Breaking News
  • ఏపీలో విద్యుత్‌ స్మార్ట్ మీటర్ల ఏర్పాటుకు కసరత్తు. ప్రీపెయిడ్‌ విధానాన్ని తీసుకురానున్న విద్యుత్‌ సంస్థలు. జూన్‌ నాటికి స్మార్ట్ మీటర్లు ఏర్పాటు చేసే యోచన.
  • సూర్యాపేట: మునగాల మండలం తాడ్వాయి స్టేజ్‌ దగ్గర బస్సు బోల్తా. డివైడర్‌ను ఢీకొని బోల్తాపడ్డ ప్రైవేట్‌ ట్రావెల్స్ బస్సు. ఐదుగురికి గాయాలు, ఆస్పత్రికి తరలింపు.
  • బయో ఏషియా సదస్సులో టాప్‌-5లో నిలిచిన ఆవిష్కరణ. బెస్ట్ స్టార్టప్‌ పోటీలో ఐఐటీ హైదరాబాద్‌కు ఐదో స్థానం. కామెర్ల చికిత్సకు ఎన్‌లైన్ పరికరాన్ని అభివృద్ధి చేసిన అంకుర సంస్థ.
  • ఆఫ్ఘనిస్తాన్‌లో యుద్ధ విరామం. నేటి నుంచి వారంపాటు యుద్ధ విరామం పాటించాలని.. తాలిబన్‌ తిరుగుబాటుదారులు, ఆఫ్ఘన్‌-అమెరికా సేనల నిర్ణయం.
  • యూఏఈ కోర్టుల ఉత్తర్వుల అమలుకు భారత్‌ అంగీకారం. గెజిట్‌ నోటిఫికేషన్‌ జారీ చేసిన కేంద్ర న్యాయశాఖ.

బెంగాల్ లో మారని సీన్.. బీజేపీ కార్యకర్తల వినూత్న నిరసన

, బెంగాల్ లో మారని సీన్.. బీజేపీ కార్యకర్తల వినూత్న నిరసన

పశ్చిమబెంగాల్ లో మమతా బెనర్జీ ప్రభుత్వానికి బీజేపీ అనుబంధ విభాగమైన భారతీయ యువ మోర్చా కూడా తలనొప్పి తెఛ్చి పెడుతోంది. తమ శ్రేణులను తృణమూల్ కాంగ్రెస్ కార్యకర్తలు హత్య చేస్తున్నారని ఆరోపిస్తున్న బీజేపీ..ఏదో విధంగా దీదీ సర్కార్ ను ఇరకాటాన బెట్టేందుకు యత్నిస్తున్నట్టు కనబడుతోందనే ఆరోపణలు వెల్లువెత్తుతున్నాయి. బహుశా ఇందులో భాగంగానే బీజేవైఎం నేతలు, కార్యకర్తలు వినూత్న నిరసనకు దిగారు. శుక్రవారాల్లో ముస్లిములు నమాజ్ పేరిట రోడ్లను ఆక్రమిస్తున్నారని, దీనివల్ల పిల్లలు తమ బడులకు వెళ్లలేక పోతున్నారని, రోగులను తీసుకువెళ్తున్న అంబులెన్సులు గంటలపాటు నిలిచిపోవలసి వస్తోందని, అలాగే అత్యవసర పనులకు వెళ్ళబోతున్నవారు కూడా మధ్యలోనే ఇబ్బందులు పడవలసి వస్తోందని ఆరోపిస్తున్న వీరు.. రోడ్ల మీదే హనుమాన్ చాలీసా పఠించడం ప్రారంభించారు. కోల్ కతా సమీపంలోని హౌరా వద్ద వారంతా ఇలా ‘ ప్రార్థనా ప్రొటెస్ట్ ‘ లకు దిగడం విశేషం. అయితే వీరి ఈ నిరసన వల్ల కూడా ప్రజలు ఇబ్బందులు పడడం ప్రారంభమైంది. దీంతో పోలీసులు వీరిని చెదరగొట్టే ప్రయత్నాలు ప్రారంభించారు.

Related Tags