Breaking News
  • పరువు హత్య కేసులో పోలీసుల అలసత్వం. 100 కి ఫోన్ చేసినా పట్టించుకోని గచ్చిబొలి పోలీసులు. అవంతి, హేమంత్ లను నిన్న గచ్చిబౌలిలో కిడ్నాప్ చేసిన అవంతి తండ్రి పంపిన సుపారి గ్యాంగ్. కారు లో నుంచి దూకి పారిపోయి 100కి సమాచారం ఇచ్చిన అవంతి. సకాలంలో స్పందించని గచ్చిబౌలి పోలీసులు. ఆలస్యం చేయడం తో హేమంత్ ని సంగారెడ్డి తీసుకుని వెళ్లి హత్యచేసిన సుపారి గ్యాంగ్. రాత్రి కి తేరుకొని విచారన జరిపి అవంతి తండ్రి ఇచ్చిన సమాచారం తో సంగారెడ్డి లో మృతదేహాన్నీ గుర్తించిన పోలీసులు. ప్రస్తుతంఉస్మానియా మార్చురీ లో హేమంత్ మృతదేహం.
  • మంచు లక్ష్మి ట్వీట్‌ :బాలు కోలుకోవాలని మంచు లక్ష్మి ట్వీట్‌ .మా అందరి కోసం ఈ కష్టాన్ని అధిగమించడానికి పోరాడండి అని ట్వీట్.
  • దేశవ్యాప్త కోవిడ్ గణాంకాలు: 24 గంటల వ్యవధిలో మరణాలు 1,141. మొత్తం కోవిడ్ మరణాలు 92,290. దేశవ్యాప్తంగా మొత్తం కేసులు 58,18,571. దేశంలోని యాక్టివ్ కేసుల సంఖ్య 9,70,116. దేశంలో మొత్తం రికవరీలు 47,56,164.
  • చెన్నై: చెన్నై ఎంజీఎం ఆసుపత్రి ఎదుట ఉద్వేగభరిత వాతావరణం. ఎపుడు ఏ వార్త వినాల్సి వస్తుందోనని టెన్షన్. చికిత్సకు బాలసుబ్రమణ్యం స్పందించడం లేదంటున్న ఆసుపత్రికి వర్గాలు. మరింత విషమంగా ఆరోగ్యం. ఆయనకు చికిత్స అందిస్తున్న ఆరుగురు వైద్యుల బృందం. మరికాసేపట్లో హెల్త్ బులెటిన్ విడుదల చేస్తారంటున్న ఆసుపత్రి వర్గాలు. కరోనా కారణంగా ఆసుపత్రి వద్దకు ఎవరూ రావొద్దని సూచిస్తున్న ఆసుపత్రి వర్గాలు. ఆసుపత్రి దగ్గరకు వచ్చి బాలు ఆరోగ్యం గురించి అడిగి తెలుసుకుని వెళ్లిపోతున్న అభిమానులు. ఎంజీఎం ఆసుపత్రికి వెల్లువెత్తుతున్న ఫోన్లు. బాలు ఆరోగ్యం ఎలా ఉందంటూ ప్రముఖులు, అభిమానుల ఫోన్లు. మరికాసేపట్లో ఆసుపత్రికి రానున్న దర్శకుడు భారతీరాజా.
  • కడపజిల్లా :వై ఎస్ వివేకానంద రెడ్డి హత్య కేస్ లో విచారణ. కడప సెంట్రల్ జైల్ కేంద్రం గా కొనసాగుతున్న సీబీఐ విచారణ. ఈ రోజు మరో సారి చెప్పుల షాప్ యజమాని మున్నా ని ప్రశ్నించనున్న సీబీఐ. నిన్న సుదీర్ఘంగా మున్నాని 8 గంటల పైగా ప్రశ్నించిన సీబీఐ అధికారులు. మున్నా తో పాటు పులివేందులకు చెందిన రియల్ ఎస్టేట్ వ్యాపారి పుల్లయ్య ,నిజాంబీ, ప్రసాద్, ట్యాంకర్ బాషా, హజ్రత్, చంటి (హిజ్రా) మరో ఇద్దరు వ్యక్తులు లను ప్రశ్నించిన సీబీఐ. వారు ఇచ్చిన స్టేట్మెంట్ ని రికార్డ్ చేసుకున్న సీబీఐ. నిన్న మొత్తం 8 మంది ని విచారించిన సిబిఐ అధికారులు. చెప్పుల షాప్ యజమాని మున్నా స్నేహితులను కూడా పులివెందుల లోని ఆర్ అండ్ బి గెస్ట్ హౌస్ లో ప్రశ్నించిన సీబీఐ అధికారులు. పులివెందుల కి చెందిన రియల్ ఎస్టేట్ పుల్లయ్య ని దాదాపు 7 గంటల పైగా ప్రశ్నించిన సీబీఐ. మున్నా అనే వ్యక్తి పుల్లయ్య కి ఎలా పరిచయం,ఎన్ని రోజులు గా పరిచయం అనే కోణం లో రియల్ ఎస్టేట్ వ్యాపారి పుల్లయ్య ని సీబీఐ ప్రశ్నించినట్లు సమాచారం. పుల్లయ్య ఇచ్చిన స్టేట్మెంట్ ని రికార్డ్ చేసుకున్న సీబీఐ.
  • ఢిల్లీ డిప్యూటీ సీఎం మనీశ్ సిసోడియా సీరియస్. ఎల్ఎన్‌జేపీ ఆస్పత్రి నుంచి మ్యాక్స్ ఆస్పత్రికి తరలింపు. కోవిడ్, డెంగ్యూతో బాధపడుతూ ఆస్పత్రిపాలైన డిప్యూటీ సీఎం. ప్లేట్‌లెట్లు కౌంట్ పడిపోవడం, ఆక్సీజన్ శాతం పడిపోవడంతో మ్యాక్స్ ఆస్పత్రికి తరలింపు.
  • విశాఖ : విశాఖ నుండి ఒరిస్సాకు నేటి నుండి పునః ప్రారంభమైన RTC బస్సులు . విశాఖ నుండి గుణుపూర్, నవరంగపూర్, ఒనకడిల్లీ, పర్లాఖెముండి, ధవన్ జోడీ, జైపూర్ ప్రాంతాలకు నడవనున్న బస్ లు.

