అంత గొప్ప మానవతావాది.. 15 ఏళ్లుగా పన్ను ఎగ్గొట్టారా..!
రాబర్ట్ స్మిత్.. విస్తా ఈక్విటీ పార్ట్‌నర్‌ని స్థాపించిన ఆయన ఆ బిజినెస్‌లో ఉన్నత స్థానానికి ఎదిగారు. అంతేకాదు గొప్ప మానవతావాదిగా ఆయనకు పేరుంది.
robert smith tax: రాబర్ట్ స్మిత్.. విస్తా ఈక్విటీ పార్ట్‌నర్‌ని స్థాపించిన ఆయన ఆ బిజినెస్‌లో ఉన్నత స్థానానికి ఎదిగారు. అంతేకాదు గొప్ప మానవతావాదిగా ఆయనకు పేరుంది. గతేడాది మోర్‌ హౌజ్‌ కాలేజీలో ఉన్న గ్రాడ్యుయేట్‌ విద్యార్థులందరికీ ఆయన ఫీజులు చెల్లించి, తన మంచితనాన్ని చాటుకున్నారు. అంతేకాదు కష‌్టాల్లో ఉన్న ఎంతోమందికి సామాజిక సేవ చేశారు. అయితే ఇలాంటి వ్యక్తి 15 ఏళ్లుగా వేల కోట్ల రూపాయల టాక్స్‌ ఎగ్గొట్టారట. ఈ విషయాన్ని శాన్‌ఫ్రాన్సిస్కో అటర్నీ డేవిడ్ ఆండర్సన్ తెలిపారు.
అమెరికాలోనే అతిపెద్ద పన్ను కుంభకోణం కేసులో నేరస్తుడిగా ఉన్న రాబర్ట్ బ్రోక్‌మన్‌ కేసు విచారణలో భాగంగా స్మిత్‌ని విచారించారు. ఈ దర్యాప్తులో బ్రోక్‌మన్‌కి సహకరించినట్లు స్మిత్ ఒప్పుకున్నారట. 15 ఏళ్లుగా వివిధ రకాల ట్రస్ట్‌లు, కార్పొరేషన్ల ద్వారా ఫారెన్‌ ఫండ్లను తప్పుదారి పట్టించి.. స్మిత్ వాటి ట్యాక్స్‌ ఎగ్గొట్టినట్టు డేవిడ్ ఆండర్సన్ వెల్లడించారు. ఇక వీటికి సంబంధించి 139 మిలియన్‌ డాలర్లు చెల్లించడానికి ఒప్పుకున్నట్టు సమాచారం. ఇక ఈ కేసులో అధికారులు మరిన్ని వివరాలను సేకరిస్తున్నారు.
Read More:
