Breaking News
  • ఆర్టీసీ కార్మికుల ఆత్మహత్యలపై కౌంటర్‌ దాఖలు చేసిన ప్రభుత్వం. నిరాధార ఆరోపణలతో ప్రభుత్వంపై నిందలు వేస్తున్నారు. ఆత్మహత్యలకు కారణాలను దర్యాప్తు సంస్థలు తేల్చాల్సి ఉంది. చట్టప్రకారం చర్యలు చేపట్టాలని కార్మికశాఖ కమిషనర్‌ను ఇప్పటికే హైకోర్టు ఆదేశించిందన్న సీఎస్‌. కార్మికుల జీతాలు సహా ఇతర డిమాండ్లపై కార్మికశాఖ కమిషనర్‌ తగిన చర్యలు తీసుకుంటారన్న సీఎస్‌.
  • ఏపీ బ్యాడ్మింటన్‌ అసోసియేషన్‌లో భారీగా నిధుల దుర్వినియోగం. మాజీ సెక్రటరీ చౌదరి సహా కొందరు సభ్యులపై కేసు నమోదు. నిధులు దుర్వినియోగం అయినట్టు రుజువుకావడంతో పున్నయ్య చౌదరిని అరెస్ట్‌చేసిన పోలీసులు.
  • విజయవాడ: సీఎం జగన్‌ పాలనతో సహకారం రంగం విరాజిల్లుతోంది. 2004లో స్వర్గీయ వైఎస్‌ఆర్‌ కోఆపరేటివ్‌ వ్యవస్థను బలోపేతం చేశారు. సహకారం రంగాన్ని టీడీపీ ప్రభుత్వం కుదేలు చేసింది. ఉద్యోగుల సమస్యలు పరిష్కరించేందుకు ప్రభుత్వం అండగా ఉంటుంది. రాజకీయ నాయకుల లాగా ఉద్యోగులు యూనియన్లు మారొద్దు-మంత్రి పేర్ని నాని. సహకార వ్యవస్థను బలోపేతం చేసేందుకు ప్రభుత్వం కృషి చేస్తోంది. రైతులకు అన్ని విధాలుగా సహకరించి రుణాలు అందించాలి-మంత్రి వెల్లంపల్లి
  • సిద్దిపేట: హుస్నాబాద్‌లో మోడల్‌ స్కూల్‌ను తనిఖీ చేసిన హరీష్‌రావు. చన్నీళ్లతో స్నానం చేస్తున్నామని మంత్రికి విన్నవించిన విద్యార్థులు. వాటర్‌ హీటర్‌ను వెంటనే రిపేర్‌ చేయించాలని ప్రిన్సిపాల్‌కు ఆదేశం. పిల్లలకు త్వరలో దుప్పట్లు పంపిణీ చేస్తానని హామీ.
  • తిరుపతి: కేరళ నుంచి సికింద్రాబాద్‌ వెళ్లే రైలులో నీటి కొరత. ఫిర్యాదు చేసినా పట్టించుకోని అధికారులు. నరక యాతన పడుతున్న అయ్యప్ప భక్తులు, ప్రయాణికులు. రైలును రేణిగుంట స్టేషన్‌లో ఆపేసిన ప్రయాణికులు.
  • మున్సిపల్‌ ఎన్నికలపై హైకోర్టులో కౌంటర్‌ దాఖలు చేసిన ప్రభుత్వం. పిటిషన్లన్నీ కొట్టివేయాలని సింగిల్‌ జడ్జిని కోరిన ప్రభుత్వం. పిటిషన్లపై ఇప్పటికే ధర్మాసనం విచారణ జరిపిందన్న ప్రభుత్వం. ప్రజా ప్రయోజన పిటిషన్లను ఇప్పటికే ధర్మాసనం కొట్టివేసిందన్న ప్రభుత్వం.
  • గుంటూరు: ఎస్పీ విజయరావుకు జనసేన ఫిర్యాదు. జనసేన కార్యకర్తలపై అక్రమ కేసులు పెడుతున్నారని ఫిర్యాదు. వాస్తవాలు పరిశీలించి న్యాయం చేయాలని విజ్ఞప్తి. ధర్మవరం ఘటనపై పూర్తి విచారణ చేపడతాం-ఎస్పీ విజయరావు. పోలీసులపై దాడి చేసిన వారిపైనే చర్యలు తీసుకుంటాం. అనవసర వివాదాలకు గ్రామస్తులు దూరంగా ఉండాలి-ఎస్పీ విజయరావు.
  • తూ.గో: అంతర్వేది బీచ్‌లో చోరీ. కారులో నుంచి బంగారు నగలు ఎత్తుకెళ్లిన దుండగులు. నగల విలువ రూ.3 లక్షలు ఉంటుందన్న బాధితులు. పీఎస్‌లో ఫిర్యాదు చేసిన బాధితుడు సూర్యనారాయణ.

