కంగనా ఇంటి కూల్చివేతలో అత్యుత్సాహమెందుకు ? బాంబే హైకోర్టు

ముంబై పాలీ హిల్స్ లోని కంగనా రనౌత్ ఇంటిని కూల్చివేయడంలో అత్యుత్సాహం చూపారని బాంబే హైకోర్టు.. ముంబై మున్సిపల్ కార్పొరేషన్ ని తప్పు పట్టింది.  అక్రమ నిర్మాణాలని భావించినప్పుడు ఎప్పుడూ  మీరు ఇంత త్వరగాస్పందిస్తారా ? ఎందుకింత అత్యుత్సాహం చూపారు అని కార్పొరేషన్ అధికారులను కోర్టు ప్రశ్నించింది. కార్పొరేషన్ సిబ్బంది తన ఆఫీసును, ఇంటిలో కొంతభాగాన్ని కూల్చివేయడాన్ని సవాలు చేస్తూ కంగనా కోర్టుకెక్కిన విషయం తెలిసిందే. తనకు కార్పొరేషన్  రూ. 2 కోట్ల పరిహారం చెల్లించాలని కూడా ఆమె డిమాండ్ చేసింది. కాగా-కూల్చివేతకు 24 గంటల నోటీసు ఇచ్ఛేముందు మున్సిపల్ కార్పొరేషన్ చట్టం 354 ఏ సెక్షన్ ను వినియోగించుకోవలసి ఉండిందని కోర్టు అభిప్రాయపడింది. అటు-తాము  రెండు కోట్ల డ్యామేజీ చెల్లించాలన్న డిమాండ్ అర్థరహితమని, కంగనా ఆఫీసు, ఇంటిలో అక్రమమమని భావించినవాటినే కూల్చివేశామని ముంబై మున్సిపల్  కార్పొరేషన్.. కోర్టుకు విమరించింది.