టేషన్ పరిధిలో 2017 సంవత్సరంలో జరిగిన మైనర్ రేప్ కేసులో నిందితుడికి 10 సంవత్సరాల జైల్ శిక్ష విధించిన కోర్టు.
  • కృష్ణజిల్లా: మచిలీపట్నం సబ్ జైలు నుంచి కొల్లు రవీంద్రను రాజమండ్రి తరలింపు. రాజమండ్రి సెంట్రల్ జైలుకు తరలించేందుకు న్యాయమూర్తి అనుమతి. గత రెండురోజులుగా మచిలీపట్నం సబ్ జైల్లో ఉన్న కొల్లు రవీంద్ర. వైసీపీ నేత మోకా భాస్కరరావు హత్య కేసులో అరెస్ట్ అయిన మాజీమంత్రి కొల్లు. అరెస్ట్ ను ఖండిస్తూ టీడీపీ నేతలు నిరసన. సబ్ జైలుకు చేరుకుని నల్ల బ్యార్జ్ లతో నిరసన. భారీ బందోబస్తు తో కొల్లు రవీంద్ర ను తరలించిన పోలీసులు.
  • కృష్ణాజిల్లా: మచిలీపట్నంలో కేటుగాడు అరెస్ట్. నకిలీ ఈపాస్ లు సృష్టించిన కేసులో అరెస్ట్. నిందితుడు ప్రకాశం జిల్లాకు చెందిన పవన్ కుమార్ గా గుర్తింపు. 73 మందికి ఫోర్జరీ చేసిన ఈపాస్ లు ఇచ్చినట్టు నిర్దారణ. హైదరాబాద్ లోని ఓ కన్సల్టెన్సీ కంపెనీలో పని చేస్తున్న పవన్.
  • దేశ రాజధాని ఢిల్లీలో లక్ష దాటిన కరోనా కేసులు. 1,00,823కి చేరుకున్న మొత్తం ఢిల్లీ కేసుల సంఖ్య. గత 24 గంటల్లో 1,379 కొత్త కేసులు నమోదు. ఇందులో 72,088 మంది కోలుకుని డిశ్చార్జవగా, 25,620 యాక్టివ్ కేసులు. ఢిల్లీలో మొత్తం కోవిడ్-19 మరణాల సంఖ్య 3,115.

బాబూ.. హైదరాబాద్‌కు అన్యాయం చేశావ్..!

buggana attacked on chandrababu, బాబూ.. హైదరాబాద్‌కు అన్యాయం చేశావ్..!

ఛాన్సిస్తే చాలు హైదరాబాద్‌ను తాను అభివృద్ధి చేశానని, హైదరాబాద్ చరిత్రలో కులీ కుతుబ్ షా కంటే తానే ఎక్కువ అనే స్థాయిలో చెప్పుకునే చంద్రబాబు నిజానికి హైదరాబాద్‌కు తీరని అన్యాయం చేశారన్నారు ఏపీ ఆర్థిక మంత్రి బుగ్గన రాజేంద్రనాథ్ రెడ్డి.

కంప్యూటర్ యుగం మొదలైన సందర్భంలో ముఖ్యమంత్రిగా వున్న చంద్రబాబు హైదరాబాద్‌లో రియల్ ఎస్టేట్ వ్యాపారం చేశారు తప్ప.. అక్కడ ఐటి పరిశ్రమ అభివృద్ధికి ప్రత్యేకంగా చేసిందేమీ లేదన్నారు బుగ్గన. కంప్యూటర్ కంపెనీలకు భూములివ్వాల్సి వుండగా.. చంద్రబాబు రహేజా లాంటి రియల్ ఎస్టేట్ సంస్థలకు భూములు కేటాయించి, వారి మధ్యవర్తిత్వం ద్వారా ఐటి కంపెనీలకు అధిక ధరలకు భవనాలు దొరికేలా చేశారని అందువల్లే పలు కంపెనీలు బెంగళూరుకు వెళ్ళిపోయాయని చెప్పారు బుగ్గన. నాలుగైదు పెద్ద కంపెనీలకు రహేజా లాంటి సంస్థల చేత అధిక ధరలకు భూములు ఇప్పించారని, ఆ ధరలను భరించలేని చిన్న సంస్థలు బెంగళూరుకు వెళ్ళిపోయాయని వివరించారు.

హైదరాబాద్ దేశ ఐటి భాగస్వామ్యంలో కేవలం 15 శాతానికే పరిమితమైందని అన్నారు బుగ్గన. హైదరాబాద్ స్థూల ఉత్పత్తి తెలంగాణలో 60 శాతం అని చంద్రబాబు అసత్యాలు చెబుతున్నారని, తెలంగాణ స్థూల ఉత్పత్తిలో హైదరాబాద్ వాటా కేవలం 24 శాతమేనని మంత్రి వెల్లడించారు.

కర్నాటకలో చిన్న చిన్న సంస్థలకు భూములు, ప్రభుత్వ కాంట్రాక్టులు ఇస్తే.. అప్పట్లో చంద్రబాబు ఉమ్మడి ఆంధ్రప్రదేశ్ ముఖ్యమంత్రిగా టైలర్ మేడ్ ఒప్పందాలతో హైదరాబాద్‌లో రియల్ ఎస్టేట్ వ్యాపారం చేశారని చెప్పుకొచ్చారు బుగ్గన.

హైదరాబాద్‌కు చంద్రబాబు చేసింది ఏమీ లేదని, అవుటర్ రింగ్ రోడ్డులో కేవలం 28 కి.మీ. రోడ్డు మాత్రం చంద్రబాబు సమయంలో వచ్చిందని, శంషాబాద్ ఎయిర్ పోర్టు, పివి ఎక్స్‌ప్రెస్ హైవే, 150 కి.మీ.ల అవుటర్ రింగ్ రోడ్డు వంటివాటిని దివంగత ముఖ్యమంత్రి వైఎస్ రాజశేఖర్ రెడ్డి తానే మొదలు పెట్టి, తానే పూర్తి చేశారని అన్నారు.

నిజానికి హైదరాబాద్ హైటెక్ సిటీకి భూమి కేటాయించింది స్వర్గీయ కోట్ల విజయభాస్కర రెడ్డి కాగా.. చంద్రబాబు అంతా తానే చేసినట్లు చెప్పుకుంటారని ఎద్దేవా చేశారు బుగ్గన.

Related Tags