Breaking News
  • విజయవాడ: ప్రకాశం బ్యారేజ్‌ దగ్గర ఉద్రిక్తత. ధర్నాచౌక్‌ నుంచి మందడం బయల్దేరిన కర్నాటక రైతులు. అనుమతిలేదంటూ ప్రకాశం బ్యారేజ్‌ దగ్గర అడ్డుకున్న పోలీసులు.
  • చంద్రబాబుతో సీపీఐ రాష్ట్ర కార్యదర్శి రామకృష్ణ భేటీ. అమరావతి కార్యాచరణపై చర్చ.
  • మైలవరం ఫారెస్ట్ అధికారిపై వైసీపీ మండలాధ్యక్షుడు దాడికియత్నం. అటవీ భూమిని చదును చేస్తుండగా అడ్డుకున్న ఫారెస్ట్ అధికారి . ఫారెస్ట్‌ అధికారితో వాదనకు దిగిన వైసీపీ నేత పామర్తి శ్రీను.
  • ప.గో: చంద్రబాబుది యూటర్న్‌ గవర్నమెంట్‌ అయితే.. జగన్‌ది రద్దుల గవర్నమెంట్‌. మంగళగిరిలో లోకేష్‌ ఓడిపోయి.. మండలిలోకి వెళ్లి ప్రభుత్వ కార్యక్రమాలు అడుకుంటున్నారు. రాజకీయ పునరావాసానికి మండలి వేదికగా మారింది-బీజేపీ నేత అంబికా కృష్ణ.
  • తూ.గో: తునిలో కారులో ఇరుక్కున్న మూడేళ్ల బాలుడు. మూడేళ్ల బాబును కారులో వదిలి వెళ్లిన తల్లిదండ్రులు. కారు డోర్లు లాక్‌ కావడంతో ఉక్కిరిబిక్కిరైన బాలుడు. కారు అద్దాలు పగలగొట్టి చిన్నారిని కాపాడిన స్థానికులు.

బీజేపీ సీనియర్ నేత బాల్ రెడ్డి కన్నుమూత

, బీజేపీ సీనియర్ నేత బాల్ రెడ్డి కన్నుమూత

హైదరాబాద్: బీజేపీ సీనియర్ నేత, మాజీ ఎమ్మెల్యే బద్దం బాల్‌రెడ్డి కన్నుమూశారు. హైదరాబాద్‌లోని కేర్ ఆస్పత్రిలో ఆయన గత కొన్ని రోజులుగా చికిత్స తీసుకుంటున్నారు. ఆయన ఆరోగ్యం విషమించడంతో శనివారం సాయింత్రం తుది శ్వాస విడిచారు. బాల్‌రెడ్డి భౌతికకాయాన్ని కేర్‌ ఆసుపత్రి నుంచి ఆయన నివాసానికి తరలించారు.

రేపు మధ్యాహ్నం 2గంటల తర్వాత బాల్‌రెడ్డి భౌతికకాయాన్ని కార్యకర్తల సందర్శన కోసం నాంపల్లిలోని భాజపా కార్యాలయానికి తరలిస్తారు. సాయంత్రం భాజపా కార్యాలయం నుంచి మహాప్రస్థానం వరకు అంతిమయాత్ర ఉంటుందని, 5గంటలకు మహాప్రస్థానంలో బాల్‌రెడ్డి అంత్యక్రియలు నిర్వహించనున్నట్లు కుటుంబ సభ్యులు తెలిపారు.

హైదరాబాద్‌ పాతబస్తీలోని అలియాబాద్‌లో 1945 మార్చి 7న బాల్‌రెడ్డి జన్మించారు. ఆయనకు భార్య, నలుగురు కుమారులు, ఒక కుమార్తె ఉన్నారు. 1962లో జనసంఘ్‌లో చేరారు. 1985, 1989, 1994లో వరుసగా మూడుసార్లు కార్వాన్‌ నియోజకవర్గం నుంచి ఎమ్మెల్యేగా గెలిచారు. బాల్‌రెడ్డి కుమారుడు మహిపాల్‌రెడ్డి ప్రస్తుతం బీజేపీ యువమోర్చా జాతీయ కార్యదర్శిగా ఉన్నారు.