Books As Dowry : కూతురుకి కట్నంగా ఎడ్లబండి నిండా పుస్తకాలు..
Books As Dowry : “నాన్న నాకు పెళ్లి కానుకగా 50 తులాల బంగారం కావాలి”..”అక్కకి రూ. 10 లక్షలు ఇచ్చి నాకు రూ. 5 లక్షలే ఇస్తున్నావ్”..”పెళ్లి కానుకగా నాకు మంచి కారు కొనివ్వండి”..ఇవి పెళ్లి సందర్భంగా కొంతమంది కూతుర్లు తమ తండ్రులను అడుగుతోన్న కానుకలు. కానీ గుజరాత్ చెందిన ఓ అమ్మాయి పెళ్లి కానుకగా తన తండ్రిని పుస్తకాలు కొనివ్వమని అడిగింది. తాను ఎంత బరువుంటే అంత తూకం వచ్చే విధంగా బుక్స్ కావాలని […]
Books As Dowry : “నాన్న నాకు పెళ్లి కానుకగా 50 తులాల బంగారం కావాలి”..”అక్కకి రూ. 10 లక్షలు ఇచ్చి నాకు రూ. 5 లక్షలే ఇస్తున్నావ్”..”పెళ్లి కానుకగా నాకు మంచి కారు కొనివ్వండి”..ఇవి పెళ్లి సందర్భంగా కొంతమంది కూతుర్లు తమ తండ్రులను అడుగుతోన్న కానుకలు. కానీ గుజరాత్ చెందిన ఓ అమ్మాయి పెళ్లి కానుకగా తన తండ్రిని పుస్తకాలు కొనివ్వమని అడిగింది. తాను ఎంత బరువుంటే అంత తూకం వచ్చే విధంగా బుక్స్ కావాలని కోరింది. అయితే ఆ తండ్రి తన కూతురు పెళ్లి రోజు ఊహించని సర్ప్రైజ్ ఇచ్చారు. ఏకంగా 2200 పుస్తకాలను కొనిచ్చారు. అది కూడా తన కుమార్తె ముందు పెళ్లి రథంపై వెళ్తంటే..వెనుక ఎడ్లబండిలో 2200 పుస్తకాలను నింపి ఊరేగింపుగా తీసుకొచ్చి అందించారు. ఇందుకోసం ఆయన 6 నెలల పాటు కష్టపడ్డారు. వాటిని చూడగానే ఆ పెళ్లి కూతురి ఫేస్ ఆనందంతో వెలిగిపోయింది.
వివరాల్లోకి వెళ్తే.. గుజరాత్ రాజ్కోట్కు చెందిన కిన్నరిబా జడేజాకు చిన్నప్పుడు నుంచే పుస్తకాల పురుగుగా పేరుంది. దీంతో తండ్రి హర్దేవ్ సింహ్ జడేజాను తన పెళ్లికి పుస్తకాలే పెళ్లి కానుకగా ఇవ్వమని కోరింది. కూతురు అంటే ఎంత ప్రేమో ఆయన ఈ సందర్భంగా చాటుకున్నాడు. ఏకంగా 2200 పుస్తకాలు తీసుకొచ్చి పెళ్లి జరుగుతున్నప్పడు తన కుమార్తెకు బహుకరించాడు.
తాను రాజ్పుత్ కుటుంబానికి చెందిన యువతినని..తమ చేతుల్లో శస్త్రాలతో పాటు శాస్త్రాలు కూడా ఉండాలని కిన్నరిబా జడేజా పేర్కొంది. ప్రజంట్ జనరేషన్కి వెపన్స్ కంటే కలం, పుస్తకాల గొప్పదనం ఏంటో తెలియజేయాలని అభిప్రాయపడింది.