Breaking News
  • కాశ్మీర్లో ఉగ్రవాదుల గ్రనేడ్ దాడి. అనంత్‌నాగ్ సమీపంలోని బిజ్‌బెహారా వద్ద ఘటన. సీఆర్పీఎఫ్ క్యాంపుపై గ్రనేడ్ విసిరిన ఉగ్రవాదులు. ఘటనలో ఎవరూ గాయపడలేదని సీఆర్పీఎఫ్ వెల్లడి.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • కోవిడ్ సమయంలో ఎన్నికల నిర్వహణపై ముగిసిన అంతర్జాతీయ సదస్సు. వీడియో కాన్ఫరెన్సు ద్వారా చర్చించుకున్న పలు దేశాల ఎన్నికల సంఘాలు. స్వేచ్ఛాయుతంగా, పారదర్శకంగా సకాలంలో ఎన్నికల నిర్వహణపై చర్చ. కోవిడ్ సమయంలో ఎన్నికల నిర్వహణపై అభిప్రాయాలు, అనుభవాలు, ఆలోచనలను పంచుకున్న ఎన్నికల సంఘాలు. మహమ్మారి సందర్భంగా అనుసరించాల్సిన ప్రొటోకాల్స్‌పై మేథోమధనం.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

వీణ పలుకుల కాణాచి బొబ్బిలి!

Veenas are made of Panasa wood, వీణ పలుకుల కాణాచి బొబ్బిలి!

ఆంధ్రప్రదేశ్‌ రాష్ట్రంలోని విజయనగరం జిల్లాలో బొబ్బిలిది అత్యంత ప్రత్యేకత. ఇక్కడ వెలసిన సంతాన వేణుగోపాలస్వామి ఆలయం మరింత ప్రఖ్యాతి. సంతానం లేనివారు ఈ స్వామివారిని దర్శించుకుంటే తప్పక సంతానం కలుగుతుందని భక్తుల విశ్వాసం. ఇక బొబ్బిలికి మరో గుర్తింపును తెచ్చిపెట్టింది వీణ. వీణల తయారీకి పెట్టింది పేరు బొబ్బిలి..జియోగ్రాఫికల్ గుర్తింపు లభించిన బొబ్బిలి వీణల కున్న పేరు, ప్రఖ్యాతి  మరే వీణలకు లేదనే చెప్తారు. నాడు అమెరికా అధ్యక్షుడు బిల్ క్లింటన్ బొబ్బిలి వీణను చూసి మురిసి, అవి తయారు చేసే సర్వ సిద్ధి వెంకటరమణను వైట్ హౌస్‌కు ఆహ్వానించారట. ఇక ఇక్కడ తయారైన వీణలకు మరో ప్రత్యేకత కూడా ఉంది…మైసూర్, తంజావురు వీణలు 3 చెక్కలతో తయారు చేస్తే.. బొబ్బిలి వడ్రంగులు ఒకే చెక్కతో అంటే ఏకాండీ కొయ్యతో వీణలు తయారు చేయడంలో సిద్ధహస్తులు.
విజయనగరం జిల్లా బొబ్బిలికి అతి సమీపంలోని గొల్లపల్లి అనే కుగ్రామం వీణలకు పుట్టినిల్లు. గత మూడొందల సంవత్సరాలుగా ఇక్కడ వీణలు తయారు చేస్తున్నారు. పూర్వం బొబ్బిలి సంస్థానాధీశులు మైసూరును సందర్శించిన సమయంలో… అక్కడ రాజ దర్బారులో వీణా కచేరీని తిలకించారు. కళలలకు ప్రాణం పెట్టే బొబ్బిలి రాజులకు కచేరీలో వీణా మాధుర్యంతో పాటు ఆ వీణలు తయారుచేసిన వడ్రంగుల నైపుణ్యం ఎంతో ఆకర్షించింది. వెనువెంటనే వాటిని బొబ్బిలిలో తయారు చేయించాలని వారు సంకల్పించారు. వీణల తయారీలో మెలకువలు నేర్చుకోవాలని గొల్లపల్లి గ్రామానికి చెందిన ఇద్దరు వడ్రంగులను మైసూరు పంపించారు. అలా మైసూరులో మెలకువలు నేర్చుకున్న వడ్రంగుల వంశీయులు నేటికీ బొబ్బిలిలో వీణలు తయారుచేస్తున్నారు. సంగీత వాయిద్యాలను పలికించే వీణలతో పాటు అందరి మనసులను హత్తుకునే చిన్నచిన్న వీణలను తయారు చేయడం వారి ప్రత్యేకత. ఆ చిన్నచిన్న జ్ఞాపికలే నేడు ప్రపంచ నలుమూలకు సరఫరా అవుతున్నాయి. బొబ్బిలి చరిత్రను ఖండాంతరాల్లో ప్రాచుర్యం పొందేలా చేస్తున్నాయి.
తెలుగు వారికీ, తెలుగు నేలకు గర్వకారణం బొబ్బిలి వీణ. సుస్వరాలు పండించే బొబ్బిలి వీణకు అంతర్జాతీయ గుర్తింపు ఉంది. దేశ, విదేశాల్లో బొబ్బిలి వీణ రాగాలు విన్పిస్తూనే ఉన్నాయి. ఎంతో మంది ప్రముఖుల కితాబులు పొందిన బొబ్బిలి వీణకు మరో గుర్తింపు దక్కింది. అయిదో తరగతి ఆంగ్ల పాఠ్య పుస్తకంలో బొబ్బిలి వీణ చరిత్రను పాఠ్యాంశంగా ముద్రించారు. దీంతో వీణ ఖ్యాతి మరింతగా వెలగనుంది. సంగీత వాయిద్య పరికరాల్లో ఉన్నతమైన వీణకు ఎంత ప్రాచుర్యం ఉంది? వీణల తయారీకి బొబ్బిలి గొల్లపల్లి ఎందుకు ప్రసిద్ధి చెందింది? వీణ చరిత్ర, నేపథ్యం వంటి అంశాలను పాఠ్య పుస్తకంలో ముద్రించారు. బొబ్బిలి సంస్థానాధీశుల కాలంనుంచే ఇక్కడ వీణ తయారీ ఉండేదని ఈ పాఠ్యాంశంలో పొందుపరిచారు.

