Breaking News
  • విశాఖ: బ్లూఫ్రాగ్‌ టెక్నాలజీస్‌పై కొనసాగుతున్న సీఐడీ విచారణ. 8 సర్వర్లకు చెందిన డేటాను సేకరించిన అధికారులు. డేటాను విశ్లేషిస్తున్న సీఐడీ అధికారులు. ప్రభుత్వ ఇసుక పోర్టల్‌ను హ్యాక్‌ చేసి.. కృత్రిమ కొరత సృష్టించినట్టు బ్లూఫ్రాగ్‌పై అభియోగాలు.
  • హైదరాబాద్‌: అధికారులతో రైల్వే సేఫ్టీ కమిషనర్‌ భేటీ. కాచిగూడ రైలు ప్రమాదంపై చర్చ. ప్రకాశం జిల్లా: ఒంగోలులో మనబడి నాడు-నేడు కార్యక్రమం ప్రారంభం. కార్యక్రమాన్ని ప్రారంభించిన సీఎం జగన్. వివిధ శాఖలు ఏర్పాటు చేసిన స్టాళ్లను పరిశీలించిన జగన్‌.
  • ప.గో: యలమంచిలి మండలం కాజ గ్రామంలో రోడ్డుప్రమాదం. అదుపుతప్పి పంట కాలువలోకి దూసుకెళ్లిన కారు. దంపతులకు తీవ్రగాయాలు, ఆస్పత్రికి తరలింపు.
  • అనంతపురం: కల్యాణదుర్గంలో కాలువలోకి దూసుకెళ్లిన కాలేజ్‌ బస్సు. ప్రమాద సమయంలో బస్సులో 48 మంది విద్యార్థులు. విద్యార్థులకు తృటిలో తప్పిన ముప్పు. డ్రైవర్‌ నిర్లక్ష్యమే కారణమంటున్న విద్యార్థుల తల్లిదండ్రులు.
  • భూపాలపల్లిలో కొనసాగుతున్న బంద్‌. ఆర్టీసీ డ్రైవర్‌ నరేష్‌ ఆత్మహత్యకు నిరసనగా బంద్‌. డిపోల్లోనే నిలిచిపోయిన ఆర్టీసీ బస్సులు.
  • అమరావతి: మంగళగిరి జనసేన కార్యాలయంలో బాలల దినోత్సవం. పాల్గొన్న జనసేన అధ్యక్షుడు పవన్‌కల్యాణ్‌. పిల్లలకు పుస్తకాలను పంపిణీ చేసిన పవన్‌కల్యాణ్‌.
  • హైదరాబాద్‌: కూకట్‌పల్లిలో నియోజకవర్గంలో మంత్రి కేటీఆర్‌ పర్యటన. పలు అభివృద్ధి కార్యక్రమాలను ప్రారంభించిన కేటీఆర్‌. కూకట్‌పల్లిలో ఇండోర్‌ స్టేడియం ప్రారంభం. మల్టీపర్పస్‌ స్పోర్ట్స్ కాంప్లెక్స్‌ను.. పిల్లలతో కలిసి ప్రారంభించిన మంత్రి కేటీఆర్‌. డబుల్ బెడ్‌రూమ్ కాంప్లెక్స్‌ను ప్రారంభించిన కేటీఆర్. అధికారిక కార్యక్రమాల్లో ఫ్లెక్సీలపై కేటీఆర్‌ వార్నింగ్‌. ఫ్లెక్సీలు తొలగిస్తేనే కార్యక్రమానికి వస్తానన్న కేటీఆర్‌. కేటీఆర్‌ ఫ్లెక్సీలు తొలగించిన సిబ్బంది.

చెత్తకుప్పలో పేలిన డబ్బా.. షాక్ తిన్న స్థానికులు..

ప్రశాంతంగా ఉన్న హైదరాబాద్‌లోని మీర్‌పేట్ పోలీస్ స్టేషన్ పరిధి.. శుక్రవారం పేలుడుతో ఉలిక్కిపడింది. విజయపురి కాలనీలో చెత్తకుప్పలో పేలుడు సంభవించింది. దీంతో స్థానికులు భయాందోళనలకు గురయ్యారు. నిర్మల అనే ఓ మహిళ.. చెత్త ఏరుతుండగా.. అక్కడే ఓ డబ్బా కనిపించింది. అయితే దాన్ని తెరిచే ప్రయత్నంలో భాగంగా.. దాన్ని ఆ డబ్బాను నేలకేసి కొట్టింది. దీంతో ఆ డబ్బా ఒక్కసారిగా పేలింది. ఈ ఘటనలో నిర్మలకు తీవ్ర గాయాలయ్యాయి. సమాచారం అందుకున్న పోలీసులు.. ఘటనాస్థలికి చేరుకుని  సహాయక చర్యలు చేపట్టారు. తీవ్రగాయాలపాలైన నిర్మలను స్థానిక ఆస్పత్రికి తరలించి చికిత్స అందిస్తున్నారు.

పేలుడు సమాచారంతో అటు బాంబ్ స్క్వాడ్‌ కూడా రంగంలోకి దిగింది. పేలుడుకు గల కారణాలపై ఆరా తీస్తున్నారు. అంతేకాదు.. అసలు ఆ డబ్బా ఎక్కడి నుంచి అక్కడికి వచ్చింది.. ఆ డబ్బాలో ఉన్న పదార్థాలేంటి.. అన్న దానిపై విచారణ చేపడుతున్నారు. సమీపంలోని సీసీ ఫుటేజీని కూడా పరిశీలిస్తున్నారు. ఇంకా అలాంటి డబ్బాలు ఎక్కడైనా ఉన్నాయా.. అనే కోణంలో కూడా పోలీసులు ఆరా తీస్తున్నారు.

ఇక ఈ పేలుడుతో మీర్‌పేట్ ప్రాంత వాసులు షాక్‌కు గురయ్యారు. సడన్‌గా బాంబు పేలడంతో.. ఏం జరిగిందో అర్ధంకాక భయంతో వణికిపోయారు. అయితే పోలీసులు మాత్రం భయాందోళనలు అవసరం లేదని స్థానికులకు ధైర్యం చెప్తున్నారు.