Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

దీదీకి 10 లక్షల ‘ జై శ్రీరామ్ ‘ పోస్టు కార్డులు.. బీజేపీ వ్యూహం

Mamatha Benerjee, దీదీకి 10 లక్షల ‘ జై శ్రీరామ్ ‘ పోస్టు కార్డులు.. బీజేపీ వ్యూహం

పశ్చిమ బెంగాల్ సీఎం మమతా బెనర్జీని ‘ జై శ్రీరామ్ ‘ నినాదంతో ‘ ఉక్కిరిబిక్కిరి ‘ చేయాలని బీజేపీ నిర్ణయించింది. ఇందులో భాగంగా ఆమెకు ఈ నినాదంతో కూడిన 10 లక్షల పోస్టు కార్డులను పంపాలని నిర్ణయించినట్టు బరక్ పూర్ నియోజకవర్గం బీజేపీ ఎంపీ అర్జున్ సింగ్ వెల్లడించారు. గత శనివారం ఈ నినాదాలు చేసిన కొంతమంది తమ పార్టీ కార్యకర్తలపై జరిగిన పోలీసు లాఠీచార్జీకి నిరసనగా ఈ వినూత్న నిరసన ‘ కార్యక్రమం ‘ చేపడుతున్నట్టు ఆయన చెప్పారు. పైగా తన నియోజకవర్గంలోని భాత్ పర ప్రాంతంలో గత నెల 29 న ఈ నినాదాలు చేసిన పార్టీ కార్యకర్తల పట్ల ఆగ్రహం వ్యక్తం చేసిన మమతా బెనర్జీ వారిని చెదరగొట్టాల్సిందిగా పోలీసులను పురమాయించిన విషయాన్ని అర్జున్ సింగ్ గుర్తు చేశారు. జై శ్రీరామ్ అని స్లోగన్ ఇస్తే ఆమెకు అంత భయం ఎందుకని ఆయన ప్రశ్నించారు. ఒకప్పుడు అధికార టీఎంసి ఎమ్మెల్యే అయిన ఈయన..తాజా లోక్ సభ ఎన్నికలముందు బీజేపీలో చేరారు. ఈ నెల 1 న ఉత్తర 24 పరగణ జిల్లాలోని కాంచరపురలో బీజేపీ స్వాధీనం చేసుకున్న తమ పార్టీ కార్యాలయాలను తిరిగి పొందేందుకు తృణమూల్ కాంగ్రెస్ నాయకులు కొందరు అక్కడికి చేరుకోగా..వారిని చూసి బీజేపీ నేతలు, కార్యకర్తలు ఈ నినాదం చేశారు. ఆ సందర్భంగా పోలీసులు వారిని చెదరగొట్టడానికి స్వల్పంగా లాఠీచార్జి చేశారు. (కాంచరపుర సెగ్మెంట్ అర్జున్ సింగ్ ప్రాతినిధ్యం వహిస్తున్న బరక్ పూర్ నియోజకవర్గ పరిధిలో ఉంది.) ఈ రెండు సంఘటనల నేపథ్యంలో మమతా బెనర్జీని ఇరకాటాన బెట్టేందుకు జైశ్రీరామ్ నినాదంతో కూడిన పది లక్షల పోస్టుకార్డులను ఆమెకు పంపాలని నిర్ణయించినట్టు అర్జున్ సింగ్ చెప్పారు. పశ్చిమ బెంగాల్ లో ఇటీవలి లోక్ సభ ఎన్నికల్లో బీజేపీ బాగా పుంజుకుంది. రాష్ట్రంలోని 42 సీట్లకు గాను ఈ పార్టీ 18 స్థానాల్లో విజయం సాధించింది. దీంతో అక్కడ కమలనాథుల జోరు పెరిగింది.టీఎంసిని, దీదీని ఎలాగైనా దెబ్బ తీసేందుకు వారు చేయని ప్రయత్నమంటూ లేదు. అటు మమత కూడా పెరిగిన బీజేపీ
ప్రాబల్యాన్ని జీర్ణించుకోలేకపోతున్నారు. ఆ పార్టీ నేతలను, కార్యకర్తలను చూస్తేనే అపరదుర్గలా వారిపై విరుచుకుపడుతున్నారు.
పశ్చిమ బెంగాల్లో జరగనున్న అసెంబ్లీ ఎన్నికల్లో ఈ రెండు పార్టీలూ ఒకదానికొకటి ఢీ కొన్నప్పుడు జరిగే హింసపై విశ్లేషకులు అప్పుడే
అంచనాలు వేస్తున్నారు.