Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

జగన్‌కు బిజెపి సపోర్ట్.. సర్‌ప్రైజ్ ఇచ్చిన సోము

bjp supports ap govt, జగన్‌కు బిజెపి సపోర్ట్.. సర్‌ప్రైజ్ ఇచ్చిన సోము

అప్పుడే వారిద్దరు కలిసి వున్నట్లు కనిపిస్తారు.. అప్పుడే పరస్పరం విమర్శలు చేసుకుంటారు. ఎస్ ఆ రెండు పార్టీలే వైసీపీ, బిజెపి. బిజెపి ఏపీ అధ్యక్షుడు కన్నా లక్ష్మీనారాయణ ఏపీ సర్కార్‌పై ఘాటైన విమర్శలు చేస్తారు. కానీ ఆయన పార్టీ నేతలు ఒకసారి జగన్ విధానాలను విమర్శిస్తారు.. అంతలోనే చంద్రబాబుతో పోలిస్తే జగన్ బెటరంటూ మధ్యే మార్గాన మాట్లాడతారు. సరిగ్గా ఇలాంటి షాకే ఇచ్చారు బిజెపి ఏపీ ఎమ్మెల్సీ సోము వీర్రాజు.

ఏపీలో ఇపుడు ఒకవైపు ఇసుక మార్చ్‌లు కొనసాగుతుంటే.. మరోవైపు కంపల్సరీ ఇంగ్లీష్ మీడియంపై రాజకీయ రగడ చెలరేగుతోంది. ఇసుక విధానంపై ఏపీ బిజెపి ప్రభుత్వం నిప్పులు చెరుగుతోంది. ఈ అంశంపై పవన్ కల్యాణ్ చేసిన లాంగ్ మార్ఛ్ కంటే ముందుగానే ఏపీ బిజెపి ఉద్యమానికి శ్రీకారం చుట్టింది. ఈ విషయం ఆధారంగా కన్నా లక్ష్మీనారాయణ.. ఏపీ ప్రభుత్వ విధానాలపై ఘాటైన వ్యాఖ్యలు చేస్తూనే వున్నారు. ఈ నేపథ్యంలో బిజెపి ఎమ్మెల్సీ సోము వీర్రాజు.. ముఖ్యమంత్రి జగన్‌తో భేటీ అయ్యారు. దాంతో కమలం పార్టీ నేతలు ఉలిక్కి పడ్డారు.

bjp supports ap govt, జగన్‌కు బిజెపి సపోర్ట్.. సర్‌ప్రైజ్ ఇచ్చిన సోము

అయితే.. ముఖ్యమంత్రిని కలిసిన తర్వాత సోము వీర్రాజు కొన్ని ఆసక్తికరమైన వ్యాఖ్యలు చేశారు. ఇంగ్లీష్ మీడియంను కంపల్సరీ చేయడాన్ని తాను సమర్థిస్తున్నానని కుండబద్దలు కొట్టారు సోము వీర్రాజు. తన పిల్లలు ఇంగ్లీష్ మీడియంలో చదువుతున్నారని, పేద పిల్లలు కూడా ఇంగ్లీష్ మీడియంలో చదివితే తప్పేంటని ఆయన ప్రశ్నించారు. అయితే.. ఇంగ్లీష్ మీడియంను కంపల్సరీ చేయడంతోపాటు.. ప్రభుత్వ పాఠశాలల్లో తెలుగు మీడియంను కూడా ప్రోత్సహించాలన్నారు వీర్రాజు.

సీఎం రిలీఫ్ ఫండ్ కోసం మాత్రమే సీఎం కలిశానని, ఈ సందర్భంగా రాజధాని అంశంపై ముఖ్యమంత్రికి పలు సూచనలు చేశానని అన్నారు సోము వీర్రాజు. రాష్ట్ర రాజధానికి సంబంధించి అనేక కమిటీలు వేశారు.. వాటిని ప్రజల్లోకి లోతుగా వెళ్లి.. విస్తృత స్థాయిలో చర్చలు జరపమని సూచించానని అన్నారాయన.

‘‘ రాజధాని నిర్మాణం విషయంలో గత ప్రభుత్వం హైప్ చేసింది..క్యాపిటల్ నిర్మాణం సర్వసం అన్నట్లు ప్రచారం చేసింది.. గతంలో మూడు రాష్ట్రాలు విడిపోతే అక్కడ రాజధానులు అద్భుతంగా నిర్మించారు.. గతంలో విడిపోయిన రాష్ట్రాల్లో రాజధానులు నిర్మాణం పై ఎక్కడా ఇంత చర్చ, రచ్చ జరగలేదు.. ఇక్కడ 33 వేల ఎకరాలు తీసుకొని.. ఏడు వేల కోట్ల ఖర్చు చేశారు.. ఏమి కట్టారో కూడా స్పష్టత లేదు.. ప్రతి నెల 60 కోట్లు అద్దెలు కడుతున్నారు.. ఐదేళ్లలో ఎంత ఖర్చు అయ్యిందో.. అభివృద్ధి వికేంద్రీకరణ కావాలి, గతంలో హైదరాబాద్ తరహా అభివృద్ధి కేంద్రీకృత వద్దని విషయం చెప్పాను.. విద్య, వైద్యం మరింత అభివృద్ధి కోసం ఎలాంటి సేవలు అవసరం చెప్పాను.. విద్య, వైద్యంలో భారీ అవినీతి ఉంది.. అవినీతిని అరికట్టమని చెప్పాను.. ఆ శాఖల్లో అనాదిగా జరుగుతోంది.. విద్య, వైద్యం కోసం దాదాపు 1.50 లక్షల కోట్లు ఖర్చు చేయడం గొప్ప విషయం..ఇందులో అవినీతికి ఆస్కారం లేకుండా చూడాలని చెప్పాను.. అవసరమైన మేరకు అమరావతి నిర్మాణం చేయండి.. మిగిలిన భూములను సద్వినియోగం చేసుకోవాలి.. ’’ ఇలా చాలా అంశాల్లో కుండబద్దలు కొట్టారు సోము వీర్రాజు.

సీఎంను కల్వగానే తాను పార్టీ మారతానన్నట్లుగా ప్రచారం చేస్తారని, తాను మాత్రం మరణించే దాకా బిజెపిలోనే వుంటానని తేల్చి చెప్పారుు సోము వీర్రాజు.