కాంగ్రెస్‌ పాలిత రాష్ట్రాల్లో బీజేపీ హవా…

సార్వత్రిక ఎన్నికల ఫలితాల్లో మెజార్టీకి పైగా స్థానాల్లో ఎన్డీయే అభ్యర్థులు ఆధిక్యంలో దూసుకెళ్తున్నారు. కాంగ్రెస్‌ పాలిత రాష్ట్రాల్లో సైతం కమలం హవా కొనసాగుతోంది.

చత్తీస్‌గఢ్‌లో మొత్తం 11 లోక్‌సభ స్థానాలుండగా.. బీజేపీ 9 చోట్ల ఆధిక్యంలో ఉంది. మధ్యప్రదేశ్‌లో 29 నియోజకవర్గాలుండగా.. 20 చోట్ల ఎన్డీయే అభ్యర్థులు ముందంజలో ఉన్నారు. అధికార కాంగ్రెస్‌ కేవలం 9 చోట్ల మాత్రమే ఆధిక్యంలో ఉంది. రాజస్థాన్‌లో మొత్తం 25 స్థానాలుండగా.. 23 చోట్ల బీజేపీ ముందంజలో ఉంది. గతేడాది ఈ మూడు రాష్ట్రాల్లో అసెంబ్లీ ఎన్నికలు జరగగా.. కాంగ్రెస్‌ విజయం సాధించిన విషయం విదితమే. ఇక కర్ణాటకలో 28 లోక్‌సభ నియోజకవర్గాలుండగా.. బీజేపీ 23 చోట్ల ముందంజలో ఉంది. మండ్యలో స్వతంత్ర అభ్యర్థి సుమలత ముందంజలో ఉన్నారు.