చరిత్రపై చిచ్చు.. చెరిపేస్తారా ? తిరగరాస్తారా ?

amithshah speaks on history deviation, చరిత్రపై చిచ్చు.. చెరిపేస్తారా ? తిరగరాస్తారా ?

మనం చదువుకున్నది.. మన చరిత్ర కాదా..?   బ్రిటిషర్ల దృష్టితో రాసిన చరిత్రేనా ఇది?  ఇతిహాసాన్ని పరిహాసంగా మార్చారా..?  అసలు మన చరిత్ర ఏంటి..? ఎక్కడ మొదలైంది..? ఎవరితో ముగిసింది..? దేశం కోసం పోరాడిన వీరుల్లో కొందరిని మరిచామా..? మొఘలులు, బ్రిటిషర్లు, లెఫ్ట్‌ వాదుల కనుసన్నల్లోనే మన చరిత్ర లిఖించబడిందా..? దేశానికి ఉన్న ఆత్మను.. భారతీయతను చంపేశారా..? కేంద్ర హోంమంత్రి.. అమిత్‌షా.. మాటల వెనుక దాగున్న అర్థమేంటి…

దేశం మీసం తిప్పిన వీరులెందరో.. దేశ స్వాతంత్ర్యం కోసం పోరాడిన యోధులెందరో… ప్రాణాలను సైతం అర్పించిన భరతమాత ముద్దుబిడ్డలెందరో…. ఎందరో మహానుభావులు అందరికీ వందనాలు. 1957 సిపాయిల తిరుగుబాటు. ఇది చరిత్ర పుస్తకాల్లో మనం చదువుకున్న ముఖ్యపాఠం. ఇక్కడి నుంచే భారతదేశ స్వాతంత్ర పోరాటం మొదలైందన్నది చరిత్రలో లిఖించబడింది. ఈ ఘనత మొత్తం సావర్కర్‌కే చెందుతుందన్నారు అమిత్‌షా.

బ్రిటిషర్లు మొఘలుల కాలంలో చరిత్రను వక్రీకరించారన్నది అమిత్‌షా పరోక్ష వాదన. చరిత్రను వారి కోణం నుంచే లిఖించారని… దీన్ని ఇప్పుడు భారతీయుల కోణం నుంచి తిరగరాయాల్సిన సమయం ఆసన్నమైందని అంటున్నారు. భరతఖండ చరిత్ర అంటే దేశ స్వాతంత్ర్య సంగ్రామమే కాదు..అంతక ముందు ఎంతో ఉందన్నది వారి వాదన.

బెనారస్‌ హిందూ యూనివర్సిటీని స్థాపించిన పండిట్‌ మదన్‌ మోహన్‌ మాలవ్యా గురించి చరిత్రలో ఎక్కడా లేదన్నారు. ఆయన స్వాతంత్రానంతరం దేశ పునర్నిర్మాణంలో కీలకపాత్ర పోషించారన్నారు. ఇక గుప్త సామ్రాజ్యపు స్కంధగుప్తుని చరిత్ర ఆనవాళ్లు ఎక్కడా కనిపించడం లేదన్నారు షా. ఆయన హూనా సామ్రాజ్యాన్ని ఓడించి అఫ్గనిస్తాన్‌ వరకు హస్తగతం చేసుకున్నాడన్నారు. అలాంటి గొప్ప యోధుడి గురించి చరిత్ర మర్చిపోవడం బాధాకరమన్నారు.

స్కంధగుప్తుడి వంటి పరిపాలకులు 200మంది వరకు ఉన్నారని.. వారి చరిత్రను వెలికి తీసి భావితరాలకు అందించాలంటున్నారు షా. ఇప్పుడున్న చరిత్రను తిరగరాసి… బ్రిటిషన్లు, మొఘలులను పక్కకి నెట్టాలన్నది ఆయన వాదన. అయితే.. ప్రతిపక్షాలు మాత్రం ఆయన మాటలను తప్పుబడుతున్నాయి. దేశాన్ని ఎంతో మంది రాజులు పరిపాలించారని.. దేశ నిర్మాణంలో అందరి పాత్రా ఉందని అంటున్నారు. కేవలం హిందూ రాజులను ఎత్తి చూపి.. మిగిలిన వారిని తక్కువ చేయాలని చూస్తే.. చరిత్ర హీనులుగా మిగిలిపోతారని అంటున్నారు. మరి ఈ చరిత్ర పాఠాలు.. వాటి పర్యవసానాలు ఎక్కడి వరకు వెళ్తాయో వేచి చూడాల్సిందే.