Breaking News
  • అసెంబ్లీ సాక్షిగా ఐదు కోట్ల ఆంధ్రులను మోసం చేశారు. న్యాయం చేయమని రోడ్డుపైకి వచ్చిన మహిళను అరెస్ట్ చేస్తున్నారు. మహిళలపై లాఠీచార్జ్‌ దారుణం-నారా లోకేష్‌. మండలిలో రేపు ఏం జరుగుతుందో ప్రజలే చూస్తారు-లోకేష్‌.
  • బీజేపీ జాతీయ అధ్యక్షుడిగా జేపీ నడ్డా ఎన్నిక సంతోషకరం. తెలంగాణ తరపున అభినందనలు తెలిపాం. తెలంగాణపై దృష్టిపెట్టాలని కోరాం-టీఎస్‌ బీజేపీ చీఫ్‌ డా.లక్ష్మణ్‌. త్వరలో తెలంగాణలో జేపీ నడ్డా పర్యటిస్తారు. కాంగ్రెస్‌, టీఆర్‌ఎస్‌, మజ్లిస్‌ ఒక గూటి పక్షులే-డా.లక్ష్మణ్‌.
  • అమరావతి: పవన్‌తో పోలీసుల మంతనాలు. రాజధాని గ్రామాల పర్యటన వాయిదా వేసుకోవాలంటున్న పోలీసులు.
  • కరీంనగర్‌లో గంజాయి ముఠా గుట్టురట్టు. రూ.30 లక్షల విలువైన గంజాయి పట్టివేత. ముగ్గురు అరెస్ట్‌, ట్రక్‌ స్వాధీనం.
  • చెన్నై విమానాశ్రయంలో భారీగా బంగారం పట్టివేత. అబుదాబి నుంచి చెన్నైకి తరలిస్తున్న 3.7 కేజీల బంగారం పట్టివేత. ముగ్గురిని అదుపులోకి తీసుకుని విచారిస్తున్న కస్టమ్స్ అధికారులు.

మీ పిల్లలు స్మార్ట్‌ఫోన్ బాగా చూస్తున్నారా?

Children, మీ పిల్లలు స్మార్ట్‌ఫోన్ బాగా చూస్తున్నారా?

పిల్లల్లో సెల్‌ఫోన్స్ వల్ల కంటిచూపు సమస్యలు వస్తున్నాయని వైద్యులు హెచ్చరిస్తున్నారు . గతంలో పిల్లలు మారాం చేస్తే వారికి నచ్చింది కొని ఇవ్వడం, ఇష్టమైప పదార్ధాలు వండి పెట్టడం జరిగేది. కానీ ప్రస్తుతం అలా లేదు. వారు ఏడ్చినా, నవ్వినా స్మార్ట్ ఫోన్లు ఇస్తున్నారు తల్లిదండ్రులు. పిల్లలు కూడా ఆ ఫోన్లలో కదిలే బొమ్మలకు, పాటలకు ఆకర్షితులై గంటలతరబడి వాటికే అతుక్కుపోతున్నారు. ఇలా చేయడం మంచిది కాదంటున్నారు వైద్యులు. ఇలా స్మార్ట్ ఫోన్లకు ఎడిక్ట్ కావడం వల్ల తీవ్రమైన కంటిసమస్యలు వచ్చే అవకాశాలున్నాయని హెచ్చరిస్తున్నారు.

ముఖ్యంగా స్మార్ట్ ఫోన్లలో వీడియోలు చూడటం, గేమ్స్ ఆడటం వంటివి చేస్తూ వాటినే లోకంగా మార్చేసుకుంటున్నారు. పైగా తల్లిదండ్రులే వాటిని తమ పిల్లల చేతికి అందించి ముచ్చటపడుతున్నారు. ఇలా సెల్‌ఫోన్ చూడటానికి అలవాటు పడి ఎలాంటి ఆటలు ఆడకపోవడంతో శారీరక సమస్యలు వచ్చే అవకాశాలు కూడా ఉన్నాయి.

స్మార్ట్ ఫోన్లు చిన్న పిల్లల్లో అంధత్వానికి కారణమవుతున్నాయి. వాళ్లను గుడ్డివాళ్లుగా మార్చేస్తున్నాయి. ఇలా సెల్‌ఫోన్లు చూస్తూ చూపు కోల్పోతున్న కేసులు అనేకం నమోదవుతున్నాయని వైద్యులు కూడా చెబుతున్నారు. చిన్న పిల్లలు స్మార్ట్ ఫోన్లు పట్టుకుని వీడియోలు చూడటం వల్ల .. దగ్గర దృష్టికే అలవాటు పడి దూరంగా ఉన్న వస్తువుల్ని చూడలేని పరిస్థితులు వస్తున్నాయి. అలాగే స్మార్ట్ ఫోన్ లైటింగ్ వల్ల కంటి చూపు దెబ్బతిని వారి కళ్లు మసకగా మారడంతో పాటు చూపులో స్పష్టత కూడా కోల్పోతున్నారని డాక్టర్లు చెబుతున్నారు. మరి పిల్లలు సెల్ ఫోన్ చూస్తూ నవ్వుతున్నారని, తమకంటే బాగా ఆపరేట్ చేస్తున్నారని సంబరపడిపోయే తల్లిదండ్రులకు ఇది బ్యాడ్ న్యూసే.