Veenas are made of Panasa wood, వీణ పలుకుల కాణాచి బొబ్బిలి!
సర్వసిద్ధి కటుంబీకులు ఐదు తరాలుగా వీణల తయారీని వృత్తిగా కొనసాగిస్తున్నారు. 1959లో బొబ్బిలి కోటలో శారద వీణల తయారీ సొసైటీ ఏర్పాటు చేశారు. సర్వసిద్ధ కుటుంబీకుల కోరిక మేరకు ప్రభుత్వం హ్యాండీక్రాఫ్ట్‌ కేంద్ర భవన నిర్మాణానికి ప్రభుత్వం నిధులు మంజూరు చేసి భవనం ఏర్పాటు చేసింది. 2002 ఆగస్టు 28 నుంచి ఆ కేంద్రంలోనే వీణల తయారీ పనులు చేపడుతున్నారు. ప్రస్తుతం సర్వసిద్ధి అచ్యుత్‌ నారాయణ వీణ సొసైటీకి అధ్యక్షులుగా వ్యవహరిస్తున్నారు. వీణలు తయారుచేస్తున్న కళాకారులకు ప్రభుత్వం నుంచి మరింత ప్రోత్సాహం అందించాలని వారు కోరుతున్నారు. వీణల తయారీ కళాకారులకు క్వార్టర్స్‌ నిర్మించాలని, వీణల తయారీకి కావాల్సిన పనస కర్రను ప్రభుత్వమే సరఫరా చేయాలని విజ్ఞప్తి చేస్తున్నారు.

Veenas are made of Panasa wood, వీణ పలుకుల కాణాచి బొబ్బిలి!

Related Tags