బిచ్చగాడిలా మారిన మాజీ పోలీస్ ఆఫీసర్ కొడుకు! ఏం జరిగిందంటే?

BTech Graduate Found Begging, బిచ్చగాడిలా మారిన మాజీ పోలీస్ ఆఫీసర్ కొడుకు! ఏం జరిగిందంటే?

విధి వైపరిత్యం ఇంజనీరింగ్‌ చదివిన ఓ వ్యక్తిని బిచ్చగాన్ని చేసింది. ఇంట్లో పరిస్థితుల ప్రభావంతో అలా మారగా.. ఓ కార్మికుడితో జరిగిన గొడవ అతని గతాన్ని తెలిసేలా చేసింది. ఒడిశాలోని ప్రముఖ పూరీ జగన్నాథుడి ఆలయం దగ్గర రిక్షా కార్మికుడితో ఓ యాచకుడు ఘర్షణకు దిగాడు. అది పెద్దగా మారడంతో పోలీసులు జోక్యం చేసుకునే వరకు వెళ్లింది. ఈ క్రమంలో పరస్పరం ఫిర్యాదులు చేసుకున్న క్రమంలో ఆ యాచకుడు ఇచ్చిన లేఖను చూసి పోలీసులు ఖంగుతిన్నారు.

ఉన్నత చదువులు చదువుకున్న వ్యక్తిలా ఇంగ్లీషులో రాసి ఉండడంతో.. అతని గత చరిత్ర ఏంటని ఆరా తీయగా.. ఉన్నత కుటుంబం నుంచి వచ్చిన వ్యక్తిగా గుర్తించారు. కాషాయ వస్త్రధారణలో సాధువులా ఉన్న వ్యక్తి ఓ మాజీ పోలీస్‌ ఆఫీసర్‌ కొడుకా అని తెలుసుకుని ఖంగుతిన్నారు. ఒకప్పుడు మిల్టన్‌ కంపెనీలో పనిచేసిన భువనేశ్వర్‌కు చెందిన గిరిజా శంకర్‌మిశ్రాగా అతన్ని గుర్తించారు. తండ్రి మరణించాక తల్లి కూడా చనిపోయింది. దీంతో మానసికంగా కుంగిపోయిన శంకర్‌మిశ్రా ఇల్లు వదిలి ఇలా మారాడు.

అన్నదమ్ములు, అక్కాచెల్లెల్లు ఉన్నతస్థానంలోనే ఉన్నారు. వాళ్ల దగ్గరకు వెళ్లేందుకు అతను ఇష్టపడడం లేదు. ఇటీవల సొంత ఊరుకు వెళ్లినా కుటుంబసభ్యులను మాత్రం కలుసుకోలేదు. పోలీసులు వారిని గుర్తించి అతన్ని అప్పగించాలని చూస్తున్నారు. శంకర్‌ మాససిక పరిస్థితి సరిగా లేకపోవడంతోనే ఇల్లు వదిలివచ్చినట్టు భావిస్తున్నారు. ఆకలి తీర్చుకునేందుకు యాత్రాస్థలాల్లో యాచన చేస్తున్నట్టు పోలీసులు తెలిపారు.

Related Tags