Breaking News
  • గ్రీన్ ఇండియా ఛాలెంజ్‌లో పాల్గొన్న మ‌హేశ్‌. పుట్టిన‌రోజు ఇంత కంటే గొప్ప‌గా సెల‌బ్రేట్ చేసుకోలేన‌ని ట్వీట్‌. తార‌క్‌, విజ‌య్‌, శృతిహాస‌న్‌ను నామినేట్ చేసిన‌ మ‌హేశ్‌. ఈ కార్య‌క్ర‌మం చెయిన్ కంటిన్యూ కావాల‌ని, స‌రిహ‌ద్దులు దాటాల‌ని కోరిన మ‌హేశ్‌. ప‌చ్చ‌ద‌నం వైపు అడుగులు వేద్దామ‌న్న మ‌హేశ్‌. ఎంపీ సంతోష్ కుమార్‌ను అభినందించిన మ‌హేశ్‌.
  • నిజామాబాద్ : ఎమ్మెల్సీ వీజీ గౌడ్​కు కరోనా పాజిటివ్​ . ఆయన భార్య, కుమారుడికి కూడా పాజిటివ్ నిర్ధారణ. నిమ్స్‌లో కరోనా పరీక్షలు చేయించుకున్నట్లు వీజీ గౌడ్. హైద్రాబాద్ లో హోం క్వారంటైన్‌లో ఎమ్మెల్సీ కుటుంబం.
  • దేశవ్యాప్తంగా ఒక్క రోజులో 64,399 కరోనా కొత్త కేసులు నమోదు. 24 గంటల వ్యవధిలో దేశవ్యాప్తంగా 861 మంది మృతి. దేశంలో ఇప్పటి వరకు నమోదైన కేసుల సంఖ్య 21,53,011. యాక్టివ్ కేసుల సంఖ్య 6,28,747, కోలుకుని డిశ్చార్జైనవారు 14,80,885. కోవిడ్-19 మహమ్మారి కారణంగా చనిపోయినవారు 43,379 మంది.
  • విజయవాడ: ఐడెంటిఫికేషన్ పూర్తి.. స్వర్ణా ప్యాలెస్ అగ్ని ప్రమాద ఘటనలో మృతి చెందిన వివరాలు... డోక్కు శివ బ్రహ్మయ్య, మచిలీపట్నం (58) పూర్ణ చంద్ర రావు.. మొవ్వ , సుంకర బాబు రావు ,సింగ్ నగర్ (రిటైర్డ్ ఎస్సై.) మజ్జి గోపి మచిలీపట్నం సువర్ణ లత పొన్నూరు, నిడుబ్రోలు వెంకట లక్ష్మి సువర్చలా దేవి,(జయ లక్ష్మి ) కందుకూరు పవన్ కుమార్ కందుకూరు..ఎం అబ్రహం.. చర్చి ఫాథర్...జగ్గయ్య పేట రాజకుమారి అబ్రహం జగ్గయ్యపేట రమేష్, విజయవాడ.
  • సంగారెడ్డి జిల్లా కలెక్టర్, ఎస్పీ, జిల్లా వైద్య శాఖ సిబ్బంది, ఎంపీ, ఎమ్మెల్యేలు, ఎమ్మె ల్సీ, మున్సిపల్ కమిషనర్లు, మున్సిపల్ ఛైర్మన్లు, కౌన్సిలర్లు, జెడ్పీటీసీలు, ఎంపీటీసీలు, సర్పంచ్ లతో కోవిడ్ పై మంత్రి హరీశ్ రావు హైదరాబాద్ లోని తన నివాసం నుంచిటెలి కాన్ఫరెన్స్ నిర్వహించారు.
  • భారత్-చైనా సరిహద్దుల్లో భూకంపం రిక్టర్ స్కేలుపై తీవ్రత 4.1గా నమోదు చైనాలోని తూర్పు షిజాంగ్ - భారత్ సరిహద్దుల్లో భూకంప కేంద్రం.

రాజధాని నిర్మాణంలో భారీ అవినీతి.. బొత్స లెక్కలు వింటే బేజారే !

botsa hot comments against chandrababu, రాజధాని నిర్మాణంలో భారీ అవినీతి.. బొత్స లెక్కలు వింటే బేజారే !

అమరావతి పాలిటిక్స్ ఒక్కసారిగా వేడెక్కాయి. రాజధాని నిర్మాణం పేరిట.. సొంత వ్యక్తులకు ప్రయోజనాల కోసం..సొంత ఇమేజీని పెంచుకు క్రమంలో రాష్ట్ర ఆర్థిక వ్యవస్థను చంద్రబాబు చిన్నాభిన్నం చేశారంటూ మంత్రి బొత్స సత్యనారాయణ చేసిన ఘాటు వ్యాఖ్యలు రాష్ట్రంలో రాజకీయ దుమారానికి తెరలేపాయి. గత అయిదేళ్ళలో రాజధాని నిర్మాణం పేరిట అక్షరాలా 30 వేల రూపాయల నిధులు దుర్వినియోగం అయ్యాయని పీటర్ కమిటీ ప్రభుత్వానికి నివేదిక ఇచ్చిందని బొత్స సత్యనారాయణ వెల్లడించారు. రెండున్నర లక్షల మేరకు ఆదాయాన్ని పెంచానంటున్న చంద్రబాబు అదెక్కడ్నించి వచ్చిందో వెల్లడించాలని డిమాండ్ చేశారు బొత్స.

రాజధాని ప్రాంతంలో జరిగిన ప్రతీ ప్రాజెక్టులో, ప్రతీ నిర్మాణంలో నిధులు దుర్వినియోగం అయ్యాయని, ప్రతీ పనిని పున: సమీక్షించాల్సిన అవసరం కనిపిస్తోందని బొత్స సత్యనారాయణ అన్నారు. కోర్ క్యాపిటల్ ఏరియాలో జరిగిన నిర్మాణాలు నిబంధనలకు విరుద్దంగా జరిగాయని మంత్రి తెలిపారు. అయితే ఇప్పటికే 75 శాతం పూర్తి అయిన నిర్మాణాల విషయంలో ప్రభుత్వం తగిన నిర్ణయం తీసుకుంటుందని ఆయన చెబుతున్నారు. పీటర్ కమిటీ కూడా ఈ విషయాన్ని ప్రభుత్వానికి వదిలేసిందని తెలిపారు. రాష్ట్రాన్ని అప్పుల ఊబిలోకి నెట్టేసిన చంద్రబాబు తన సొంత వ్యక్తుల, వియ్యంకుల వియ్యంకులకు ప్రయోజనం చేసేందుకు భారీ ఎత్తున నిధులు కేటాయించారని బొత్స ఆరోపించారు.

గత కొంతకాలంగా ఏపీ రాజధానిపై రగడ జరుగుతున్న నేపథ్యంలో తాజాగా బొత్స చేసిన కామెంట్లు.. విసిరిన ఆరోపణలు రాజకీయ రచ్చకు తెరలేపాయి. రాజధాని తరలిస్తారన్న ఊహాగానాలకు తాజా వ్యాఖ్యలు తోడవడంతో ఈ చర్చ మరింత వేడెక్కినట్లయ్యింది. పున: సమీక్షల పేరిట అయిదేళ్ళ కాలయాపన చేస్తే పదేళ్లయినా రాష్ట్రానికి రాజధాని లేకుండా పోతుందని పలువురు వాపోతున్నారు.

 

Related Tags